04 Iraila 2016

Bigarren zati bikaina jokatuta, 20-8 partzialak adierazten duen bezala, seigarren Superkopa Super Amara Bera Berari, bosgarrena jarraian. Lehenengo zatian defentsan eta erasoan arazoak ageri dira, Montse Pucheren taldeak partidaren irakuketa zuzena egin du ostean eta Prosetecnisa Zuazo Barakaldo (32-21) gainditu du, 15. titulua poltsikoratuz.
Lehenengo zatiak gorabehera handiak izan ditu. Lehenengo jokaldian, Ederrak pase bikaina eman dio Aramendiari eta honek bikai loratu du baloia. Prosetecnisa Zuazok Espínola jokalarian aurkitu du baliabiderik eraginkorrena edo Ainhoa Hernández pibotea aurkitzen saiatu da. Bizkaitarrak aurretik jarri dira baina Alicia Fernándezek gauzatu du fly bikaina partida berdintzeko (5-5).
Halere, Zuazok asmatzen jarraitu du, Castellanosek geldiketak egin ditu eta bizkaitarrak tarte txiki bat ireki dute (14. min., 6-8). Baloiak lapurtu osteko kontraerasoak gauzatu ditu Super Amara Bera Berak Aramendia edo Martínez jokalarien bidez, donostiarrak hiru goleko abantaila lortuz, kudeatzen jakin ez dutena.
Defentsa ez zegoelako sendo. Prosetecnisa Zuazoren alboko jokalarien mugimenduetan asko mugitu dira gipuzkoarrak eta Espínolak hutsuneak aurkitu ditu. Puchek Zugarrondo deitu du eta nafarrak, bere txikitako pistan, erantzunez. Elorza 20. minutuan sartu da eta partida amaiera arte mantendu da. Atsedenaldian, baina, bizkaitarrak aurretik 12-13 eta zalantzak donostiarren artean.
Bigarrenean, defentsan egin diren aldaketak emaitza ona eman dituzte. Elorza eta Sansek erdian, Martínez eta Etxeberria ondoan eta Fernández eta Arrojeria hegaletan. Prosetecnisa Zuazok arazoak izan ditu baloia mugitzeko eta Elorzak berdindu du, Fernándezek penaltiz aurretik jarri du Super Amara Bera Bera, Aramendiak, Etxeberria eta Martínez tartea zabaldu dute (37. min 17-14).
Juanjo Gonzálezek finala gelditu du baina Martínezek baloia lapurtu du, Egozkuek penaltia huts egin du, Arrojeria gola egiteko gai izan da eta Hernández agertu da Zuazotik. Hamar minutu pasa ostean partziala 7-2 eta urdin kolorea hartu du finalak.
Elorza eroso zegoen, jaurti, barneraketak egin eta Judith Sans aurkitu du sei metroetan. Etxeberria ondo baino hobeto atera da kontraerasora eta Menéndezek hutsuneak aurkitu ditu. hortez, gipuzkoarren abantaila geroz eta handiagoa zen minutuak pasatu ahala, partida Ezkurdiaren bi golekin eta Martínezen batekin amaitzeko.
2012. urtez gerzotik, Bera Berak Superkoparekin hasiera eman dio denboraldiari. Orain, atseden laburra izan ere irailaren 9 eta 10en Gascan ospatuko den Champions Leagueko atarikoari ahalik eta ondoren heldu nahi dio Super Amara Bera Berari.
Fitxa: Super Amara Bera Bera 32, Prosetecnisa Zuazo 21 Super Amara Bera Bera 32 (12+20): Temprano, Etxeberria (3), Fernández (4, 2p), Arrojeria (1), Ederra (1), Martínez (6) eta Aramendia (5) –titular- Sans (3), Ezkurdia (2), Menéndez (2), Elorza (4), López (1) eta Zugarrondo (o.a.). Deialdian: Múgica, Zaldua eta Lizarbe.
Prosetecnisa Zuazo 21 (13+8): Castellanos, Egozkue (2, 1p), Elicegui, Martin (2), Hernández (7), Espínola (5) eta Berastain –titular- A. Gil (1), Nogales (3), Manrique, O. Gil, Mujika (1), Velasco, Agirregomezkorta, eta Aallá (o.a.).
Epaileak: Álvarez –EAE- eta Bustamante –Nafarroa- Kanporatuak: Etxeberria, Menéndez, Ezkurdia, López eta Fernández Super Amara Bera Beratik eta Martin Prosetecnisa Zuazotik.
Partzialak: 2-2, 4-5, 6-8, 10-8, 10-11, 12-13 –atsedenaldia- 15-14, 18-14, 22-15, 25-17, 27-20 eta 32-21
Gertaerak: 2.000 pertsona inguru Anaitasuna kiroldegian, giro aparta.
Sariak: Golegile nagusiena: Ainhoa Hernández; atezain onena: Maite Zugarrondo eta MVP: Alicia Fernández.

