Ligako 27 partida galdu gabe egon ondoren, super amara Bera Berak porrota jaso du gaur Atticgo BM Elxen aurka (20-25, 11-14 atsedenaldian), bigarren zatian hainbat baloi une onean alferrik galdu ostean (18-20) markagailuan zela. Ilikitanak azken minutuetan zailtasunik gabe konpondu dute norgehiagoka.
Sabino Arana Fundazioak gaur goizean iragarri duenez, azaroaren 11n bere Patronatuaren bileran, aho batez erabaki zuen Bera Bera Eskubaloiari ‘Sabino Arana 2025 Saria’ ematea, egindako kirol lan nabarmenagatik.
Ez zen partida bikaina izan, baina Haizea Urretabizkaiaren - zortzi gol- abiadura eta definizioa baliatu zituen Bera Berak atzo Bidebietan Gala Gar Toper Zaragoza La Jota (29-25) gainditzeko. Ondoriz, lehen itzuliaren amaieran donostiarrak seigarrenak dira 16 puntu bilduta.
Maitane Etxeberriak partida borobila jokatu zuen. Zortzi jaurtiketa, izaera ezberdineko zortzi golak eta defentsan egindako lan nabarmena pistan egon zen 48 minutuetan, ezinbestekoa izan zena super amara Bera Berak 14-11koa atsedenaldian irauli eta Porriñoko Munizipalaren bi puntuak eramateko Guerreras Iberdrola Ligako lidergoan jarraitzeko. Eta gaur Federazioko adituen batzordeak jardunaldiko jokalari izendatu du.
“Ez genuen ondo jokatu, bi urte generamatzan han irabazi gabe, lehen zatia ez zen ona izan, gure atezainak salbatuta, halere irabazteko gai izan ginen eta match ball bat salbatu genuen” laburbildu du larunbateko partida Super Amara Bera Berako entrenatzaile Imanol Alvarezek. Urtarrileko hilabete “gogorraz” mintzatu da “garrantzi handiko aurkarien aurka” arituko baikara “goian egongo direnen aurka” alegia.
