Bera Bera - Berriak

01 Iraila 2016

Super Amara Bera Berak Aiala Zarautz gainditu du aurrendenboraldiko azken partidan datorren larunbatean Iruñan (18,15etan) Prosetecnisa Zuazoren aurrean Superkoparekin. Lagunartekoa Bergarako Labegaraietan jokatu da urriaren 2an ospatuko den Kilometroak 2016 egitasmoaren alde. Puchek jokalari guztiak izan ditu prest, Elorza eta Marta López barne. Gainera Andrea Zalduak hamar minutu izan ditu, iazko abenduan lesio larria izan zuenetik aurreneko partida, taldekide ohiak izan ditu aurrean. 20. minutuan atera dira Super Amara Bera Bera egin dituen fitxaketak: Elorza, López eta Aramendia. Puchek ordu erdi bat eman die aurrenekoei taldera egokitze aldera. Horregatik, hasieran iazko zazpikoteari eman die aukera Zugarrondo atepean, Etxeberria eta Ezkurdia hegaletan, Sans pivotean eta Arrojeria, Martínez eta Fernández lehenengo lerroan. Arrojeriak partida bikaina jokatu zuen zortzi gol sartu zituela. Super Amara Bera Bera 24 (14+10): Zugarrondo, Etxeberria (2), Martínez (2), Sans (1), Arrojeria (8), Fernández (2) eta Ezkurdia (1) –titular- Menéndez (3), Ederra (1), Elorza (1), López (1), Aramendia (1), Zaldua, Múgica (1), Lizarbe eta Temprano (o.a.). Aiala Zarautz 17 (8+9): Collantes, Uria (2), Del Hoyo (2), Arregi (1), Goikoetxea (2), Kortaberria (6), Arruti (2), Granado (1), Urresti, Izagirre, Agirrezabalaga eta Permach (1). Árbitros: Cia y Mateos, Euskadi Kanporatuak: Martínez eta Múgica Super Amara Bera Beratik. Partzialak: 2-2, 4-2, 6-3, 10-4, 11-6, 14-8 –atsedenaldia- 15-10, 17-11, 20-13, 23-16, 24-16 eta 24-17

01 Iraila 2016

Donostiako Loiolan kalean aurkeztu du Super Amara Bera Berak 2016-17 denboraldirako prestatu duen taldea eta horrez gain aurredenboraldia burutu duten bederatzi jokalariena. Champions Leagueko soinuarekin, Super Amara Bera Berak hiri erdia aukeratu du aurreneko plantillako 15 jokalari, entrenatzaile eta etorkizuneko jokalariak. Aurkezpenean, Gipuzkoako Foru Aldundiko eta Donostiako udaleko ordezkariak, Super Amara Bera Bera “proiektu geroz eta sendoagoa” erakutsi nahi izan, hainbat enpresen babesa lortu dutelako, batez ere, Super Amarena. Zentzu honetan, Bera Bera RTko presidente Fernando Diez Mintegik azpimarratu du “Uvesco taldeko apostua Super Amara markarekin”, eskertu du “Realaren , instituzioen eta beste babesleen inplikazioa Champions League jokatu ahal izateko” eta jokalarien “zortea” opa die. Super Amara Bera Beraren helburua da iazko tituluak berrestea eta Europan beste urrats bat ematea, ahal balitz Champions Leagueko multzoen fasea sartzea. Horregatik Loiola kaletik Iruña denboraldia hasiera gisa, Europa erronka moduan eta León Loterías Ligako amaiera sentitu ditu.

