Datorren astelehenean, uztailak 10, eguardiko 13etatik aurrera Espainiako Eskubaloi Federazioan 2017-18 denboraldiko Loterías Ligako egitaraua ezagutaraziko da, irailaren 9an hasiko den lehiaketa eta 2018ko maiatzaren 26an amaituko dena.
Azkeneko urteetan ez bezala, Lotería Ligako egutegiak zozketa zuzena izango du, hau da, oraingo honetan Federazioak ez die taldeei lehentasunak ezartzen utzi, esate baterako, etxean hasi edo bukatu edo Bidebietan ekin ligari etenaldi ostean, planifikaziorako baliagarriak zirenak.
Datorren urteko ligan BM Castellón eta Ibizako H Puig D’en Valls taldeak agertuko dira eta, aldiz, bi historikoak galdu Helvetia Alcobendas eta Esencia 27 ULE Cleba León.
Hortaz, SUPER AMARA Bera Berak Ligan eta EHFn izango dituen aurkariak astebeteko tartean ezagutuko ditu, uztailaren 18an egingo baitu Europako federazioak Vienan EHFko zozketa.
