Bera Bera - Berriak

16 Abendua 2016

Super Amara Bera Berak plantilla indartzea erabaki du eta horretarako Estitxu Berasategi fitxatu du, 17 urteko usurbildarra, abuztuan aurredenboraldia burutu zuena, Montse Pucheren agindupean Bidebietan astean bi aldiz entrenatu dena eta Usurbilekin jokatu duena. Udan, Bera Berak Usurbil taldearekin akordio batera iritsi zen, hegaleko jokalaria fitxatu zuen talde donostiarrak, Bidebietan entrenatzen zen eta Usurbilekin jokatu. Estitxu Berasategik jubenil mailako taldearekin aritu da eta Zilarrezko mailan hiru norgehiagoka jokatu dit hamar gol sartuz. Ana Martínez jokalariaren lesioa dela eta, apirilaren amaiaera arte bajan egongo denez, Montse Puchek Estitxu Berasategi lehen taldea sartzea eskatu du, non aritzen dira ere bai Eider Lizarbe, Lur Errekondo eta Maialen Husillos. Etorkizuneko selekzioarekin internacionala izan den Estitxu Berasategi 22. Zenbakia izango du Super Amara Bera Beran. Neska altua da eta kanpoko jaurtiketa indartsua du. Abuztuan, Egiako txapelketan, Puchek minutuak eman zizkion Helvetia Alcobendas eta Prosetecnisa Zuazo Barakaldoren aurka. Bihar, Valladoliden lagunartekoa Super Amara Bera Berak bihar larunbata 18etan Aula Valladolid taldearen aurka lagunartekoa jokatuko du Portillo herrian. Senior taldeak jardunaldia duenez, Puche hamabi jokalariekin egingo du bidaia Autocares Davidekin: Temprano, Zugarrondo, Menéndez, Arrojeria, Fernández, Múgica, Zaldua, Ederra, Etxeberria, Ezkurdia, Aramendia eta Berasategi.

14 Abendua 2016

Bost partida larunbatean eta sei igandean. Azpimarratzekoak, jubenil mailan, Bera Bera urdina taldeak Bidebietan Ttakun Taberna Pulpo KE taldea hartuko du larunbatean eta leku berean igande eguardian euskal ligako senior taldeak Ereintzaren aurka.
Ordutegiak:
Abenduak 17, larunbata:
Tolosa       11,30     Infantil mut.     Tolosa Eskubaloia B vs Bera Bera Urdina
Bidebieta 16         Jubenil nes.     Bera Bera Urdina vs Ttakun Taberna Pulpo KE
Legazpi     16,30     Kadete nes.     Laubide Iturgintza-Izaro vs Bera Bera Laranja
Bidebieta 17,30     Kadete nes.     Bera Bera Urdina vs Ereintza Todo Terreno
Bidebieta 19,30     Kadete mut.     Bera Bera Urdina vs Leizaran Imatel Tel.

Abenduak 18, igandea:
Bidebieta     9,30     Infantil nes.     Bera Bera Urdina vs Ereintza
Bidebieta 10,30     Infantil nes.     Bera Bera Laranja vs Egia 3
Arrasate     11         Kadete mut.     Arrasate EB vs Bera Bera Laranja
Andoain     11,45     Jubenil nes     Leizaran Lanbroa Taberna vs Bera Bera Laranja Hernani      12         Infantil nes.     Hernani ET vs Bera Bera Txuria
Bidebieta   12,30     Senior nes.     Bera Bera vs Ereintza

