Astegunean eta hego haizekin, malo! Eta partida, teorian talde ahul baten aurka izanik, arriskua dago norgehiagokari behar den bezala heltzeko. Bera Bera ondo hasi da baina hainbat garaietan guztiz erabakitzea falta izan zaio.
Izan ere, Adesal Córdoba taldea arin jokatu du ezer galtzeko ez zuelako. Tejada pibotearekin lortu duen loturak mina egin dio gipuzkoarren defentsari eta, gainera, Alba Sánchezek gola egiteko gaitasuna erakutsi du.
Bera Berak andaluziarren lehenengo lerroko jokoa oztopatu nahian, Esther Arrojeria aurreratu du. Gainera usurbiltarrak erasoa zuzendu du, Arizaga eta Ana Martínez lagun, Etxeberria eta Ziarsolo hegaletan eta Núñez pivotean.
Nuñezen bi gol eta Arizagaren hiru golei esker Bera Berak tartea ireki du (18 min, 8-4) baina Alba Sánchezek asmatu egin du (8-6) Imanol Álvarez entrenatzailearen hutsartea eraginez. Orduan, Eli Pinedo, Patri Elorza, Menéndez eta Ederra sartu dira eta Bera Berak 4-1 eko partziala lortu du Dunayren gola eta paseak medio eta Ana Tempranoren geldiketak baliatuz –hiru penalti lehenengo zatian-.
Pinedok aurrean defendatu du baian Tejada pibotak arazoa sortzen zituen. Lehenengo zati amaieran partida erotu da baina Bera Bera 14-11 aurretik. Imanol Álvarezek pistako jokalari guztiak erabili ditu.
Bigarren zatian akatsak batean eta bestean. Gipuzkoarren aldea murriztu da (43. min, 18-16) baina arazo gehiegietan sartu gabe. Halako batean Adesalek jokalari-atezain atera du baina baloia galdu du eta Ana Temprano atezainak gol sartzeko aukera izan du.
Halere, Alba Sánchezek asmatzen jarraitu du eta Bera Berak kontraerasoari ekin dio Uxue Ezkurdiaren bitartez, Ederra pibotearekin lotura gauzatzen eta Elorzaren barneraketak aprobetxatzen. Zazpi minutu falta zirela 3-0 partzialak Adesalen itxaropena desegin du.
Distira gehiegirik gabe, Bera Berak bi puntu eskuratu ditu, Ligan sei garaipen erdietsiz. Igandean, pelikulak beste gidoi bat izango du.
Fitxa: Bera Bera 28, Adesal Córdoba 23
Bera Bera 28 (14 + 14): Temprano (1), Etxeberria (1), Arrojeria, Ana Martínez (1), Núñez (2), Arizaga (3) y Ziarsolo (5, 4p) –titular- Menéndez (1), Dunay (1), Pinedo (1), Elorza (5), Ederra (3) eta Ezkurdia (4).
Adesal Córdoba 23 (11+12): Ezbida, Valdivia (2), Hernández (3), Barea, Puertas (5), Tejada (4) eta Blázquez –Sánchez (7), Moreno (2), Fernández (o.a.)
Epaileak: Jesús Álvarez eta José Carlos Friera (Asturias)
Kanporatuak: Núñez, Arrojeria, Elorza (2), Pinedo eta Ederra Bera Beratik eta Sánchez, Valdivia eta Hernández Adesal Córdobatik.
Partzialak: 2-1, 4-2, 6-3, 8-5, 12-7, 14-11 –atsedenaldia- 16-13, 17-13, 19-16, 22-18, 26-21 eta 28-23
Bera Berak jokatu behar dituen hurrengo bi partidak galduko ditu Adriana Castro eskuin hegalekoak. Bihar Bidebietan Adesal Córdobaren aurka (19etan, Jesús Álvarez eta José Carlos Friera –Asturias-) eta Champions Leagueko hirugarren jardunaldiari dagokiona. Bera Berak Larvik hartuko du, egungo lehiaketako azpitxalduna, igandean Urriak 20 (Gascan, 12,15etan). Adrianak Brasilera egin du bidaia bere anaiaren osasun egoeraz kezkatuta, kotxe istripua izan baitzuen.
Yamiley Rodriguez eta Vero Cuñarekin batera, hirugarren baja izango da Castrorena. Atezainari disko hernia antzeman diote eta tratamentuari begira ebakuntza planteatzen ari dira. Jokatu gabe hilabeteak emango dituenez taldea gaia aztertzen ari da. Bestetik, galiziar zentralak belaunean arazoekin jarraitzen duenez gaur mediku azterketa berri bar pasatu behar du.
Ondorioz, Maria Akuña atezaina eta Uxue Ezkurdia deialdira itzuliko dira bihar Yamiley eta Adriana Castro ordezkatzeko.
