Aurreneko bost jardunaldiak osatuta eta egutegiak eman duen lehenengo etenaldia, Bera Beraren etorkizuna marraztuko dituen bi hilabeteetan sartuko da lehiaketa, Liga Loterias delakoari dagokionez garrantzitsua da urria eta azaroa Europako ibilbiderako.
Bera Berak Malagara egingo du bidaia larunbatean eta 7 eta 8. Jardunaldietan Rocasa Ace Gran Canaria eta Mecalia Atlético Guardés izango ditu aurrean. Bidebietan hartuko ditu kanariarrak urriaren 24ean (19etan) eta A Sangriñan jokatuko du urriaren 31ean.
Iazko denboraldian ‘podium’nean izan ziren hiru taldeei: Bera Bera, Rocasa eta Guardési, alegia, Prosetecnisa Zuazo Barakaldo gehitu zaie, donostiar eta kanariarrekiko puntu bakar batera dagoelako, berdinketa A Guardako taldearen aurka lortu zuelarik.
Bizkaitarrek bi aurkari gogorrak hartuko dituzte laster Lasesarren, batetik, urriaren 24ean Valladolideko Aula eta azaroaren 7an Rocasa Ace Gran Canaria. Hauek, kanariarrek, Telden itxiko dute urtea Helvetia Alcobendasekin, gaur aurte A Guardan baino ez duena galdu.
Liderrengandik hiru puntura dago Mecalia Atlético Guardés. Aurreneko jardunaldian Telden jokatu zuen baina lehenengo zati bikaina bete arren ez zuen nahikorik izan punturik urratzeko.
Azaroan, Bera Berak BM Porriño hartuko du eta Oviedora egingo du bidaia igo berri den Jofemesa taldearen aurka urteko ligako azken partidan, astean zehar jokatuko dena EHF kanporaketa dela eta.
Igandean aurkaria ezagutuko du
Bera Berak asteburu honetan ezagutuko du Europako aurkaria. Izan ere, Eslovakian jokatuko dute kanporaketa osoa bertako Iuventa Michalovce eta Luxenburgoko HC Standard. Eslovakiarrak favorito argiak dira, are gehiago etxeko pistan jokatzen, larunbatean eta igandean, bi egunetan, 17etan.
Bera Berak etxetik kanpo jokatuko du EHFko hirugarren txandako joaneko partida azaroaren 14 edo 15ean eta etxean itzulera azaroaren 21 edo 22an.
Jokalari horietatik, 31 dira edo izan dira ohorezko mailako plantilakoak, beste lau bigarren taldean daude eta beste batek Bera Bera utzi du entrenaldiak eta ikasketak uztartu ezinik.
Bost denboraldi hauetan, Bera Bera Eskubaloiak eman duen aldaketa azpimarratzekoa izan da, bere lehenengo plantillan sei atzerritar izatetik, azkeneko bi urtetan ez ditu kanpoko jokalariak erabili eta euskal jokalarien partaidetza bikoiztuz, %40a izan zen 2011-12 denboraldian, gaur egun %70a da eta iaz %80a izan zelarik. Hori harrobiko jokalarien ekarpena kontutan hartu gabe eta aldaketa eman du Bera Berak estatutuko titulu guztiak jokoan izan duenean eta azkeneko hamar tituluetatik bederatzi bereganatuz.
Estatuko jokalarien inguruan, Bera Berak kalitatearen aldeko apustua egin ohi du: Vero Cuña, Bea Fernández, María Núñez, Ana Temprano, Ana Martínez eta egun gazteen aldeko apustua: Alicia Fernández eta Judith Sans.
Jokalari euskaldunen alde
Aurreneko liga bereganatuz Bidebieta utzi zuten Eider Rubio –gaur bigarren entrenatzaile- eta Libe Altuna gipuzkoarrek. Halere, Bera Bera euskal jokalarien aldeko apustua berretsi du azken urte hauetan.
Azkeneneko lau denboraldietan zazpi jokalari izan dira ohorezko mailan debuta egin dutenak: Uxue Ezkurdia (2012.01.28), Olatz Ramon (12.05.12), Esther Arrojeria (12.10.27), Maitane Etxeberria (13.09.28), María Akuña (13.10.02), Maialen Husillos (15.03.28) eta Eider Lizarbe (15.05.30). Bestetik, Udane Rodríguez atezainak Maite Zugarrondoren baja bete zuen iazko denboraldiko hiru partidetan eta beste bat azken jardunaldian (urriak 3) Ana Tempranorekin, baina ez du debutatu. Eta aipatzekoa da harrobiko Nora Azurmendi Helvetia Alcobendasekin debuta egin zuen 2013-14 denboraldian.
Horietatik, ohorezko mailan jarraitzen dute Ezkurdia, Arrojeria, Etxeberria eta Azurmendi. Ramon, Husillos, Lizarbe eta Udane Rodríguez Bera Berako bigarren taldean daude.
Hortaz, plantilla asko gaztetu da, bataz beste 25,5 urtekoa, eskarmentua eta gaztetasuna uztartzen dena: Pinedo, Ziarsolo, Ederra eta Temprano jokalariek 30 urte baino gehiago dute eta 21 eta 24 urte bitarteko zazpi jokalari daude.
Internazionalak
Bera Beraren aritzeak Jorge Dueñasek zuzentzen duen Espainiako selekziorako urratsa leuntzen du. 2011-12 denboraldiko jokalarien artean Bea Fernández eta Eli Pinedo Espainiarekin eta Dara Carvalho Brasilekin Joku Olinpikoetan izan ziren. Uda horretan Donostiara iritsi ziren Patricia Elorza, Silvia Ederra eta María Núñez, besteak beste. Nafarrak debuta egin zuen Porriñoko Kopa ostean, arabarra eta kanariarra biak egun Bessançon taldean, finkoak dira Dueñasen deialdietan.
Horrez gain, Ana Martínez behin baino gehiagoetan izan da; Ana Temprano goreneko selekzioarekin debuta egiteko aukera izan du eta hurrengo zerrendetan izateko lana egingo du eta debuta egin duen azken jokalaria Maitane Etxeberria izan da. Junior mailan Esther Arrojeriak jokatu zuen Alcobendaseko Kopa ostean. Azken Eurokopako argazkia historikoa izango da Bera Berarentzat, lau jokalari agertzen baitira eta Danimarkako Mundialak, abenduan burutuko dena, akaso beste jokalariei aukera emango die.
Euskal ligan, hirugarren jardunaldian gipuzkoar taldeak elkarren aurka arituko dira eta beste horren beste bizkaitarren artean. Horrela Elgoibar – Usurbil batetik, eta Bera Berak Zarauzko Aritzbatalde kiroldegian jokatuko du Aiala ZKEren aurka. 16etan kadeteen txanda izango da eta 17,30etan jubenileena.
Bera Berako infantil mailako taldeak, neska nahiz mutilak, datorren asteburuan hasiko dira lehiatzen.
