13 Urtarrila 2017

Super Amara Bera Bera Loterías Ligara itzuliko da denboraldiko partidarik erabakienetariko batean, Bidebietan Rocasa Ace Gran Canaria hartuko baitu larunbatean 18 eta (Peñaranda eta Yagüe, aragoi). Montse Puche onartu du etenaldia “luzea egin zaigula”, halere “sentsazio onekin etorri ginen Barakaldotik” non gipuzkoarrek Euskal Kopa eskuratu zuten. “Fisikoki ondo gaude errokei aurre egiteko” adierazi du Puchek. Izan ere, bigarren sailkatua Rocasa eta laugarrena Zuazo izango ditu aurkari Super Amara Bera Berak, “15 egun gogorrak izango dira”. Rocasaren aurrean “ez dago liga erdia jokoan, oraindik asko falta delako”, halere dio “partida garrantzitsuak dira jarritako helburuak lortze aldera eta guztia emango dugu”. Irabazita “jokalarien konfiantza handitu genuke”. Baina Rocasari “errespetua” zor dio, “Bidebietan irabazten azken aurkari izan baita”. Puchek azaldu du “bi taldeak oso ezberdinak gara, guk intentsiatea nahi dugu beraiek jokua gelditzea nahiago dute”. Hortaz, partida noiz iritsiko irrikitan eta Puchek jakin badaki “partida gogorra izango dela, exijentea, faktore asko kontutan hartu beharrekoak eta akatsak eta egoeran zuzendu behar ditugu” horretarako “horiek gainditzen Bidebietak lagundu behar digu”.

10 Urtarrila 2017

Ohorezko mailako 26 denboraldietan, urte berria etxean 16 aldiz agurtu du Bera Berak, 13 garaipen eta hiru porrot izan dituelarik, beraz, ondo ekin dio urtarrilari Bidebietan. Azken sei denboraldietan donostiarrek etxean ireki dute urtarrila, garaipen guztiak lortuta: birritan Rocasa, Prosetecnisa Zuazo eta Helvetia Alcobendasen aurka eta zortzi dira jarraian irabazi dituzten partidak Gabonak ostean Ligari Bidebietan itzultzerakoan. Ligako etenaldi honek talde bakoitzaren ibilbidea mugiarazten du, izan ere, azaraoaren 19tik urtarrilaren 14ra arte ia bi hilabete lehiatu gabe dira, errendimenduan eragina duena. Denboraldi honetan, Super Amara Bera Berak 15 partida jokatu ditu, Superkopa irabazita, Ligako hamar norgehiagoka, Champions Leagueko atariko bat eta Europako beste hiru galdu ditu. Etenaldia ondo etorri zaio baina, larunbatean gertatuko den bezala, aurkari zuzenen kontrako partidak balira urtea ondo hastea erabakiorra da. Juan Carlos Elorza kazetariak bildutako datuei esker, jakin badakigu ohorezko mailan igarotako 26 denboraldietatik hamar aldietan bidaiatu zuela Bera Berak urte hasieran, bost partida galduz, bi berdinduz eta hiru irabazita. Bera Berak etxetik kanpo jokatutako azken partida urtea hasi bezain pronto 2010etko urtarrilaren 15ean izan zen eta Eldak mendean hartu zuen (31-25) eta etxean azkena galtzen, 2003ko urtarrilaren 15ean El Ositoren aurka (20-26). Beste biak, 1994ean Valencia Urbanaren aurka eta 1991ean Constructora Estellésen aurrean (19-22), kasu honetan etenealdia bi astekoa baino izan zelarik. Bera Berak eta Remudasek bost aldiz elkarren aurka aritu dira Ligako urteko lehen partidan Ligan –seigarrena larunbatean Bidebietan (18etan)- eta guztietan etxeko taldeak bereganatu ditu garaipenak, donostiarrek hiru aldiz eta Teldekoak birritan. Azken urtetan Rocasa bi aldiz izan da Bidebietan Ligaren bueltako lehen partida horretan, 2011ko urtarrilaren 8an eta 2015eko urtailaren 15ean. Lehengoan, Bera Bera 26-23 izan zen nagusi Eider Rubiok zazpi gol sartu zuelarik eta bigarrenean, 25-20 Eli Pinedo golegile nagusia izan zelarik bost gol sartuta. Hirugarren garaipena urruti gelditzen da, 1992an alegia (27-23). Telden berriz 2008an (27-22) eta 1999an (24-21) galdu zuen Bera Berak. Halere, oraindik oroimenean gelditzen da Rocasak iazko denboraldian irabazitako partida Bidebieta azken jokaldian (26-27). Larunbatean protagonista berriak izango dira pistan, izan ere, Ziarsolo, Pinedo, Bea Fernández ez dira urdinez arituko baina Davinia eta Albaladejo horiz ezta ere.

