Rocasa da bolada onena daraman Guerreras Iberdrola Ligako taldea. Bederatzi jardunaldi pilatu ditu bi puntuak batuz, eta 2025eko urriaren 11n galdu zuen azken partida, Telden Costa del Sol Malagaren aurka jokatutako neurketan (21-25). super amara Bera Berak ostiralean bidaiatuko du eta Kanarietako taldearen aurka lehiatuko da larunbatean (18,30 bertako orduan).
Euskadiko txapelketako bigarren fasea jokatu ahal izateko Bera Berak, datorren asteburuan, hiru promoziotan parte hartuko du: Lacturale Bera Bera jubenil neskak, Eibarren; Lacturale Bera Bera kadete neskak, Andoainen eta kadete taldeek, Pasai Donibanen.
Bigarren zatiko hasiera arte eutsi zion partidari Kukullaga Etxebarrik (38’: 18-14) baina minutuak pasa ahala etxeko taldeak estutu zuen lehia, Elene Vázquezen erakustaldia medio eta Urretabizkaia, Lizeaga eta López golegile nagusi gisa. Emaitza honi esker, egun Bera Bera bosgarrena da sailkapenean.
Conservas Orbe Zendal Porriñoren aurkako partidan, Elke Karstenek zerbait sentitu zuen eskuineko belaunean. Aulkira erretiratu zen, baina bigarren zatia jokatu zuen. Astelehenean ia ezin zen ibili eta asteartean Atticgo Elxen aurka jokatzea baztertu zuen.
14 partida jokatuko ditu asteburu honetan Bera Bera Eskubaloiko harrobiko taldeek. Bi hitzordu nagusi ageri da, larunbatean Elgoibarren Euskal Ligan Lacturale Bera Bera kadete (16etan) nahiz jubenil (17,15etan) taldeek garaipena behar dituzte promozioa jokatze aldera. Eta Zilarrezko mailan, Bera Berak bigarren itzuliari ekingo dio Kukullaga Etxebarri hartuz Bidebietan 20,15etan.
