Bera Bera - Berriak

08 Urtarrila 2016

Bi hilabete eta gero Bera Bera Loterías Ligara itzuliko da, izan ere, azken partida azaroaren 10ean izan zen Oviedon, irabazi zuena (19-25) eta Bidebietara ere itzuliko da BM Porriñoren aurkako azken garaipen ostean (29-19). Norgehiagoka Álvarez –EAE- eta Bustamante –Nafarroa- epaileek zuzenduko dute eta aurrean, sailkapenean laugarrena den Prosetecnisa Zuazo Barakaldo.
Biharko nobedadea Bea Fernández izango da. Frantziako Fleury taldean hiru urte t’erdi igaro ondoren Bera Berara itzuli da kantabriarra. Donostian bi urte egin zituen internazionalak, azken denboraldian Bera Bera Kopako finalera iritsi zen Altean eta aurreneko aldiz Ligako azpitxapeldun gelditu zen, bi kasuetan Itxako izan zuten aurretik gipuzkarrek.
Hortaz, Ziarsolo eta Múgica salbu, Puchek aurreneko plantillako 13 jokalari ditu prest oso txapelketa ona burutzen ari den Prosetecnisa Zuazo Barakaldoren aurka. Bera Berarekiko puntu bakar batera, zazpi garaipen lortu dute, Mecalia Atlético Guardés taldearen aurka berdintzea lortu zuten eta Zarauzko Aritzbatalden eta Barakaldon Rocasaren aurka galdu zuten.
Ainhoa Hernández Mundiala jokatu duen pibotea, Oihane Gil eta Elizegi jokalariei gehitu zaie aurten Steinbach alemaniarra, Castellanos atezaina eta Nogales zentrala, ondorioz, Zuazo talde arriskutsua da, Bera Berarekin eman diren azken emaitzak adierazten baino gehiago.
Donostiarrek, berriz, jakin badakite ezin dutela akatsik egin eta Rocasa presionatzen saiatuko dira. Kanariarrek Challenge Cupean egingo dute debuta eta Valentzian jokatuko dute jardunaldia urtarrilaren 13an. Antza, gipuzkoarrek ondo hartu dute etenaldia, lagunartekoetan eta Euskal Kopan abiadura berreskuratu dutela antzeman da eta orain baliabide gehiago dute.

07 Urtarrila 2016

Urtarrilaren 9an larunbata Loterías Liga Bidebietara itzuli baino hiru ordu lehenago mutilen kadete taldeak Pulpo hartuko du leku berean 16etan.
Astebururako harrobiko beste partidan, senior taldeak Egia hartuko du igandean 12,15etan Bidebietan.

07 Urtarrila 2016

Ligara itzultzeko bi egun falta direla, Montse Puche entrenatzailea komunikabideen aurrean agertu da gaur goizean bere taldearen berri emateko eta nola prestatzen ari den larunbateko partida, izan ere, Bidebietan hartuko du 19etan Prosetecnisa Zuazo Barakaldo. Urte amaieran eta urte hasieran Zuazoren aurkako partidak nagusitasunez irabazi arren, Zallan lagunartekoan eta Zarautzen Euskal Kopan, Puchek uste du larunbatekoa beste partida bat izango dela. “Ez da ezertan berdina izango, oso puntu garrantsitsuak dira, Zuazo puntu bakar batera dugu eta irabaziz gero indartsu aterako gara”. Pucheren esanetan “Zuazo ez da Euskal Kopakoa izango”. Aurkariaz galdetuta, madrildarrak azaldu du “Zuazok ideia taktikoa anitza du, ideia garbiak ditu, baina prozeduran aztertu ditugu eta badakigu zer egin behar dugu eta zentzuk dira kontrolpean izan behar ditugun jokalariak”. Bizkaitarrak laugarrenak dira sailkapenean Bera Berarekiko puntu batera. Puchek dio “ondo” ikusten duela bere taldea. Lagunartekoak eta pasa den asteburuko partidak “konfidantza hartzeko, sensatzioak eta taldeak denboraldiko bigarren faseari gogor ekiteko”. Ziarsolo eta Múgica jokalariaz gain, beste guztiak prest ditu, Pinedo, Etxeberria, Zugarrondo eta Bea Fernández barne. Azken honi buruz, Puchek azpimarratu du “gogotsu dagoela, berak ahalik eta gehien eman nahi dio taldeari eta taldekideak badakite, oso garrantsitsua da hori”. Bera Berako entrenatzaileak ziurtatu du bere taldeak “jakin badaki hemendik maiatza bitartean partida guztiak finalak izango direla. Norabide zuzenean gaude, taldea gogotsu dago eta sinistitua”. “Liga oso luzea da eta aukerak izatea gerta daiteke” amaitu du.

