Beste urte batez, eta dagoeneko 22 dira, Bera Bera Klubak Donostia Baiona Donostiaren edizio berri bat antolatu du.
Aurten 1367 parte-hartzaile izan ditugu.
2024. edizio honetarako eguraldia lagun izan dugu eta parte hartzaileek zein bolondresek egun polit batez gozatu ahal izan dute.
Donostia Baiona Donostia 2024 martxa zikloturista gaur eguerdian aurkeztu da Donostiako GIANT dendan, Arantzazu Azpirozek eta Marino Lejarretak, DBD martxan omendu dituzten bi txirrindulari ohiek, parte hartu duten prentsaurrekoan.
Benito Urraburuk zuzendu du aurkezpena eta 2023ko edizio “epikoa” ekarri du gogora, euriteek eragindako ibilbide luzea murriztu behar izan baitzen. Aurtengo ediziorako egun eguzkitsua eta udaberriko tenperaturak espero dira.
Aurtengo ediziorako 1.400 parte-hartzailera iristea espero da, azken orduetan zikloturista askok eman baitute izena, eguraldi ona dela eta.
Arantzazu Azpirozek horrelako martxak egitera eta "beldurra kentzera" animatu ditu neskak, proba ez lehiakorrak eta maila eta eskakizun guztietara irekiak direlako.
Marino Lejarretak bere 3 "handiak", Vuelta, Giro eta Tourra, egin zituen denboraldiak gogoratu ditu.
Iñaki Gabarain, Donostiako Udaleko kirol zinegotzia, aurkezpenean izan da eta eskerrak eman dizkio Bera Bera Klubari hirian eta gizartean hainbeste eragiten duten ekitaldi hauek egiteko egindako ahaleginagatik eta parte hartzeagatik.
Bihar, larunbata, goizeko 8etan Zurriola Etorbidetik DONOSTIA BAIONA DONOSTIA 2024 Zikloturismo Martxa aterako da.
Argazkian, ezkerretik eskuinera: Oiane Saratxaga DBDko zuzendaria (Club Bera Bera), Marino Lejarreta, Arantzazu Azpiroz, Iñaki Gabarain eta Sergio Thomas (GIANT).
Beste urtebetez, dagoeneko 21, Donostia Baiona Donostia martxa antolatzea lortu zuen atzo gure kirol elkarteak.
Ziurrenik urte guzti hauetako egun gogor eta euritsuenetakoa izan zen, eta bertan aritu zinaten partaide guztiak sekulako meritua duzue, bejondeizuela!!
Aurtengo edizioa oso berezia izan da guretzat, Tour-a Euskadira etorriko den urte honetan gure martxa. Grand Dèpart País Basque-ren parte izan da eta izen emate gehien izan ditugun edizioa osatu dugu, 1.753 guztira!!
Beraz eskerrak emateko argumentu asko ditugu.
Donostia Baiona Donostia 2023 Grand Dèpart martxa zikloturista gaur eguerdian aurkeztu da GIANT Donostia dendan, eta bertan izan dira Fernando Diez Mintegui, ibilaldiaren antolatzailea den Bera Bera Elkarteko presidentea, eta Pedro Delgado txirrindularia, martxaren antolakuntzak bere kirol-ibilbide bikainagatik omenduko duena, Frantziako Tourra eta Espainiako Vuleta irabaziz, besteak beste.
Bera Bera Elkarteak omenaldia egin zion Monika Daza-ri (zikloturismoko atalekoa), bere karrera bikainagatik.
Sekulako palmaresa dauka Monikak, besteak beste, Espainiako Masters Txapelketak (2018, 2019 eta 2021) eta Espainiako Cofidis Kopako Txapelketa Nagusiak (2019 eta 2021).
Zorionak Monika lortutako arrakastengatik!
