04 Urria 2013

Gaur goizean komunikabideen aurrean eginiko agerraldian, Bera Bera Eskubaloiko entrenatzaile Imanol Álvarezek “gozatu” hitza behin baino gehiagoetan erabaili du Champions Leagueko multzoen fasean debutaren aurrean. Izan ere, Bera Berak Mazedoniako txapeldun WHC Vardar hartuko du lehenengo jardunaldian, Josean Gasca kiroldegian, igandean 12,15 (ETB). Peter Herczeg eta Peter Südi hugariarrak izango dira epaileak. “Gozatu nahi dugu, jendeak ikus dezan hemen egotea merezi dugu, inork ez digula gonbidapena bidali, irabazi dugula, alegia” adierazi du Imanol Álvarezek. Lehiaketa honetan “Europako eta, ondorioz, Munduko 16 talderik onenak daude eta horien artean Bera Bera” azpimarratu du. Bera Berako entrenatzaileak ohartarazi du “Championsa irabazteko helburuarekin osatu diren taldearen aurka jokatuko dugu”. Horregatik, bere ustez, gako nagusiena da “lehenbailehen presioa gainetik kendu eta gure baliabideak ahalik eta gehien aprobetxatu”. Ondorioz, Imanol Álvarezek “ondo defendatu, asmatu defentsan eta korrika egitea” eskatu du. “Mina egiteko gai garela uste dut baina beraiek ere bai” dio. Ermuko entrenatzaileak onartzen du Vardarren “nagusitasuna, Championsa irabazteko taldea delako” eta ez da fisikoaz gehiegi arduratzen “hau eskubaloia da eta jokalari azkarrak izanik, ez da arazo”. Horregatik, “gozatzea eta gure jokuarekin leiala izan behar dugu” helburua Championsen “lehenengo partaidetzarekin ikastea baita”. Orain arte Ligan egindako ibilbideaz galdeturik, Imanol Álvarez onartu du “lasai” dagoela lortutako bost garaipenekin eta “entrenatzailea aldatuta” garaipen hauek “ondo etorri zaio taldeari” eta “lasai, konfidantza eta taldeak errodajea eginda” helduko dio Championsari. Azkenik, publikoa animatu du “Gascara etortzeko igandean, ikusten dut jende asko dagoela ilusiokin gu ikusteko Europako talde onenen artean, Donostiara igande eguardian etortzea oso erakargarria da”.

03 Urria 2013

Jokalari beteranoak eta gazteak nahastuz ekin zion Bera Berak partidari Bidebietan eta ondo atera zaio, izan ere, BM Porriño 32-19 gainditu du Ligako laugarren jardunaldian.
Fitxa: Bera Bera 32, BM Porriño 19

Bera Bera 32 (18+14): Temprano, Castro (7), Menéndez (3), Arrojeria (2), Ana Martínez (1), Ederra (5) eta Pinedo (2) –Ziarsolo (3, 1p), Dunay, Núñez (1), Arizaga (2), Etxeberria (6) eta Akuña (o.a.).

BM Porriño 19 (8+11): Sanjuan, Mujika, Alicia Fernández (11, 4p), Rivas, Nekane (3), Costas eta Cacheda – Orsolya (2 p), Anne González (p.s.), Lorena Pérez (2), Samartin (1) y Cristina Martínez.

Epaileak: Sebastián Fernández eta Alberto Murillo (Andalucía)
Kanporaketak: Ederra, Menéndez, Dunay, Arizaga eta Elorza Bera Beratik

Partzialak: 2-1, 5-3, 8-5, 12-6, 15-6, 18-8 –atsedenaldia- 18-11, 20-13, 24-13, 26-14, 27-16 eta 32-19.

03 Urria 2013

Eli Pinedo, Patri Elorza eta Ana Martínez jokalariek ez dute atsedenik izango urrian. Urriaren 20ean Gaskan Larvik taldearen aurka jokatu ostean, Champions Leagueko hirugarren jardunaldian, hurrengo egunean, astelehenean, Leonera joan beharko dute 2014ko Eurokopan parte hartzeko fasea prestatzera. Aste horretan ez dago ez Champions ez Ligarik eta donostiarren hurrengo partida urriaren 31an Castelldefelsen izango da. Ondorioz, Pinedo, Elorza eta Ana Martínezek urrian bederatzi partida jokatuko dituzte (atzo lehenengoa), Bera Berarekin zazpi –Championseko hiru- eta Espainiarekin, bi. 2014ko abenduan Hungaria eta Kroaziara joan ahal izateko, Dueñasen selekzioak Holanda, Turkia eta Italia gainditu beharko ditu. Horrela, urriaren 24ean Leongo Kiroldegian 20etan, Espainiak Turkia hartuko du eta urriaren 26an Pescaran Italia izango da aurkaria. Hurrengo jardunaldian datorren urteko martxoan izango da. Espainiako Ligako Silvia Navarro (Rocasa) eta Cristina González (Cleba León) atezainak eta Raquel Caño (Cleba León) sartu ditu Dueñasek. Bera Bera da Frantziako Fleury taldearekin batera -Bea Fernández, Marta López eta Marta Mangué-, Espainiako selekzioara jokalari gehien bidaltzen dituen taldea.

02 Urria 2013

Lehengo larunbatean Barakaldora joan ziren 14 jokalariekin egingo dio gaur aurre Bidebietan Bera Berak Porriñori (19etan, Sebastián Fernández eta Alberto Murillo, Andaluzia). Hau da, María Akuña atezain gazteak Yamiley Rodríguezen lekua hartuko du, izan ere, giharretako minez dago kanariarra.
Ligako laugarren jardunaldia partida aurreratu da Bera Berak Championseko ligaxkan Mazedoniako txapeldun Vardar taldearen aurka debuta egingo duelako (igandean, 12,15etan, Gaskan). Donostiarrek, halere, ez dute hanka-sartzerik nahi bi puntuen garrantziaz jabeturik, Liga eskuratzeko garrantzitsuak eta lidergoan jarraitzeko ezinbestekoak.
Estela Doiro galdu duen Porriñon Alicia Fernandez da egun Ligako golegile nagusiena, partidako 10 gol sartu dituena.
Bera Berak defentsako lana berretsiko du, izan ere, Ligako gol gutxien jaso duen taldea da –partidako, 19- eta ez bakarrik emakumeezkoen ligan baizik eta gizonezkoen Asobal eta Zilarrezko mailakoetan ere bai.