Rincón Fertilidad Málagak merezitako garaipena lortu du gaur Bidebietan (22-29) SUPER AMARA Bera Bera arlo guztietan gainditu ostean.
Halere, markagailuak ez du adierazten pistan eman dena, sei metroetan erabaki dena Malagako jokalarien alde. SUPER AMARA Bera Berak ondo heldu zion norgehiagokari (3-1) aurreneko hiru erasoak gauzatuz. Halere, Rincón Fertilidad Málaga ez zuen presarik. Challenge Cupeko final-laurdenetan jokatuko du eta hutsuneak bilatu nahi zituen 6-0 defentsan, Berasategi eta Azurmendik zuzentzen zutena erdian.
Kopa aurten Málagan antolatuko denez, Rincón Fertilidad taldeak ez du kanporaketarik jokatu eta bi aste izan ditu partida prestatzeko, bertakoek aldiz lau egun. Gandulfo eta Menéndez asmatzen hasi dira baina gero Boadak eta Calzado eta López hegaleko jokalariek hartu dute lekukoa. Andaluziarrek alde hartu dute eta eutsi ere bai.
SUPER AMARA Bera Berak korrika egin nahi izan du baina Alice Fernándes –%50a –atezainarekin topo egin du. Gainera, errebote ia guztiak Rincón Fertilidad taldearentzat ziren eta zutoinera era zortzi baloi bidali. Arrojeria ez zengoen fin ate aurrean eta Etxeberriak mantendu du taldea.
Puchek partida gelditu du (22’: 10-12). Aramendia eta Karsten jokalariak bizitu dira baina Rincón Fertilidad Do Nascimiento brasildarra sartu du eta Paula García piboteari baloiak iritsi zaizkio. Atsedenaldian, 13-16 Ederrak azken segunduan sartuta.
Bigarrenean, SUPER AMARA Bera Berak defentsan estutu du, baloiak lapurtuz. Erasoan, halere, ez zen egun onena. Baloiak galtzeaz gain, jaurtiketak Alice Fernandes atezainak gelditzen zituen edo zutoinak edo posteak.
Aramendiak bi goletara jarri du taldea baina 0-5 partziala lortu dute kanpotarrek (18-24), partida ia erabakita utzita.
Rocasak Villaverden edo Guardések Porriñon lortutako garaipenek, SUPER AMARA Bera Bera utzi dute berriro ere partida erabakigarri baten aurrean, ostiralean A Sangriñan.
SUPER AMARA Bera Bera 22 (13+9): Castellanos, Etxeberria (2), Menéndez (6), Ederra (1), Arrojeria (4), Karsten (4) eta Aramendia (3) –titular- Berasategi, Azurmendi, Cardoso (2 p), Guarieiro, Ezkurdia eta Zugarrondo (o.a.). Deialdian: Ausàs, Zaldua eta Encina
Rincón Fertilidad Málaga 29 (16+13): Fernández, Calzado (3), Gandulfo (6), Boada (4), García (5), Pessoa (3) eta López (2) –titular- Jabby (1), Do Nascimiento (3), Veljkovic (2), Martin, Fernández (o.a.), Marín (o.a.)
Epaileak: Tania Rodríguez –valentziarra- eta Lorena García –aragoikoa-
Kanporatuak: Menéndez Super Amara Bera Beratik eta Gandulfo, Pessoa eta Jabby Rincón Fertilidad taldetik.
Partzialak: 3-1, 4-4, 6-7, 9-10, 11-13, 13-16 –atsedenaldian- 14-17, 17-21, 18-24, 19-27, 22-28 eta 22-29
