16 Urtarrila 2017

2014-15 denboraldian matematikoki liga eskuratu zuenetik, Rocasa Telden gainditu zuen egunetik ez zuen Bera Berak bigarren sailkatuarekiko lau puntuko aldea. Kanariarren aurka larunbatean Bidebietan lorturiko garaipenak (25-21), Super Amara Bera Berak sailkapeneak tartea ireki du, lau puntuko aldea Rocasa eta Mecalia Atlético Guardésekiko. Aurtengo ligan, Montse Puche Imanol Álvarez pare kokatu da. Orduan bezala, bizkaitarrak eta Martin Larrañaga bigarren entrenatzaile zelarik hamar garaipen erreskadan lortu zituzten –Txapeldunen ligako ligaxkarekin- eta urte berrirari (2014ari) bigarren sailkatua hartu zuten Bidebietan, orduan Helvetia Alcobenda, aise gainditu zutena (36-22). Bost puntuko aldearekin joan ziren etxera madrildarekiko eta sei Rocasa eta Guardesekiko. Egia da Loterías Liga donostiarren esku dagoela gaur egun baina Super Amara Bera Berak duen abantaila ez da erabakiorra, zentzu batean, gezurrezko tartea izan daiteke. 2013-14 denboraldi horrek adibideak ditu eta, batez ere, iazkoak. Hamaika partida jarraian irabazi ostean –orain bezala- Imanol Álvarezen Bera Berak hurrengo larunbatean Alacanten –sailkapeneko 12.- galdu zuen eta hiru jardunaldi ostean Telden galdu zuen partida eta gol average delakoa (27-22), hamaika jardunaldiko liga berri bati ekiteko, Alcobendasek baino puntu bat gehiago eta Rocasarekiko bi. Bera Berak ez zuen akatsik egin eta azken aurreko partidan eskuratu zuen bigarren liga Mar Alicanteren aurka. Iazko denboraldian, zortzigarren jardunaldian Guardesen aurka galduta, 2015ko urriaren 31n donostiarrak laugarrenak ziren sailkapenean BM Porriñorekin bat eginda, Bidebietan irabazi zuen Rocasa liderrak baino lau puntu gutxiago eta Mecalia Atlético Guardés eta Prosetecnisa Zuazo taldetik puntu bakar batera. Puchek ohartarazi zion taldeari akatsik ezin zuela egin, hau da, partida guztiak irabazi behar zituela, Telden barne, eta horixe bera egin behar izan zuen gol average delakoari esker, nahiz eta A Guardan baino ez zuen galdu Rocasak. Gipuzkoarrek irekitako tarteak egutegiari ere eutsi behar dio. Izan ere, aurreneko lau sailkatuek alkarren aurka aritu direnean bertako taldeak irabazi du, hortaz, Super Amara Bera Berak Rocasa eta Mecalia Atlético Guardés gainditu ditu Bidebietan, Rocasak Telden galizarrak eta bizkaitarrak eta A Sangriñan ere Zuazok galdu zuen. Datorren larunbatean Lasesarren (19,30etan) derbia izango da eta joera hori mantentzen den ikusiko da. Akatsak garesti ordaintzen direla jakin badakite Rocasak eta Zuazok. Gijonen galdu zuten kanariarrek eta Prosetecnisa Zuazok Malagan, sailkapenean atzean utzi dutena baina bizkaitarrak, Clínicas Rincón edo Aula Valladolidek ligan erabakiorrak izan daitezke. O Porriñon, Rocasak eta Super Amara Bera Berak bertakoak baino gehiago izan ziren. Hortaz, Super Amara Bera Berak bigarren postuarekiko (Rocasa eta Guardés) lau puntuko aldea du baina oraindik Barakaldotik, A Gaurda (Kopa aurretik) eta Telden maiatzean berriro ere, ahaztu gabe Valladolid otsailaren hasieran edo Málaga martxoan. Oraindik 30 puntu gelditzen dira eta oztopo ugari bidean.