31 Abuztua 2016

Lehiaketa ofizialari datorren larunbatean Iruñan ekin aurretik, Super Amara Bera Berak aurredenboraldiari amaiera jarriko dio gaur arratsaldean. Urriaren 2an Bergaran ospatuko den Kilometroak 2016 egitasmoaren aldeko lagunartekoan, Labegaraieta kiroldegiak 19etatik aurrera hartuko du aurten zilarrezko mailan arituko den Aiala Zarautz eta Super Amara Bera Bera taldeen arteko partida. Joku Olinpikoetan aritu diren Patri Elorza eta Marta López jokalariek astelehenean taldearekin bat eginda, Montse Puche entrenatzaileak plantilla osoa bere esanetara du denboraldiari hasiera emateko. Larunbatean izango da Iruñako Anaitasuna kiroldegian, Superkopa izango baitute jokoan Super Amara Bera Berak eta Prosetecnisa Zuazok, bizkaitarrak O Porriñoko Kopan finaleraino iritsi zirelako. Ohorezko mailako 15 jokalariei Eider Lizarbe gehituko zaie. Aurredenboraldian zehar landutakoa berretsi nahi du Puchek eta Elorza eta Marta López sistemetara egokitu. Arabarrak hiru urte eman zituen Bera Beran, Pucherekin lan egitea badaki eta gainera, Judith Sans eta Ana Martínezekin aritu da selekzioan Rioko Joku Olinpikoak prestatzen. Eskuin hegaleko jokalariarentzat guztia izango da nobedade, halere, bere kalitatea eta eskarmentua lagun laster egokituko da jokura.

30 Abuztua 2016

Super Amara Bera Bera talde gisa osotasunean entrenatu zuen lehenengo egunean, Patri Elorza eta Marta López bertan zirelarik, Arraun lagunak taldeko arraunlariek Super Amara Bera Beraren babesa eta animoak jaso zituzten irailaren 4ean Kontxako estropadetan estranaldian.
Donostiako Arraun Lagunak taldeak iaz atera zuen uretara emakumezkoen trainerua. Denboraldia zazpigarren postuan amaitu zuen Gipuzkoako ligan baina bigarren urten hiru urrats eman ditu ligako laugarren lekuan bukatu dutelarik. Gainera, aurtengo urtea historikoa da, izan ere, Donostiako emakumezkoen traineru batek lehenengo aldiz Kontxako estropadetan parte hartuko duelako.
Bestetik, bihar Donostiako San Martin Merkatu ondoko Loiola kalean aurkeztuko den Super Amara Bera Berak denboraldiko lehen partida oficiala irailaren 3an izango du Iruñako Anaitasuna kiroldegian, Prosetecnisa Zuazo Barakaldoren aurka Superkopa jokoan duelarik.

29 Abuztua 2016

Kilometroak 2016 egitasmoaren aldeko lagunartekoa jokatuko dute asteazkenean, abuztuaren 31n, Super Amara Bera Berak eta Aiala Zarautz taldeek. Labegaraieta kiroldegian izango da norgehiagoka 19etatik aurrera.
Gaur goizean Aranzadi ikastolan partidaren aurkezpena egin dute Kilometroak 2016ko Ekaitz Aranberri koordinatzailea, Bergara Eskubaloi taldeko Josetxo Muniategik eta Super Amara Bera Berako Alba Menéndez kapitainak eta Aiala Zarautz taldeko Nerea Arregi eta Nora Kortaberriak.
Lehiaketa ofiziala hasi aurretik azken lagunartekoa izango du Super Amara Bera Berak, larunbatean Iruñako Anaitasuna kiroldegian, 18,15etan, Superkopa jokoan izango baitu Prosetecnisa Zuazo Barakaldoren aurrean.
Rioko Joku Olinpikoetan parte hartu ostean, gaur Super Amara Bera Berarekin bat egingo dute Patri Elorza eta Marta López jokalariek. Hortaz, aurredenboraldia hasi zela duela hilabete bat pasa ostean Montse Puche entrenatzaileak aurreneko aldiz plantilla osoarekin lan egingo du. Aurten gizonezkoek eta emakumezkoek bat egin duten Superkopa ostean, Donostiako Gasca kiroldegian irailaren 9 eta 10ean jokatuko den Champions Leagueko atarikoa prestatuko du Super Amara Bera Berak.