Berandu erreakzionatu du super amara Bera Berak Telden puntuak lortzeko. Rocasak bere hamargarren partida jarraian irabazteaz gain, averagea ere eramateko aukera izan du, 56. minutuan 25-21eko emaitza kezkagarri alde izan baitu, Erauskinek gol batera jarri du azken segundoetan jabetza izateko zorian egon da talde donostiarra baina ezin eutsi. Garaipen honekin, Rocasa bigarren jarri da sailkapenean, donostiarrengandik puntu bakarrera.
Euskal promoziak alde batera utzita, sei partida jokatuko dituzte Bera Bera Eskubaloiko harrobiko taldeek. Zilarrezkoan, Kukullaga gainditu ostean Bera Berak Loiun izango du hitzordua, larunbatean 18etan, Urdaneta azken sailkatua bisitatuz.
Senior mutilak Lezon arituko dira igande eguardian; infantil neskak Tolosa eta La Sallen; infantil mutilak, Oñatin eta kadete neskak, Eibarren.
super amara Bera Bera garaiz aireratu da Loiuko aireportutik Kanaria Handirako bidean, eta bihar Rocasarekin neurtuko ditu indarrak (larunbatean, 18,30ean bertako orduan; Donostian, 19,30ean), Imanol Álvarez entrenatzailaren hitzetan, “berriro lehiatzeko eta, ahal bada, garaipenak kateatzeko asmoz”.
Euskadiko txapelketako bigarren fasea jokatze aldera Bera Bera Eskubaloiko kadete neska-mutilen eta jubenil nesken taldeek promozioei helduko diete bihartik aurrera igandera arte.
Rocasa da bolada onena daraman Guerreras Iberdrola Ligako taldea. Bederatzi jardunaldi pilatu ditu bi puntuak batuz, eta 2025eko urriaren 11n galdu zuen azken partida, Telden Costa del Sol Malagaren aurka jokatutako neurketan (21-25). super amara Bera Berak ostiralean bidaiatuko du eta Kanarietako taldearen aurka lehiatuko da larunbatean (18,30 bertako orduan).