16 Urtarrila 2017

Bera Berako harrobiko taldeak ere lehiaketara itzuli dira asteburu honetan, askotariko emaitzak tarteko. Besteak beste, lidergoan jarraitzen dute emakumezkoen taldeak infantil, kadete, jubenil eta senior mailan, halere, aurreneko hirurek garaipena lortu bazuten ere, senior taldeak Barakaldon galdu zuen, Basariko Indupimek etxean porrot egin zuenez Aialaren aurka, donostiarrak lidergoan dira baina sailkapena asko estutu da. Emaitzak: Infantil neskak AIALA E ZKE 7-37 BERA BERA URDINA GALDONA B PULPO KE 19-17 BERA BERA TXURIA BERA BERA LARANJA 31-18 ORDIZIA ESKUBALOIA Infantil mutilak BERA BERA URDINA 15-37 URNIETA ÑAM RESTAURANTES Kadete neskak AIALA C ZKE 17-27 BERA BERA URDINA BERA BERA LARANJA 13-30 EGIA VELTINS Kadete mutilak BERA BERA LARANJA 28-29 HERNANI E.T. BERA BERA URDINA 34-29 BERGARA K.E. Jubenil neskak BERA BERA LARANJA 17-29 ATHLON ALOÑA MENDI K.E. CONSULTING ALAVÉS 13-29 BERA BERA URDINA Senior neskak: ZUAZO C.B. 27-23 BERA BERA

14 Urtarrila 2017

Loterías Ligako partidarik erakargarrienetarikoa. Suediako Eurokopa eta Gabonak eragindako ia bi hilabeteko etenaldia, Estatuko lurraldeko txapelketa eta Euskal Kopa ostean, egutagiak ia atsedenik ez du emango maiatzaren 27ra arte. Ligako 10 jardunaldi jokaturik, Super Amara Bera Berak bi puntuko aldea ateratzen dizkio Rocasa Ace Gran Canariari. Gipuzkoarrek partida guztiak irabazi dituzte, Teldekoek, aldiz, Gijónen utzi zituzten puntuak Mavi Nuevas Tecnologíasen aurrean. Hori da bi taldeen arteko aldea, garrantzitsua orain, iaz gol average delakoak erabazi baitzuen txapelduna. Montse Puche eta Antonio Moreno eta entrenatzaileek baja bana dute, lesio larriekin biek, Ana Martínez eta Sayna Mbengue. Super Amara Bera Berako entrenatzaileak 16 zerrenda osatuko du Eider Lizarbe eta Estitxu Berasategi sartuz. Maitane Etxeberria ondo entrenatu da aste honetan. Bidebietak hartiko du 18etan (Peñaranda eta Yagüe, Aragoikoak) gipuzkoarren eta kanariarren arteko 25. lehia ligan Donostian. Bertako taldeak 18 aldiz irabazi du, kanpoak bostetan eta behin bakarrik eman da berdinketa. Gogoan, Rocasak 2015eko urrian lorturiko garaipena María Gonzálezen golari esker bost segunduen faltan (26-27). Ziarsolo, Pinedo, Davinia eta Albaladejorik gabe Bi taldeek erreferentziazko jokalariak galdu dituzte erretiroa hartu dutelako lehen denboraldia behin amaituta. Matxalen Ziarsolo, Eli Pinedo, Bea Fernández eta Tania Yáñez agurtu zituen Bera Berak, Rocasak Davinia López, Alba Albaladejo eta Carmen Toscano, kasu honetan ikasketak direla kausa atzerrira joan da. Halere, oinarria mantentzen dite biek eta sei hilabete pasatu dira berriro elkarren aurka aritzeko. Mobile Give Day ONG Alboanek , Bera Beraren laguntzarekin, mobil zaharra eramateko deia egin du, Bidebieta kiroldegian jasoko dena. Kongo EDn duela 20 urtetik baino gehiagotik bizi duten gatazka armatuak sorturiko giza eskubideen urraketa salatzea da kanpaina horren asmoa. Gerra hori hein batean lotuta dago gure teknologia funtzionatzeko ezinbestekoak diren mineral batzuk ustiapenarekin. Helburua Europako legedia aldatzea da, mineral horiek saltzean irabazitako diruak ez dezan eskualde horietako gatazka armatua finantzatu.

