Izan ere, jokalariek partida osoan zehar emandako irudia azpimarratu dute kronika guztietan. “Bera Berak Vardar estutu du” da Juan Carlos Elorzaren titularra Garan; El Diario Vascoko azalean eta Xabi Galartzaren kronikan Bera Berak lehiaketak finkatzen duen “mailara iritsi dela”aipatzen da eta Eli Pinedoren argazki bati eskaintzen dio Kiroletako gehigarriko azala “sensatzio onak” adieraziz.
Noticias de Gipuzkoa eta Mundo Deportivok ere partiden aipamenak jaso zituzten azaletan. NGn Néstor Rodríguezen titularrak dio “Championsak ezagutu du Bera Bera” eta Iñaki Urbistondok, MDPn, “Harro egoteko debuta”.
Bestetik, Óscar Badallok Marcan “Bera Berak sensatzio onak utzi ditu etxean galdu arren”.
Kazetariek Vardar indartsuaren aurrean Bera Berak aurpegia eman zuela azpimarratu dute. Mazedoniako taldeak aurreneko fasea jokatu behar izan duen multzoen fasean egon ahal izateko eta, besteak beste, Zoqbi, Bea Fernández, Marta Mange jokalarien Fleury taldea mendean hartu zuen Italian (25-33). Gipuzkoarrek defentsan egindako lana goraipatu zuten komunikabideek eta galdu arren Championseko lehen partidak berretsi duela Bera Beraren apustua.
Imanol Álvarezk berak jokalarien lanarekin harro zegoela adierazi zuen partida ostean eta horrek taldearengan suposatuko lioken bultzakada aipatu zuen.
Orain, aldiz, Valentzian jarri ditu begiak, ostegunean Ligako partida baitago.
Argazkia: Juan Antonio Garaikoetxea.
Ezker alboko jokolariak “Ligako partida guztiak eta Superkopako finala irabazi ostean taldea konfidantzarekin dago” eta Europako maila goreneko txapelketaren aurrean “gogo eta ilusio ikaragarriak dira batez ere etxean aurpegia emateko”.
Bere ustez, “gure jokua oso ondo eginez gero partida onak egiteko aukera izango dugu”. Ziarsolok onartzen du “ez gara faboritoak partida bakar batean ere, halere, zailtasunaren aurrean motibazioa handia da”.
Biharko aurkaria, Mazedoniako Vardar, sei herrietako jokalariak osaturiko talde indartsua da, halere, kapitainak dio “erronka zailei heltzeko gogoa dugu” “Guretzako beste multzo bat egokiagoa izan zitekeen, halere Championsen ez daude aurkari errazak eta zalegoei Munduko jokalari onenetarikoak Donostian ikustea ilusioa egiten diela ulertzen dugu” azpimarratzen du.
Championsa jokatzea ea ametsa den galdetuta, Ziarsolok baieztatu zuen. “Bai, Liga irabazi ostean, klubarentzat eta jokalarientzat ametsa da”. Horregatik, “irol zalegoarei bihar Gascara (12.15etan) joatea dei egiten du “gozatzera, partida ezberdina izango delako eta gu ikustea lehiaketa gorenean”.
Izan ere, 20etatik aurrera, Orma Infraestructuras para eventos enpresaren langileek bihar partida jokatuko den pista jartzeari ekingo diote. Eusko Jaurlaritzak lagunduta, Itxakori erositako pistak luzeran 20 metro eta zabalean 1,5m, dituen 24 bobina ditu eta beste lau metro bateko zabalekoa, 40 x 20 laukizuzena osatuz. Pistak inguruan marko beltza modukoa izango du.
Gainera, Bera Berak interneteko konexioa bermatu behar du, Telefonicak egin duena eta leku zehatzak identifikatu, besteak beste, prensa aretoa, VIP gunea partida ikusteko eta beste gune bat partida aurretik eta ostean luntxa eskaintzeko.
Partidari begira, komunikabideak, agintariak, gonbidatuak, argazkilariak, kamarak eta pistan egon behar diren pertsonak identifikatu behar ditu. Eta gutxi gorabehera partida hasi baino 15 minutu lehenago Champioseko soinupean norgehiagoka eta taldeak aurkezteko zeremonia hasiko da. Ondorioz, zalegoari ordu horretako eserita egotea eskatzen dio Bera Berak. Eta ez da faltako Imanol Reformasei esker bizikleta baten zozketa.
Dena kontrolpean egon dadin, Bera Berak enpresa ezberdinen kolaborazioa izan du, Orma eta Telefonicaz gain, aurkari guztiak Hotel Barceló Costa Vascak hartuko ditu; Autocentro Igarak kotxeak eskaintzen ditu; Autocares David Vardarren bidaiez arduratzen da eta era berean, Lankorpek eta Eroski Bidaiak. Eskerrik asko! guztiei.
