Tchaptchetek 17-21 egin du partida amaitzeko sei minutu baino gutxiago falta zirenean, baina David autobusera igo aurretik, super amara Bera Berak biziberritu du Grafometal La Rioja, 0-4ko partzialarekin, Sidibek partida berdinduz (58’: 21-21). Imanol Alvarezek hutsartea eskatu du 7x6 sartzeko, Somazaren barneraketa bermatzeko (21-22). Karsten eta Etxeberriaren artean Novovicen falta erasoan lortu dute, halere, Alvarezek huts egin du Larrayoz atezainaren aurrean 15 segundoren faltan. Ascorbek denbora gelditu du eta Montenegro albokoak berdinketa lortzeko beste aukera bat izan du azken bost segundoetan baina bere jaurtiketa kanpora joan zen gutxigatik.
“Aspaldian ez genuen jokatzen eta orain (aurreko) larunbatean, aste honetan bi partida etxetik kanpo eta datorren astean ere bi partida Europako kanporaketako joaneko partidarekin jokatzera pasatu gara” hasperen egin du Imanol Alvarezek. super amara Bera Berak bihar, asteazkena, Grafometal La Rioja bisitatuko du (20,30etan) Errioxako Kirol Jauregian, Logroñon (Aritz Zaragueta eta eta Rául Oyarzun, nafarrak), eta larunbatean Eldan jokatuko du. “Bi irteera arriskutsu” ohartarazi du entrenatzaile ermuarrak.
Lurraldeko klubetara gehiago hurbiltzeko asmoz, super amara Bera Berak Zumarragako Ispillan hasi ditu denboraldi honetan Gipuzkoako barnealdean egingo dituen entrenamenduak. Asteazkenean (20,30etan) Logroñon jokatuko den partida gertu dagoenez, Imanol Alvarezek saio normala prestatu du.
Lehenengo zati kaxkarra jokatu arren, Ainara Lopezen lesioa tarteko, eta atsedenaldira 15-10 atzetik iritsi zen norgehiagoka. Bigarren zatia borobila atera zitzaion Bera Berari, nahiz eta lehen gola bizkaitarra izan. Ondore, Zabala Goñi atezainak sartu zuen taldea partidan, Ruiz de Gaunak eta Elene Vázquezek asmatu zuten ate aurrean, Murgiondok zazpi metroetatik.
Bigarren zatian KH7 Granollersek partida berdindu duenean (16-16) super amara Bera Berak partida hautsi du hamar minutu eskasetan 7-0 partzialari esker. Defentsan estutu du, kataluniarren lehen lerroari aurre hartuta, Pradesen geldiketak eta kontraerasoan asmatu du, bere nortasuna agerian utzita, Gascan bi puntuak utzi ditu, ligan partidarik galdu gabe jarraitzeko eta Malagan irabazi duen Guardesekin bat eginez gorenean.
