09 Iraila 2016

Super Amara Bera Berak gaur arratsaldeko 18,30etan Josean Gasca kiroldegian Txapeldunen ligako multzoen fasera lortzeko lehen urratsa eman nahi du, horretarako Austriako Hypo historikoa gainditu beharko du larunbateko finala jokatu ahal izateko. Aurretik, 16etan, lehian izango dira Alemaniako HC Leipzig eta Bielorrusiako HC Gomel.
Finala bihar larunbata izango da 18,30etan eta 16etan hirugarren eta laugarren posturako partida.
Montse Puchek Iruñeko Superkopara eraman zuen taldea deitu du.

07 Iraila 2016

Anoeta estadioan aurkeztu du Bera Berak Champions Leagueko sailkatze fasearen inguruko nobedadeak. Donostiako Gasca kiroldegiak hartuko du atarikoa irailaren 9 eta 10ean, arratsaldez. Prentsaurrekoan izan dira Realeko kontseilari Álex Uranga, Donostiako kiroletako zinegotzi Martin Ibabe; Gipuzkoako Foru Aldundiko kiroletako zuzendari Goizane Álvarez, Fernando Diez Mintegi eta Tati Garmendia. Prozesu honetan Realak eman duen babesa eskertze aldera, Super Amara Bera Berak Realeko kamiseta jantziko du aurreneko partidan, Austriako Hypo NÖ taldearen aurrean ostiralean 18,30etan. Larunbatean, aurkariaren arabera kamiseta urdina edo laranja jantziko du. Txartel bakarra Super Amara Bera Bera, Hypo NÖ, HC Leipzig eta HC Gomel taldeek Champions Leagueko bigarren multzoan gelditzen den hutsune bakarra nahi dute. Bertan zain dira Vardar, Astrakanocha eta Hungariako FTC. Gainontzeko taldeak EHF Cup arituko dira. Alemaniarrek eta Bielorrusiakoek irekiko atarikoa ostiralaren 16etan eta, horren ostean, 18,30etan (ETB) Super Amara Bera Berak Hypo NÖ hartuko du. Irabazleek elkar ikusiko dute larunbatean, irailak 10, 18,30etan eta 16etan EHFko kanporaketa bat ekiditzea izango da helburu. Kartela: Eli Pinedo Eli Pinedo da protagonista Champions Leagueko sailkatze fasea iragartzeko. Internazionalak Bera Berari eta kirolari orokoarren egindako islada bat da argazkia. Pinedori omenaldia egingo zaio Super Amarak larunbatean jokatuko duen partidaren amaieran. Horrez gain, Fernando Diez Mintegik adierazi du Rioko Joku Olinpikoetan Bera Berari lotuta egon diren olinpikoei esker ona emango zaie, horien artean, Pinedo, Elorza eta López eskubaloi jokalariaz gain, Ignacio Martín eta Pablo Feijó rugbylariak. Sarrerak Tati Garmendia sarreren inguruan aritu da. Jardunaldiko 10 euro ordainduko dute helduek, gazteak (10-16) eta jubilatuak, 5 €. Abonatuek, erdia. Sarrerak gordetzea nahi duenak Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. bidali dezala emaila.

07 Iraila 2016

Gaur arratsaldean Josean Gasca kiroldegian Realeko hiru kapitainek babesa adierazi nahi izan diote Super Amara Bera Berako Alba Menéndez kapitainari Champions Leagueko sailkatze faseari begira. Aintzane Encinas, Xabi Prieto eta Maite Azkoaga, futbol eta belar hockey taldeetako kapitainek zorte onena opa nahi izan diote Super Amara Bera Berari Europako erronka honetan, gainera, Realeko kamisetarekin arituko da aurreneko partidan.
Multzoen fasea jokatzeko txartel bakarra dago jokoan eta lau talde elkartuko dira irailaren 9 eta 10ean Donostian: Alemaniako HC Leipzig, Austriako Hypo NÖ, Bielorrusiako HC Gomel eta Super Amara Bera Bera. Ostiralean 16etan, HC Leipzig eta HC Gomel taldeek aurreneko finalerdiari ekingo diote; ondoren, 18,30etan Super Amara Bera Berak Hypo NÖ hartuko du. Larunbatean, finala 18,30etan eta aurretik 16etan hirugarren eta laugarren posturako lehia.

06 Iraila 2016

Emakumezkoen Europako goreneko lehiaketan bi partaidetza egin ostean eta beste birritan uko egin ondoren, Bera Bera Txapeldunen ligara itzuliko da aurte, Super Amararen, Realaren eta instituzioen ez ezik, Gesalaga, Spyro edo Autocares David bezalako enpresen babesa ere jasoz. Hortaz, Super Amara Bera Berak ostiral eta larunbatean Txapeldunen ligako sailkatze fase zail bati ekingo dio, lau talde elkartuko dira Gascan txartel bakarra helburu. Teorian Alemaniako Kopako txapeldun HC Leipzig da atariko honen faborito nagusiena, igandean gol bakar batez galdu zuen Superkopa Thüringer indartsuaren aurka (22-21). HC Leipzig taldeak esperientzi handia du Champions Leaguen eta jokaturiko azken bi sailkatze faseak gainditu ditu, horietako bat, Hungariako FTC taldearen aurka. Alemaniarrek Bielorrusiako HC Gomel izango du aurrean finalerdian 16etan. Super Amara Bera Berak Hypo NÖ historikoa hartuko du ondoren, 18,30etan, Europan eskarmentu handiko taldea. Lau aldiz Champions League irabazi ditu (Europako Kopa, beste lau) eta beste Cup Winners’ Cup. Brasilgo taldea Europan zen Austriakoa, halere, hitzarmena bertan behera gelditurik, taldea ahultzen joan da, iaz ez zuen punturik urratu Txapeldunen ligan eta Cup Winners’ Cupen final-zortzirenetan Danimarkako Team Tvis Holstebrok kanporatu zuen. Eta gipuzkoarrak Europako lehiaketa gorenera itzuliko dira, Danimarkako Viborg hirian, 2012 irailean debuta egin ondorez. Orduan Bera Berak finalerdietan Poloniako Vistal Laczpol Gdnyia taldearen aurka galdu zuen eta Suizako Brülh taldeari irabazi zion hurrengo egunean. Txapeldunen Ligan, 2013an, donostiarrek partida bakarra irabazi zuten eta gol average delako kontra izanda Europatik at gelditu ziren. Halere, multzoen fasean debuta egin zutenen artean, Bera Bera izan zen onenetarikoa. Super Amara Bera Berak multzoen fasera sailkatzeko erronkari helduko dio ostiralean eta larunbatean Gascan.