Bera Bera - Berriak

14 Ekaina 2016

Bera Bera Eskubaloiak Bidebietan aurkeztu du aurreneko fitxaketa, Leire Aramendia esker hegaleko jokalaria, azkeneko bost denboraldiak Helvetia Alcobendasen igaro duena. Nafarroako Lerin herrian jaioa “ilusioa” nabarmendu du “aldaketa handia delako eta kalitatean urrats bat”. Horregatik, adierazi zuen “harriduraz jaso nuen Tatiren deia”, Kopa ostean iritsi zena, behin jakinda Matxalen Ziarsolok erretiroa hartuko zuela. Aramendiak aipatu du “erabakitzea hartzen ez nuen denbora asko eman, kirol arloan aldaketa nahi nuelako”. Halere, hegaleko jokalariak “presioa” gainetik kendu nahi izan zuen, “ikasi nahi dut” eta denboraldia duela egun gutxi amaitu arren “hasteko gogokin nago”, Puchek eta Iker Fernández prestatzaile fisikoak udarako hainbat ariketa bidali arren. Bere “lehentasuna” ez da tituluak irabaztea “ez dudalako sekulan lortu” baina “baten bat ospatzea nahiko nuke Bidebietan maiatzean bizi izan zen giroaz disfrutatzeko”. Aramendiak Itxakon jokatu zuen kadete eta jubenil mailetan eta lehen taldean aukerarik ezean, Alcobendasera joatea erabaki zuen. “Abiadura, kontraerasoa eta denboraldi osoan korrika egin” aipatu ditu ekarpen gisa. Bera Berak Txapeldunen Ligan inskribatzea galdetuta, Aramendiak adierazi du “oso pozik nago Txapeldunen Ligan arituko garelako” hortaz, aipatu du Bera Berara etortzeko erabakia “birritan asmatu dut”. Aurkezpenean, Bera Bera Eskubaloiko arduradun Tati Garmendiak aipatu du “gaztea izan arren -23 urte- ohorezko mailak eskarmentua du, fisikoki ezaugarri onak ditu eta ziur nago taldeari segituan moldatuko dela”. Aramendiak igandean Esther Arrojeria, Maite Zugarrondo eta Alba Menéndezekin bat egingo du B selekzioan, Unibertsitate mailako Mundialari ekingo diona Antequeran ekainaren 27tik uztailaren 2ra arte.

14 Ekaina 2016

Espainiako eskubaloi federazioak ezagutzera eman zuen atzo 16 jokalariez osaturiko “emakumezkoen eskubaloiko B selekzioa Unibertsitateko Munduko txapelketa jokatzeko”, bertan Esther Arrojeria, Maite Zugarrondo, Alba Menéndez eta atzo Bidebietan aurkeztu zen Leire Aramendia direlarik. Unibertsitate mailako Mundiala Antequera ospatuko da ekainaren 27tik uztailaren 2ra arte, hortez, ekainaren 19an Malagako hiri horren abiadura handiko geltokian egon beharko dute. Ángel Sandoval eta José Ignacio Prades entrenatzaileen esanetara, bigarren selekzioak Antequerako Atletismoko goi mailako zentroan burutuko du konzentrazioa eta bi lagunarteko jokatuko ditu, ekainaren 23an junior mailako selekzioaren aurka -Maitane Etxeberria eta Eider Lizarbe bertan direla- eta Poloniarekin ekainaren 25ean. Portugalen lorturiko bosgarren postua hobetzeko asmoz, Espainiak Japon izango du aurrean ekainaren 27an, Errumania 28an eta India 29an. Partida guzti hauek Fernando Argüelles udal kiroldegian izango dira 12,15etan. Finalerdiak uztailaren 1ean burutuko dira eta finala, uztailaren 2an.

13 Ekaina 2016

Harrobiak ederki ospatu zuen denboraldi amaiera Pasaiako pilotalekuan antolatu zen festan: bazkaria –entrenatzaile eta guraso, barne-, jolasak, musika, Ane Sarasolak kitarrarekin bi abesti eskaini zituen Maialen Eguren soinarekin lagun, bertsoak, karaokea eta taldeekideen arabera gehien nabarmendu diren jokalariek sariak jaso zituzten. Aldez aurretik, goizen Pasai Donibaneko kiroldegian hainbat guraso eskubaloira jokatzen ere animatu ziren seme-alaben harridurarako. Hortaz, ikasturteari amaiera ezin hobea.

10 Ekaina 2016

Elkarren ondoan hilabeteak igaro ostean, makina bat entrenaldi, partida, kolpeak, irriak, hasarrreak, txaloak eta lana ondo burutu dela sentsazioarekin, Bera Bera Eskubaloiko harrobiko taldeak 2015-16 denboraldiari amaiera jarriko dio igandean Pasai Donibaneko pilotalekuan antolatu duen bazkari batekin eta bertan elkartuko dira jokalariak, entrenatzaileak, delegatuak eta gurasoak.
Eskubaloia ere ezin falta eta 11etan etorkizuneko jokalarien artean partida bat jokatuko dute Donibaneko kiroldegian.
Lehiaketari dagokionez partida bakarra dago igandean bertan, infantil mailan nesketan Bera Bera Hiru eta Ereintza B taldeek jokatu behar dutena Beraungo pilotalekuan 11,30etan.
Igandeko bazkaria giroa sortuko da, jokuak ez ezik sariak ere izango direlarik.
Infantil mailako Gipuzkoako nesken selekzioa
June del Campo eta Saioa Gerendiain jokalariak deitu ditu Gipuzkoako federazioak larunbatean Oñatiko kiroldegian Korpuseko X. txapelketan parte hartzeko Gipuzkoako selekzioarekin.

09 Ekaina 2016

Junior mailako hautatzaile Sagrario Santanak Errusian uztailaren 3tik 16ra bitartean burutuko den Mundiala jokatzeko osatu duen 16 jokalarien zerrendan dira Bera Berako Maitane Etxeberria eta Eider Lizarbe, eta horrez gain, Ane Encina, Errotabarriko jokalaria astean behin Bidebietan aurreneko taldearekin entrenatzen aritu dena. Guadalajaran egon behar dira jokalariak ekainaren 19ean eta Mundiala prestatzen hasiko dira, goiz eta arratsaldez. Uztailaren 1ean egingo dute bidaia Moscura eta uztailaren 3an helduko diote lehiaketari. C multzoan izanik, Espainia Argentinarekin hasiko da, hurrengo egunean Egipto izango da arerioa, hilaren 6an Alemania, 7an Errumania eta 9an, Kazajistán. Multzoko aurreneko lau taldeek uztailaren 11n final-zortzirenak jokoan izango dituzte; hurrengo egunean, final-laurdenak; uztailaren 14ean finalerdia eta uztailaren 15ean final, hori guztia Moscuko CSKA Palace Sporten.