14 Abendua 2016

Super Amara Bera Berako zortzi jokalari arituko dira abenduaren 21 eta 22an Granollersen ospatuko den Nazioen Kopan. Euskadirekin arituko dira Alba Menéndez, Esther Arrojeria, Silvia Ederra, Maitane Etxeberria, Uxue Ezkurdia eta Leire Aramendia; Alicia Fernándezek Galizarekin jokatuko du eta Judith Sans, Catalunyarekin.
Euskadi, Galiza, Catalunya A eta Catalunya B arituko dira elkarren aurka, Argeliak azken momentuan ezezkoa eman duelako. Euskadiko hautatzaile moduan debuta egingo du egun Aiala Zarautz taldeko entrenatzaile Martin Larrañagak. Euskadik Catalunya izango du aurrean asteazkenean 18,15etan (Esport 3 telebistaz) eta hurrengo egunean Galiza edo Catalunya B elkarren aurka arituko baitira, hirugarren eta laugarren posturako lehia 16etan eta finala 18etan.
Super Amara Bera Berako jokalariaz gain, Euskadiko zerrendan dira Prosetecnisa Zuazoko Maddi Aallá eta Jessica Nogales, Aiala Zarauzko Nerea Arregi, Nora Kortaberria, Ane Del Hoyo, Ane Artola eta Haizea Aldalur atezaina, Helvetia Alcobendaseko Nora Azurmendia eta Usurbilgo Ane Herrero.

10 Abendua 2016

Esloveniari aise irabazita, Espainiako selekzioak Suediako Eurokopako Main Round delakoari ekingo diote gaurtik, punturik urratu gabe finalerdiak jokatzeko aukerak ditu oraindik. Suediak eta Serbiak hiruna puntuekin lidergoan diren lehenengo multzoan dago Espainia, bina punturekin dira Frantzia, Alemania eta Holanda, Jorge Dueñasen taldeko hurrengo aurkariak.
Goteborg hirian ospatuko dira norgehiagoka hauek eta Espainiak gaur itxiko du jardunaldia Frantzia indartsuaren aurrean (20,45etan). Fase honetan sailkatu diren taldeen aurka lortutako puntuak kontutan hartzen direnez, punturik gabe dago Espainia, hortaz, akatsarik gabeko ibilbidea burutu beharko du, hau da, hiru partidak irabazi finalerdietan egoteko aukerak izateko. Astelehenean (16,15etan) Alemania izango da aurkari eta asteazkenean (16,15etan), Holanda.
Beste multzoan, Norvegia eta Danimarka launa puntu dituzte, ondoren Rumania eta Txekiar Errepublika binarekin eta Rusia eta Hungaria hutsean.
Super Amara Bera Bera, protagonista
Super Amara Bera Berako Marta López eta Judith Sans izan ziren Dueñasen zerrendan Estokolmora. Mangué jokalariak izan zuen lesioa dela eta Esloveniaren aurkako partidaren bezpera iritsi zen Elorza. Sans eta López 79 minutu izan dira pistan hiru partidetan, gehien jokatu duten pistako bosgarren jokalariak. Piboteak, bikain defentsan Esloveniaren aurka, hiru gol sartu ditu eta hegaleko jokalariak sei gol lortu ditu. Elorzak jokatzeko aukera izango du Main Round delakoan.

07 Abendua 2016

Patri Elorza Escolmora egin du bidaia Espainiako selekzioarekin bat egiteko eta Marta Mangué ordezkatzeko, atzo Serbiaren aurkako partidan eskuin belaunean lesionatu zena. Super Amara Bera Berako jokalaria Espainiako Federazioak EHFri emandako lehen zerrendan zegoenez, Dueñasek gasteiztarren aldeko apostua egin du bihar osteguna (18,30etan) Esloveniaren aurka taldea indartzeko. Atzo, esloveniarrek Suedia gainditu arren, Espainia bost goleko aldearekin nagusituz gero, Main Round delakoan egongo litzateke, hortik beheko garaipenak Serbiarren aurkako partidan Suediaren punturen beharko luke. Berdinketak edo porrotak Eurokopatik at geldituko lirateke. Hortaz, Patri Elorzak Marta López eta Judith Sans taldekideekin bat egingo du, zenbaki berdinak dituztenak batek 43 minutu jokatu ditu, besteak 44 eta biek bina gol sartu dituzte Serbiaren aurka gainera.