Loterías ligako emakumezkoen eskubaloi lehiaketaren egutegiaren zozketa egin da gaur eguardian Federazioko egoitzean. SUPER AMARA Bera Berak hasiera gogorra izango du, izan ere, etxetik kanpo hasteaz gain, igo berri den BM Castellón taldearen aurka, Rocasa eta Mecalia Atlético Guardés bigarren eta laugarren jardunaldietan hartuko ditu eta erdian Málagara egingo du bidaia, iaz laugarren sailkatua.
Horrez gain, gaur ezagutu da SUPER AMARA Bera Berak EHF Cup delakoari aurreneko txandan egingo diola aurre, hau da, Loterías liga hasiko den asteburuan, hortaz, ligako bi norgehiagokak astean zehar jokatuko ditu. EHFko zozketa uztailaren 18an izango da eta donostiarrek aurreneko aurkaria ezagutzeaz gain, gainditzekotan hurrego taldea ere ezagutuko luke, urriaren 14-15 eta 21-22an jokatuko den kanporaketarako.
Aurtengo ligako txapelduna Donostian izango da urriko aurreneko asteburuan, selekzioek izango duten partida dela eta Ligako etenaldi ostean, alegia.
Guardes hartu eta gero, Ibizara aurreneko bidaia aurreratuko dena donostiarrak Europan jarraituz gero. Gijongo Mavi Nuevas tecnologías izango da hurrengoa Bidebietan eta Ligako aurreneko zatia amaitzeko, 10 partidaz osatua: Porriñora urriaren 28an, SUPER AMARA Bera Berak Bidebieta KH7 BM Granollers eta Base Villaverde hartuko ditu eta Valladoliden amaituko du azaroan, halere, azken bi data hauek Europako ibilbideak finkatuko ditu.
Alemaniako Mundiala, Gabonak eta Estatuko selekzioen arteko txapelketak ospatzeaz gain, Loterías Liga urtarrilaren 13ean itzuliko da Bidebietara, non Canyamelar Valencia iritsiko da. SUPER AMARA Bera Bera Elxera egingo du bidaia eta Prosetecnisa Zuazo Barakaldo hartuko du San Sebastiánetan aurreneko itzuliari amaiera jartzeko.
Hurrengo astean BM Castellón taldeak Donostian agertuko da lehenengo aldiz, azkeneko urtetan ez bezala, SUPER AMARA Bera Berak Teldera egingo du bidaia otsailaren 7an eta Donostiatik at Kopako final-zortzirenak izango ditu- itzulera Donostian izango dena otsailaren 21ean, asteazkenean.
Ligan, otsailaren 24ean gipuzkoarrek Rincón Fertilidad hartuko dute, A Guardara egingo dute bidaia martxoaren 3an, Ibizako Muchoticket Santa Eularia izango da Bidebietan ondoren eta Gijónen egingo dute azken partida hurrengo etenaldia baino lehen. Aste Santuaren ostean Godoy Maceira BM Porriño izango da Bidebietan apirilaren 7an eta Kopara joan aurretik –sailkatuz gero- Granollersera bidaia. Kopa ostean Base Villaverde taldeari bisita eta Ligako azken lau partidetan: Aula Valladolid Bidebietan, Valentziara bidaia, Elche Mustang Donostian eta amaiera Barakaldon Prosetecnisa Zuazorekin.