Asteburuko partida izan da. Bera Bera senior taldeak Aiala Zarautz ZKE hartu zuen Bidebietan, igande eguardian. Norgehiagoka paretsu, azken seguduetan erabaki zen. Aialak partida irabazteko baloia zuen, halere bere jaurtiketak Udanek harrapatu zuen. Eta atezainak oso ondo ikusi zuen Uxue Ezkurdia zarauztarraren pistara korrikan eta baloia jarrio zion. Ezker hegala, bi aurkarien artean lekua egin, gola sartu eta garaipena lortu zuen azken segunduan.
Bestetik, Zarautzeko taldeen aurka jokaturiko beste hiru partida galdu zituen Bera Berak. Lurraldeko kadetea eta Euskal Ligako jubenil nahi kadeteak. Halere, azken hauek oso partida ona egin zuten, defentsa ona erakutsiz (18-20).
Minicup
Harrobiko jokalari askoren laguntzarekin, igande goizean Bidebietak eskubaloiko Municup hartu zuen. Bi orduz Elgoibar eta Donostiako 60 bat gaztek kirolarekin gozatu zuten eta, ondore, Super Amarak emandako hamaikatekoarekin indarrak berreskuratu zituzten.
Koprivnican Bera Bera Prodavka Vegeta taldeari eusten saiatzen ari zen bitartean, emakumeen eskubaloiko ohorezko mailako bostgarren jardunaldia osatzen ari zen. Gipuzkoarren Canyamelar gainditu zuten ostegunean eta albisteak espero zituzten, batez ere, Kanarietan Rocasa Ace Gran Canaria eta Helvetia Alcobendasen partidatik.
Madrildarrek lau garaipen zituzten baina ezin izan zute partida irauli. Rocasa gogor hasi zen (10. Min, 8-4 eta 20 min. 13-4) eta tarte horrekin atsedenaldira iritsi ziren (19-10). Bigarren zatian Helvetia Alcobendasen erreakzioa heldu zen, hiru goletara jarri zen (25-22) zortzi minutu falta zirela baina Luján, Davinia y Haridian hirukoteak partida erabaki zuten (29-26). Azpimarratzekoa da Nora Azurmendi minutuak izaten ari dela Alcobendasen.
Horrela, gole aldeari esker, Rocasa da bigarren lau garaipen eskuraturik, Helvetia Alcobendas eta Elche Mustang taldeekin batera. Ondoren, sei punturekin, Bera Berarekin topo egin duten hiru talde: Canyamelar, Mecalia eta Porriño.
Ligako zenbakiei erreparatuz gero, donostiarrak dira gol gutxien jasotzen dituen taldea, bataz beste 19,6 gol eta Rocasa da gol gehien egiten dituena, partidako ia 30.
Championsak aste honetan ere aurreratuko du Ligako partida. Bera Berak asteazkenean, urriak 16, 19etan, Adesal Córdoba hartuko du Bidebitan, igo berri den taldea eta oraindik punturik lortu ez dituena. Larunbatean, Rocasan Alacanten jokatuko du, punturik lortu ez duen beste taldea; Alcobendasek Zuazo hartuko du eta Elche Mustag taldeak irteera ez oso erosoa Castelldefelsen.
Bera Bera Eskubaloiak atzo goizean egin zuen bidaia Valentziatik Bartzelonara eta Prat aeroportuan Munichetik Zagrebera hegazkinez iritsi zen arratsaldeko 5ak aldera. Oraindik autobusez ia bi orduko bidaia egin behar izan zuten Dudrevic herrian zegoen hotelean atsedena hartzeko. Gosaldu ostean bideoz ikusi dute lehengo larunbateko Larvik vs Prodavka partidako hainbat irudi eta ondoren Koprivnicako Sport Hall Fran Galovicen ordubetez entrenaldia burutu du.
Taldea ondo dago atsedena hartu ostean eta Championseko multzoen faseko bigarren jardunaldiari ekingo dio puntuak lortze aldera baina, aurkaria eta pistaren zailtasuna jabeturik.
Prodavka Vegeta talde gaztea da eta hiru jokalari izan ezik – Itxakon egon zen Montenegroko Milenkovic atezaina ,eta Trifunovic eta Zivkovic serbiarrak- beste guztiak bertakoak dira. Eta Milanovic pibotearekin lotzen saiatzen da bere eraso jokoa.
Prodavkak 6-0 defentsa sutsua egiten du eta Imanol Álvarezek azpimarratu du espazioak sortu eta aurkitu berhar direla.
Bera Bera urdinez arituko da gaur arratsaldean. Partida 18etan hasiko da eta Tetyana Rakytina eta Iryna Tkachuk ukraniarrak zuzenduko dute. EHF TVn ikus daiteke.
