12 Urtarrila 2016

Imanol Reformas, S.L. ko gerente Imanol González Balda eta Bera Bera RTko presidente Fernando Diez Mintegik Bera Bera Eskubaloiko eskolako babeslegoa berritu dute. Imanol Reformas empresa donostiarrak etxebizitzen eta lokalen berritze eta mantentze lanetan aditua da.
Bosgarren denboraldia da Imanol Reformas enpresak eskola babesten duena, kirolara eta eskubaloiara gerturatzea duena. 8 eta 11 urte bitarteko neska-mutilei zuzenduta, babeslegoak indartu du eskola, Bidebietan astelehenero ordubetez geroz eta gazte gehiago gerturatu dira eta urteen poderioz infantil taldeetan nabaritu dena.
Verónica Valverderen koordinaziopean, hogei neska-mutil baino gehiago kirolarekin gozatzen dute astelehenero eta noiz behinka beste taldeetako eskolekin egiten diren topaketekin.

11 Urtarrila 2016

Bera Berako senior taldeak Egiaren aurka (22-19) garaipenarekin itxi zuen euskal ligako aurreneko fasea. Itzuli batera egindako lehiaketan Dani Nieto eta Josu Manzanoren taldea Usurbilen atzetik gelditu da, partida guztiak irabazi dituena.
Hemendik aurrera, bigarren faseari ekingo diote Gipuzkoako sei talde onenak: Bera Beraz gain, Usurbil, Aiala, Ereintza, Aloña Mendi eta Pulpo. 
Partidan albiste pozgarria eman zen, izan ere, eskuin sorbaldako ebakuntza jasan ostean Lur Errekondo (argazkiak) berriro jokatu zuen partida ofiziala. Argazkiak: Bera Bera vs Egia
Harrobiko beste partidan, kadete mailako mutilen taldeak ez zuen asmatu ate aurrean eta Bidebietan galdu egin zuen 19-25 Zumaiako Pulpo taldearen aurka.
Argazkiak: Bera Bera vs Pulpo

11 Urtarrila 2016

2016 urtea urria etorri da golei dagokionez. Bidebietan Bera Bera eta Prosetecnisa Zuazo Barakaldo taldeen aurtean 34 ontzat eman zuten epaileek. Gipuzkoarrek partida irabazi zuten 18-16 bizkaitarrei, atsedenaldian 10-8. Bederatzi urte baino gehiago eta 118 partida igaro dira Bera Berak Bidebietan 20 gol baino gutxiago sartzen zituela, Juan Carlos Elorza kazetariak bildutako datuen arabera. 2006ko azaroaren 10ean, beste derbi batean izan zen, Bera Berak eta Itxakok jokatu zutena, nafarrek 17-21 irabazi zutena. Denboraldi bat lehenago, 2006ko urtarrilaren 24an, Bera Berak 19-24 galdu zuen Orsan Elda Prestigioren aurrean. 2003-04 denboraldian, donostiarrek 17-23 galdu zuten Mar Valencia El Ositoren aurka eta 2002ko azaroaren 16an, Bera Berak 15 baino ez zion sartu Ferrobús Mislata taldeari (15-22). Bera Beraren garaipena, 18 gol sartuta Bidebietan, ikusteko 2002ko apirilaren 28ra arte begiratu behar da, izan ere, orduan Itxakori irabazi zioten gipuzkoarrek 18-14. Horrelako zenbakiek ez diote mesederik egiten Bera Berari, etxean ezta ere. Azkeneko 20 urtetan lau partida baino ez ditu irabazi 20 gol baino gutxiago sartuta etxean eta 10 galdu. Eta hogei gol inguru ere, arazoak. Iazko denboraldian, Bidebietan galdu zuen Elche Mustang taldearen aurrean (20-24), Mecalia Atlético Guardés taldearen aurka berdindu zuen (22-22), 2013-14 denboraldian Elcheri 21-20 irabazi zion eta Guardési (22-19). 20 gol baino gutxiago sartuta Bidebietan Porriñori (16-14) irabazi zion 1999ko urtarrilaren 17an, egungo bigarren entrenatzaile Eider Rubioren zortzi golei esker eta urtarrilan ere bai, Bidebietakoek 19-13 gainditu zuten 1997ko Hernani San Sebastián bezperan. Azken bi hamarkada hauetan, batez ere 1999-2002 urteetan, Ferrobús Mislata eta Elda Prestigio izan ziren talderik gogorrenak donostiarrentzat.

10 Urtarrila 2016

Partidako 47. minutuan hutsartea eskatu du Montse Puche entrenatzaileak. Elizegik penaltia gauzatu du eta 12-14 ezarri du markagailuan baina Bera Beraren arazoa erasoan zegoen. Bigarren zatian bi gol zeraman, Menéndezen jaurtiketa bat eta Etxeberriaren kontraerasoz, gipuzkoarrek Castellanos atezainarekin egin dute topo. Baina irtenbidea defentsan zegoen. Puchek Pinedo banakako defentsan kokatu zuen Steinbach ondoan, Zuazori asko kostatu zaiona gainditzea. Joku geldia adierazi diote behin baino gehiagoetan eta Ana Tempranok asmatu du geldiketa erabakiorrak egiten. Pinedok, berriz, bi kontraeraso, penaltiz beste bi gol eta beste bat, azkena, baloi loratu bitartez 18-16 ezarrita. Fitxa: Bera Bera 18, Prosetecnisa Zuazo Barakaldo 16 Bera Bera 18: (10+8): Temprano, Ezkurdia (2), Menéndez (2), Arrojeria, Ederra, Yáñez (2) eta Pinedo (7, 2p) –titular- Sans, Martínez (1p), Etxeberria (1), B. Fernández eta A. Fernández (3). Deialdian: Zugarrondo. Prosetecnista Zuazo Barakaldo: 16 (8+8): Castellanos, O. Gil (1), Elizegi (2), Nogales, Hernández (3), Steinbach (4) eta Berastain –titular- De Andrés (1), A. Gil (3), Azaola (2) eta Martin. Epaileak: Javier Álvarez (EAE) eta Yon Bustamante (Nafarroa). Kanporatuka: Martínez eta Arrojeria Bera Beratik eta Martin Zuazotik Partzialak: 1-0, 2-1, 5-2, 6-5, 7-6, 10-8 –descanso- 11-11, 11-13, 12-13, 14-14, 16-16 eta 18-16