03 Iraila 2016

Superkopan arituko diren lau taldetako entrenatzaileak komunikabideen aurrean agertu dira Anaitasuna kiroldegian, izan ere, lehenengo aldiz gizonezkoen eta emakumezkoen bat egin dute denboraldi hasierako partidan. 18,15etan Super Amara Bera Berak Prosetecnisa Zuazo izango du aurrean eta 20,30etan, Helvetia Anaitasunak Barcelona Lassa hartuko du. Agerraldian, Montse Puchek azpimarratu du “Superkopan edo partida bakarrean ez daude faboritoak”. Iazko denboraldian Zuazoren aurkako azken partidetan donositarrak aise nagusitu arren, entrenatzaileak dio “Zuazok baliabideak ditu gauzak zailak jartzeko”. “Bera Berak beste garaikur bat lortzeko aukera du eta hori da asmoa”. Puchek onartu du ere bai, “Superkopak non gauden esango digu, hurrengo astean Champions Leagueko atarikoa baitugu”. Patri Elorza eta Marta López jokalarien inguruan adierazi zuen “Elorzak urtebete kanpoan eman du bakarrik eta hegaleko jokalaria izanik, Marta Lópezek errazago du taldeari moldatzea”.

02 Iraila 2016

Gaur goizean Davideko 5 izarretako autobusean egin dute bidaia Alsasura eta Iruñara kadeteak eta ohorezko mailako jokalariak, Superkopak helburu. Prosetecnisa Zuazoren aurkako biharko Superkoparako, Montse Puchek plantilla osoa eraman du eta Eider Lizarbe. Álvarez Mata bizkaitarrak eta Bustamante nafarrak zuzenduko dute finala, Anaitasuna kiroldegian hasiko dena 18,15etatik aurrera. Lehenengo aldiz bat egingo dute Superkopan emakumezkoak eta gizonezkoak. Super Amara Bera Bera aurreneko partida ofizialera iritsi da lagunarteko guztiak irabazita: Celles sur Belle, Chambray, Prosetecnisa Zuazo, Helvetia Alcobendas eta Aiala Zarautz. Puchek lehengo astelehentik baino ez ditu jokalari guztiak bere esanetara izan, Rioko Joku Olinpikoetan izan ziren Elorza eta López atsedena hartu zutelako. Estrenaldia ere izango da Super Amara babesle nagusi gisa eta, baita ere Spyro eta Davidentzat. Era berean, klubak beste etapa irekiko du Matxalen Ziarsolo eta Eli Pinedok erretiroa behin hartuta. Prosetecnisa Zuazo taldea motibatua espero du Super Amara Bera Berak , Steinbach galdu arren Espínola eta Egozkuerekin talde moduan irabazi du.

01 Iraila 2016

Super Amara Bera Berak Aiala Zarautz gainditu du aurrendenboraldiko azken partidan datorren larunbatean Iruñan (18,15etan) Prosetecnisa Zuazoren aurrean Superkoparekin. Lagunartekoa Bergarako Labegaraietan jokatu da urriaren 2an ospatuko den Kilometroak 2016 egitasmoaren alde. Puchek jokalari guztiak izan ditu prest, Elorza eta Marta López barne. Gainera Andrea Zalduak hamar minutu izan ditu, iazko abenduan lesio larria izan zuenetik aurreneko partida, taldekide ohiak izan ditu aurrean. 20. minutuan atera dira Super Amara Bera Bera egin dituen fitxaketak: Elorza, López eta Aramendia. Puchek ordu erdi bat eman die aurrenekoei taldera egokitze aldera. Horregatik, hasieran iazko zazpikoteari eman die aukera Zugarrondo atepean, Etxeberria eta Ezkurdia hegaletan, Sans pivotean eta Arrojeria, Martínez eta Fernández lehenengo lerroan. Arrojeriak partida bikaina jokatu zuen zortzi gol sartu zituela. Super Amara Bera Bera 24 (14+10): Zugarrondo, Etxeberria (2), Martínez (2), Sans (1), Arrojeria (8), Fernández (2) eta Ezkurdia (1) –titular- Menéndez (3), Ederra (1), Elorza (1), López (1), Aramendia (1), Zaldua, Múgica (1), Lizarbe eta Temprano (o.a.). Aiala Zarautz 17 (8+9): Collantes, Uria (2), Del Hoyo (2), Arregi (1), Goikoetxea (2), Kortaberria (6), Arruti (2), Granado (1), Urresti, Izagirre, Agirrezabalaga eta Permach (1). Árbitros: Cia y Mateos, Euskadi Kanporatuak: Martínez eta Múgica Super Amara Bera Beratik. Partzialak: 2-2, 4-2, 6-3, 10-4, 11-6, 14-8 –atsedenaldia- 15-10, 17-11, 20-13, 23-16, 24-16 eta 24-17