Martxoan lotailu gurutzatua konpontzeko egin zioten ebakuntza eta sorturiko zuntzak galerazi diote belauna erabat luzatzea. César Flores medikuarekin egindako azken berrikustean artroskopia egitea erabaki zuen, bihar arratsaldean egingo dena.
Gertaera hau dela eta, SUPER AMARA Bera Berako bigarren kapitainak errekuperazioan atzerapena darama, halere, biharko artroskopia egin ostean belaunean hobekuntza nabarmenda egitea espero da, fisioterapia lana eta La Perlan itsasoko urarekin egingo duen tratamentua medio.
Giulia Guarieiro iritsiko da
2017-18 denboraldiari begira plantilla lehiakorra osatu duela ziur dago SUPER AMARA Bera Bera. Halere, lehiaketa hasieran Arrojeria eta Mónica Ausàs baja izango direla kontuan hartuta, jokalari bat ekartzea erabaki du, Giulia Guarieiro brasildarra, alegia. Denboraldi hasieran SUPER AMARA Bera Berak ez du Ligarako nahiz Europarako helburuak kolokan jarri nahi.
Alboko jokalaria laster 22 urte beteko dituen Giulia Guarieirok kirol ibilbidea Sao Pauloko Pinheiros taldean burutu du, 2010 eta 2014 urte bitartean talde txapelduna Brasilen. Junior mailako internazionala izan zen Guarieiro eta Bera Berak erreferentzia onak jaso ditu. Hortaz, SUPER AMARA Bera Berak itxi du plantilla zazpi nobedade tarteko: Arderius, Cardoso, Castellanos, Azurmendi, Karsten, Ausàs eta Guarieiro.
Montse Puchek lana badu jokalari horiek guztiak taldera moldatzen eta denboraldi hasierara ahalik eta berme handiarekin hasi nahi du, izan ere, SUPER AMARA Bera Berak hasiera haiseratik jokoan jarriko baititu bere aukerak Loterías Ligan eta, batez ere, EHF Cupean.