14 Urtarrila 2017

San Sebastian martxaren doinuak ageri badira Bidebietan azken minutuan, seinale ona da. Super Amara Bera Berak garaipena poltsikoan zuen, lan handia egin duelako aurkari sendo baten aurka, Montse Puche entrenatzaileak gehiago nahi zuen. Iazko denboraldia bi talde hauean lehia gol average delakoak erabaki zuen eta Esther Arrojeriak bikain itxi du partida Navarro gainditzen (25-21) lau goleko aldea ere lortuz. Garaipen honekin, Super Amara Bera Bera ez dio akatsetarako aukeratik uzten Rocasa Ace Gran Canariari, halere, iaz ez bezala, donostiarrak aurretik dira lau puntuko aldearekin baina liga luzea da oraindik.
Partidak erantzun dio atarikoari, alde batetik, zalegoak Bidebieta bete du eskubaloi gose zegoela adieraziz eta norgehiagoka tentsiorekin bizi izan du. Bestetik, jokalariek, batak eta besteek, guztia eman dute, partidak intentsitatea izan du, gogorra izan da, markagailuak alde batera eta bestera jo du, taktikoki mugimenduak egon dira, golak ikusgarriak eman dira eta emozioa. Okerrena, bi taldeen baloi galduak baina bi hilabete ostean, normala da.
Super Amara Bera Berak aurkariaren akatsak hobeto aprobetxatu ditu eta hor egon da koxka. Aramendia bikain atera da kontraerasora eta bost gol lortu ditu hórrela, bakarra hegaletik. Puchek Sans eta Menéndez jarri ditu erdian, Arrojeria eta Fernández ondoan eta Aramendia etsa López hegaletan, Temprano atezain. Antonio Morenok, aldiz, Hamciuc eserlekuan utzi du Tejedari eman dio ardura Almudena Rodríguez eta Luján erdian, Lusson ondoan eta Falcón eta Trojaola hegaletan. Aramendiak ireki du lehia baina segituan hartu dio lekukoa Almudena Rodríguezek,
estu jarri du bertakoen defentsa. Lehenengo zatian ez da alderik handia egon markagailuan baina bai jokaldi ikusgarriak, Tempranok bidalitako baloia Aramendiak fly moduan sarera bidali duena eta Rodríguezen golak. Zugarrondo sartu du Puchek eta honek geldiketekin erantzun du. Gainera Fernández piztu da amaieran eta atsedenaldira iritsi aurretik sekulako gola sartu du taldeari gol bateko aldea emanez.
Bigarren zatiaren hasieran bi taldeetako lehenengo lerroak izan dute protagonismoa, Puchek banakakoa bidali dio Rodríguez gelditzeko baina ez du asko iraun. Sans kaleratu dute eta Rocasak tarte txikia ireki du 15-17 María Gonzálezen bidez.
Halere, Super Amara Bera Bera 4-0 partziala lortu du Ederra, Arrojeria (2) eta Fernándezen bidez. Sansek bigarren aldiz kanporatu dute, Rocasa gerturatu da, Zugarrondok geldiketak egin ditueta Etxeberriak fly moduan gauzatu du txalo zaparrada jaso duen jokaldia (50. min, 20-18). Antonio Morenok bi pibote sartu ditu–Tejeda eta Hamciuc-, baina Aramendiak, gero Menéndezek eta Fernándezek penaltiz garaipena utzi dute Bidebietan.
Fitxa: Super Amara Bera Bera 25, Rocasa Ace Gran Canaria 21
Super Amara Bera Bera 25 (13+12): Temprano, López, Menéndez (1), Arrojeria (6), Ederra (2), Fernández (8, 6p) eta Aramendia (6) –titular- Sans (1), Múgica, Elorza, Etxeberria (1) eta Zugarrondo (o.a.). Convocadas: Zaldua, Lizarbe, Ezkurdia eta Berasategi.
Rocasa Ace Gran Canaria 21 (12+9): Navarro, Falcón, Rodríguez (10), Luján (4, 2p), Tejeda (1), Lusson (3) eta Trojaola (1) –titular- González (1), Hamciuc (1), Arinegua, Peña eta Hernández (o.a.)
Epaileak: Peñaranda eta Yagüe, aragoikoak
Kanporatuak: Fernández, Sans (2) eta Elorza Super Amara Bera Beratik eta Tejeda (2) eta Luján Rocasatik.
Partzialak: 3-2, 3-5, 6-6, 8-9, 11-11, 13-12 –atsedenaldian- 14-13, 15-16, 18-17, 19-18, 22-19 eta 25-21
Gertaerak: Bera Bera jokalari Elene Vázquez, Anne Gorostidi, Estitxu Berasategi eta Nerea Lizarraga klubeko oroigarria jaso dute Estatuko lurraldeen arteko txapelketa Euskadirekin jokatzeagatik. Jubenil taldeak brontzezko domina jaso zuten. Horren ostean, Andrea Delgado jokalari gaztearen heriotza dela eta minutuko isilunea gorde da Bidebietan.