31 Urria 2013

Euskal Ligako senior taldeak baino ez du izango jardunaldirik asteburu honetan. Lur Errekondorekin eta ohorezko mailako taldearekin diren Esther Arrojeria, María Akuña eta Uxue Ezkurdia jokalaririk gabe Egia Arrono taldeari bisita egingo dio larunbatean 16,30etan Egiako kiroldegian. Euskal selekzioa Bera Berako jokalari Eider Lizarbe eta Anne Valle deitu ditu jubenil mailako Euskal selekzioak ostiralean eta igandean hiru entrenaldi gauzatze aldera. Bihar Barakaldora abiatuko dira Lasesarre kiroldegia 11etatik 13ak arte eta 16etatik 18ak arte entrenatzeko eta igandean Ermuko Miguel Ángel Blanco kiroldegian egingo dute Saioa 10etatik 13ak bitartean. Maitane Etxeberria ere zerrendan zegoen baina Bera Berako lehen taldearekin dagoenez joaterik ez du izango.

31 Urria 2013

Bera Bera Eskubaloiak markagailuak adierazten duena baino gehiago lan egin behar izan du gaur ilunabarrean Castelldefelsen irabazteko, izan ere, partidari heltzea kostatu zaio eta behin egin duenean Ana Tempranoren txartel gorriarekin gehiegi konplikatu da. Atezainak kontraerasoa mozteko pista erdira irten da eta Castelldefelseko jokalari batekin topo egin duenez epaileek kanporatu dute. Sara Gilek gola sartu du eta kataluniarrek berdinketa lortu dute atsedenaldian (11-11).
Halere, gertaera honek taldea pizteko balio izan du eta bigarren zatian Maria Akuña atezain gaztea babesteko jomuga eginez 0-6 partziala ezarri du Adriana Castro, Ederra eta Pinedoren golei esker. Gipuzkoarren defentsak Castelldefelsen erasoan hiru baloi galtzea eragin du eta Maria Akuñan hiru geldiketa egin ditu, Sara Gil jokalariari penalti bat barne.
Bera Berak konzentraturik zegoen eraso posizionalean eta asmatu egin du, 19 gol lortuz bigarren zatian, Adriana Castro ondo bilatuz –zazpi gol-. Eta defentsan behin galdu du konzentrazioa Castelldefels gerturatuz (16-18) bigarren zatiko hamargarren minutua pasaturik. Halere, beste 1-4 partziala Pinedo eta Castrori esker (17-22) arnasa eman die donostiarrei tartea oso ondo kudeatu duena amaierara arte.
Izan ere lehenengo zatian Bera Berak ez du defentsan asmatu eta Tempranoren geldiketei esker eutsi dio markagailuari. Amaieran 0-3 partziala, Núñez, Ziarsolo eta Elorza jokalarien golei esker aurretik jarri da baina azken minutuan partida berdintzeko aukera eman dio.
Ondorioz, helburu beteta, bi puntu gehiago, Bera Berak ligako hasiera onena lortu du jokaturiko zazpi norgehiagokak irabazita eta orain, Norvegiako bidaiari heltzeko txipa aldatu beharra dago.

E. Castelldefels 24, Bera Bera 30

E. Castelldefels 24 (11+13): Lladro, Gil (6, 3p), Manaut (8), Boada (5), Sans (2), Poo (2) eta Cadens –titular- Royo, Espinola, Sancho, Toro eta Alfaro (1).

Bera Bera: 30 (11+19): Temprano, Etxeberria, Menéndez (3), Núñez (1), Elorza (3), Dunay (1) eta Pinedo (7, 1p) –titular- Ziarsolo (5), Arizaga (1), Akuña (o.a.), Castro (7, 2p), Ederra (2) eta Arrojeria.

Epaileak: Jordi Ausas eta Miquel Florenza (Catalunya) Kanporatuak: Boada eta Gil Castelldefelsetik eta Arizaga eta Elorza Bera Beratik. Tempranori txartel gorria 29. minutuan.
Partzialak: 1-2, 4-4, 6-6, 9-8, 9-10, 11-11 –atsedenaldian- 11-14, 14-17, 17-21, 21-25, 22-28 eta 24-30.

30 Urria 2013

2014ko Eurokopako sailkatze faseko bi partida jokatu den asteak Ana Martínezen ezker sorbaldan lesioa ekarri du eta Eli Pinedo eta Patri Elorzarentzat, nekea. Gainontzekoek astean zehar entrenatu dute eta asteburuan atsedena hartu. Espainiako selekzioak 2014ko abenduan Kroazian eta Hungarian ospatuko den Eurokoparako sailkapena bideratu du, Bera Bera, aldiz, 24 egunetan zazpi partidei heltzeko prestatzen ari da, Champions Leagueko hiru eta Ligako lau, alegia. Bera Berak astean bi norgehiagoka izango ditu datozen 18 egunetan. Aurrena, bihar 20etan, Castelldefelsen, Can Vinader kiroldegian ((Jordi Ausas eta Miquel Florenza, Catalunya). Horretarako goizeko 10etan aterako da autobusez Bidebietatik. Aurrean Esportiu Castelldefels, bi partida irabazi dituen taldea, Córdoban eta Zuazori etxean. Kataluniarrek asko aldatu dute taldea baina Elxera joan den Ivet Musons izan ezik, iazko oinarria mantendu dute. Ana Martínez –erresonantzia egingo diote arratsaldean-, Yamiley eta Cuña jokalarien bajekin, Bera Berak harrobiari helduko dio eta Uxue Ezkurdiak deialdiak osatuko ditu, biharkoa eta Larviken aurkako Champions Leagueko partidakoa (larunbatean, 19,30etan). Bertan izango dira Adriana Castro, Brasiletik itzulita, Maitane Etxeberria eta María Akuña. Bera Berak Castelldefelsen geldituko da eta Bartzelonako El Praten Oslora hegazkinez egingo du bidaia ostiralean 13etan. Norvegiako kapitaletik Larvik herrira autobusez bi orduko bidaia faltako zaio eta partida egunean, larunbat eguardian, entrenatuko da. Europako azpitxapeldunen aurkako Championseko norgehiagoka ostean, Bera Berak Bidebietan Elche Mustang hartuko du azaroaren 7an, ostegunean (19etan). Larunbatean Mazedoniara egingo du bidaia igandean Vardarren aurka jokatzeko; Bidebietan Valladolideko Aula Cultural Viveros Herol izango du aurrean azaroaren 13an asteazkena (19,30etan) eta Gaskan Kroaziako Prodavka Vegeta azaroaren 17an, igandean (12,15etan) eta Serbiako Mundialak eragingo duen etenaldi iritsi aurrekik Etxeberrin Kukullaga izango da aurkaria.

29 Urria 2013

Larunbatean gertatu zen Pescaran, 2014ko Eurokopa sailkatze faseko bigarren jardunaldian. Defentsako jokaldi batean Ana Martinez saiatu zen aurkari italiarra heltzen eta bere ezker besoa kateatuta gelditu zen, “sorbalda atera zela antzeman nuen eta mina izugarri handia”. Espainiako selekzioko medikuen arabera sorbaldan luxazioa omen dauka eta lesioa konfirmatze aldera bihar asteazkena 12,30etan Gipuzkoa Poliklinikan erresonantzia egingo diote Bera Berako jokalariari.