09 Urtarrila 2017

Gironako hainbat herritan pasa den astean zehar burutu den Estatuko lurraldeko selekzioen arteko txapelketan infantil, kadete eta jubeniletan, emakumezko zein gizonezkoetan, Catalunyak bereganatu du protagonismoa izan ere lau urre eta zilarrezko eta brontzezko bana bereganatu baitu.
Euskadik domina bat baino ez du lortu eta laugarren postu bat, biak jubenil mailan, brontzea emakumezkoen selekzioari esker non Bera Berako Elene Vázquez zentrala, Anne Gorostidi esker hegalekoa eta Estitxu Berasategi alboko jokalaria aritu ziren. Azken hau bihartik Pucheren agindupean jarriko da.
Gaztela Leoi eta Madrilen aurka aurreneko bi partidak galdu ostean Txerra Resak zuzentzen duen selekzioak Valentzia gainditu zuen (24-20). Final-laurdenetan, Andaluzia mendean hartu zuen, beste multzoko bigarrena, baina finalerdietan ezer gutxi egin ahal izan zuen Madrilen aurrean. Brontzea lortzeko norgehiagokan Euskadi Gaztela Leoi baino gehiago izan zen (25-21), Bera Berako jokalariek 13 gol sartu zutelarik (Gorostidi, 5 y Vázquez y Berasategi 4).
Kadete mailan aritu zen Bera Berako Nerea Lizarraga. Jubenil taldeak bezala azken partidan lortu zuen final-laurdenak jokatzeko txartela baina Madrilen aurka galdu zuen eta azkenean, seigarren postuan gelditu zen.

09 Urtarrila 2017

Datorren larunbatean, urtarrilaren 14an, arratsaldeko 18:00etan hasiko den Super Amara Bera Bera eta Rocasa Gran Canaria emakumezkoen Eskubaloiaren Ohorezko Mailako norgehiagokaren harira, Donostiako Bidebieta polikiroldegian Mobile Give Day izenekoa izango da. Mobile Give Day delakoa telefono mugikor zaharrak jasotzeko ekimena da, eta ALBOAN GKEak martxan jarri duen Gatazkarik Gabeko Teknologia (http://www.tecnologialibredeconflicto.org/) izeneko kanpainaren parte da. Kongo EDn duela 20 urtetik baino gehiagotik bizi duten gatazka armatuak sorturiko giza eskubideen urraketa salatzea da kanpaina horren asmoa. Gerra hori hein batean lotuta dago gure teknologia funtzionatzeko ezinbestekoak diren mineral batzuk ustiapenarekin. Helburua Europako legedia aldatzea da, mineral horiek saltzean irabazitako diruak ez dezan eskualde horietako gatazka armatua finantzatu. Urtarrilaren 14an pertsona orok telefono zaharrak eramatea nahiko genuke, eta bertan jarritako kutxetan sartzea. Horrela, gailu horiek birziklatu ondoren ateratako etekinei esker Kongoko ekialdeko gatazkak eragindako errefuxiatuei lagunduko die ALBOAN GKEak. Halaber, polikiroldegian postu bat jarriko da eta bertan kanpainari buruz informazio gehiago jaso, legedia aldatzeko sinadurak batuz kanpaina sustatu, eta ALBOAN eta Super Amara Bera Bera taldeko egutegiak, kamisetak eta abarrekoak erosi ahal izango dira.