Larunbatean Bera Bera Eskubaloiko harrobiko taldeek denboraldi amaiera ospatu zuten. Goizean zehar Bidebietan hainbat partida berezi jokatu ziren, non gurasoek ere parte hartu zutelarik eta ondoren, Petritegiko Malum Rex jatetxean 170 pertsona elkartu ziren bazkari eder baten inguruan.
Gaur goizean, Kiroletxean egindako prentsaurrekoan, Erreginaren Koparen XLV. edizioa antolatzen parte hartu duten eragileek maiatzean Illunben egindako ekitaldiaren "balorazio oso positiboa" egin dute, eta, hiru egunetan izandako ikusle kopuruaz gain (11.000 pertsona baino gehiago), "Koparik inspiratzailea eta inklusiboena izan dela" nabarmendu dute.
super amara Bera Berako arduradun Tati Garmendiak gaur eguerdian aurkeztu du Elba Álvarez, Bera Bera pasealekuan kokaturik dagoen Ammmaren egoitzan. Vigoko zentrala “ilusioz gainezka” agertu da, eta, aldi berean, “egungo txapeldunarengana etortzeak erantzukizun handia” dela uste du.
Bera Bera eskubaloiko arduradun Tati Garmendia Espainiako Eskubaloi Federazioak larunbatean Santanderreko Biltzar Jauregian antolatu zuen Batzarrean izango zen klubaren ordezkari gisa. Bertan, 2024-25 denboraldirako lehiaketa sistema berria eta kirol egutegia onartuko ziren, besteak beste.
Portugalen konzentrazioa osatu ondoren, Joaquin Rocamora hautatzaile juniorrak Skopjen (Ipar Mazedonia) mailako Munduko Txapelketa jokatzeko aukeratutako 16 jokalarien behin betiko zerrenda eskaini du astelehen honetan. Lyndie Tchaptchet, Carmen Arroyo eta Eider Tapia daude zerrendan.