05 Urtarrila 2016

Emakumezkoen eskubaloi txapelketan, egun Loterías Liga, denboraldi ona bururu ahal izateko erabakiorra da abenduko etenaldia ondo kudeatu eta urte hasierako partidei ahalik eta ondoen heltzea. Aurredenboraldi txikia bete behar dute jokalariek eta taldeentzako arriskutsua gerta liteke azkeneko urteetan emandako emaitzek horrela adierazi dutelako. Azken hamarkadan, Bera Bera ondo baino hobeto atera da egoera horretatik, batez, ere Liga eskuratu duenean. 2015ean, aurten bezala Euskal Kopa aise gainditu ostean eta Kopako final-zortzirenak gaindituta Kordoban, urteko ligako aurreneko partidan líder kokatu zen Bidebietan Rocasari (25-20) irabazita. Beste partida erabakiorran, 2014ko urtarrilaren 11n Bidebietan Helvetia Alcobendasen gainetik pasatu zen Bera Bera (36-22), orduan bigarren sailkatua. Halere, etxetik kanpo hurrengo bi partidak galdu zituen, Alacanten eta Telden, non average delakoa ere galdu zuen. Liga eskuratu zuen aurreneko denboraldian, Bera Berak urtarrila hasieran ere egin zuen salto lidergora, izan ere, Zuazo Barakaldo (31-25) gainditu zuen urtarrilaren 9an –espero dezagun gauza bera egitea larunbat honetan-, horren ostean Telden irabazi zuen (20-26), eta Elchek Alcobendasen galdu zuela aprobetxatuz hirugarren postutik líder kokatu zire gipuzkoarrak. Azpitxapeldun gelditu zen urtean, Bera Berak Helvetia Alcobendas mendean hartu zuen Bidebietan (36-25) urtarrilaren 7an eta Teldetik ere garaipena ekarri zuen astebete beranduago (22-33). 2010-11 denboraldian Rocasari irabazi zion Bidebietan (26-23) Eider Rubioren zazpi golekin eta Vicar Goyaren aurka (30-30) berdindu. 2009-10 denboraldian, elurra zela kausa bertan behera gelditu zen Ribarrojaren aurkako partida urtarrilaren 9an eta astebete beranduago Bera Berak galdu egin zuen Eldan (31-25) eta Donostian Cleba Leónen aurka (23-28), erabakiorra izan zena Europatik kanpo gelditzeko, 1999-00tik Europako posizioetan zen Bera Bera. 2009eko urtarrilaren 10ean, Bera Berak 39-23 Monóvar gainditu zuen eta gol bakar batez galdu zuen Elxen handik zazpi egunetara. 2007-08 denboraldian ez zuten ia etenaldirik izan, abenduaren 22 eta 29an jokatu zutelako, berdindu zituen bi partidak Bera Berak Lizarran eta Bidebietan Eldaren aurka. Urteko lehen partida galdu zuten gipuzkoarrek Telden (27-22). 2007ko urtarrilaren 10ean Bera Berak Farho Gijón (27-19) gainditu zuen Bidebietan eta 2006ko aurreneko bi partidak berdindu zituen Elche eta Itxakorekin. Hortaz, urtarrila izan arren, sailkapenean eragin handiko partidak dira. Kasu honetan, donostiarrak Rocasaren emaitzen zain dira baina garaipenak eskuratu ahala kanariarrak presionatzen saiatuko dira, gainera, Europako partiduei helduko die orain Teldeko taldeak. Larunbatean Bidebietan (19etan), Bera Berak Prosetecnisa Zuazo Barakaldo hartuko du, laugarren sailkatua gipuzkoarrekiko puntu bakar batera. Bestetik, Rocasak Kosovon Challenge Cupeko joaneko partida jokatuko duenez larunbatean, ligako jardunaldiari urtarrilaren 13an ekingo dio Valentzian. Bestetik, Mecalia Atlético Guardések Aiala Zarautz hartuko du larunbatean 19etan. Bera Berak Bidebietan ere jokatuko du hurrengo jardunaldia, orduan Carobels Cleba León taldea izango du aurrean –urtarrilaren 16an 18etan - eta lehenengo itzuliari amaiera jarriko dio Alcobendasen urtarrilaren 23an (17etan).

04 Urtarrila 2016

Bosgarrenean egin du debuta Udane Rodríguez atezainak Bera Berarekin partida ofizialean. Atzo izan zen, Zarautzen ospatu zen Euskal Kopako finalean, gipuzkoarrek irabazi ziotena Prosetecnisa Zuazo Barakaldori (31-16). Bezperan, Kukullagaren aurkako finalerdian, Maite Zugarrondok hamar minutu egin zituen eta eserlekuan ezarri zen ondoezik. Temprano atepean jarri zen eta atzorako Puchek Udane Rodríguez deitu zuen. 2015eko martxoan Zugarrondok sorbaldan mina hartu zuen Vivelafruta Castelldefels taldearen aurka eta Udane Rodríguez hiru norgehiagoketan izan zen: Madrilera egin zuen bidaia Helvetia Alcobendasen aurka, Zarautzen jokatu zen Canyamelar Valencia taldearen aurrean eta Elxera ere egin zuen bidaia. Aurtego denboraldian Elche Mustang taldearen aurkako partidan ere izan zen Bidebietan, Temprano baja izan zen partidan, bere aita zendu zelarik. Atzo partidako azken hamar minutuak jokatu zituen Udanek, 25-13 alde. Sartu eta berehala Sanz piboteari atera zion baloia baina penaltia adierazi zuten, Velascoren jaurtiketa ikutu zuen baina ezin izan zuen gola saihestu. Horren ostean, Mujikari bi jaurtiketa gelditu zitzaion, bat hegaletik eta beste alboko posiziotik. Ez zuen Steinbachen jaurtiketa ikusi, De Andrés jokalariak kanpora bidali zuen baloia, ezin izan zuen Sanz pibotearen gola sei metroetatik eta Tania Yáñezi bidalitako baloia galdu zuen. Azken bi baloiak Judith Sansek urrundu zituen. Hortaz, minutu oparoak jokatu zituenak Udanek eta 6-3 partziala alde. Horrela, Udane Rodríguezekin, azkeneko lau urtetan, zortzi jokalari gipuzkuar dira Bera Berarekin debuta egin dutenak: Uxue Ezkurdia, Olatz Ramon, Esther Arrojeria, Maitane Etxeberria, María Akuña, Maialen Husillos eta Eider Lizarbe.