José Antonio Pradesek zuzentzen duen taldeak garaipen guztiak eskuratu ditu etxetik at (Canyamelar 31-35, Adesal 21-22 eta Castelldefels 23-29), iaz punturik galdu ez zuen Carrusean, aldiz, bi partida galdu ditu gol bakar batez izan baziren ere, aurrenekoa Helvetia Alcobendasen aurrean eta azkenekoa Mecalia Atlético Guardés aurka. Elxetarrek Mar Alicante eta Cleba León gainditu dituzte etxean.
Iazko taldearekin konparatuz gero baja dira Popovic, Andrea Segarra, Beatriz Morales eta Bera Beran den Ana Martínez. Eta fitxatu dituen jokalari garrantzitsuenak Castelldefelsetik etorritako Ivet Musons eta Eldatik, Alicia Requena dira.
Elxetarrek ez dute inoiz Donostian Bera Bera gainditu, hau da, 14 partida galdu dituzte, ondorioz gipuzkoarrek marka horri eutsi nahiko diote. Castelldefelsen garaipena lortu ostean eta Championsen Larviken irudi ona eman eta gero, aurkari zuzenak ahalik eta atzean utzi nahi ditu Bera Berak. Izan ere, Elcheren porrota Carrusean eta Helvetia Alcobendasen berdinketa Porriñon albiste onak izan ziren lehengo larunbatean.
Horretarako, gaur arratsaldean burutuko den entrenaldian erabakiko da Imanol Álvarezen deialdia. Antza, lehengo astean eraman zituen jokalariak izango dira bihar Bidebietan, horien artean, María Akuña, Maitane Etxeberrria, Esther Arrojeria eta Uxue Ezkurdia. Ana Martinez jokalariari egin zioten erresonantziak lesioa ezker sorbaldan baieztatu du eta ebakuntzatik gertu egon daiteke elxetarra.
Bera Berako harrobiko taldeen partida bakarra izan zen. Juan Antonio Garaikoetxearen argazkian Nahia Mujika. Ikus Bera Bera Senior argazkiak.
Fitxa: Egia 16, Bera Bera 32:
Bera Bera: Udane Rodríguez, Zabala, Alonso (1), González (1), Arellano (3), Valle, Mujika (2), Husillos (3), Errekondo (9), Lasa (2), Sarasola (2), Ramón (9) eta De Goikoetxea.
Taldea osatu eta gero antzeman zenean, lau partida hauetan lidergoan diren bi taldearen nagusitasuna nabarian gelditu da. Hurrengo jardunaldian -bostgarrena-, Bera Berak Vardar bisitatuko du, gol bakar batez líder dena; Prodavka Vegetak aldiz Larvik hartuko du, igandean, hilak 10, arratsaldeko 6etan izango dira bi partidak.
Ondorioz, Europan jarraitzeko, kasu honetan Cup Winners’ Cup delakoan 2014ko otsailean, pentsa daiteke Bera Berak Prodavka Vegeta 12 golez gainditu beharko du Gaskan azaroaren 17an, igande honetan bi taldeek emaitza bera lortuz gero.
Etxean bi partida jokatu ostean eta beste horrenbeste etxetik at, gipuzkoarren zenbakiak defentsak eta atepean azpimarragarriak dira. D multzoan aritu arren, Larvik eta Vardar talde indartsuekin batera, eta birritan Europako azpitxapeldunen aurka jokatu ostean, lau norgehiagoketan ez da aurkaririk 30 goletara iritsi.
Partidako bataz beste, 27 golekoa da, hau da, 108 gol jasota, donostiarrek sei taldeen zenbakiak hobetzen dituzte: Thüringer, Baia Mare, Lublin, Savehof, Leipzig eta Prodavka Vegeta; Hyporekin berdinduta eta ez oso urruti Hungariako FTC (106) edo Frantziako Metz (102). Erreferentzia jartzekotan, Kroaziako Prodavkak Larviken aurrean 34 gol jaso zituen eta Vardarren aurka, 39 eta 35.
Halere, Europako goreneko lehiaketa jokatzea antzematen da eta asko eraso jokoan. Aurkariek jarritako oztopoaz gain, Bera Beraren baliabide urriak azalean gelditu dira eta, ezin ukatu, area batea edo bestean epailean irizpide ezberdinak jasan izan dituzte. Horrela, Bera Bera da Championsen gol gutxien sartu duen taldea, partidako 19 gol baino gutxiago. Matxalen Ziarsolo (19), Eli Pinedo (17), Patri Elorza (12) eta Alba Menéndez (11) dira golegile nagusienak.
2011tik Ole Gustav Gjekstadek zuzentzen duen taldeak Champions League du helburu, bere Liga aise menperatzen duelako. Halere, datorren asteazkenean egun Byasen liderra hartuko du Arena Larviken. Izan ere, 15 urtez Norvegiako txapelduna izan da Larvik, 2000. urtez geroztik behin baino ez dio liga ihes egin eta hurrengo denboraldian, hau da, 2004-05ean Cup Winners’ Cup delakoa irabazi zuen.
Aktibazioa
Larvikera egindako bidaia ostean, hiru orduko hegaldia Bartzelona-Oslo eta beste bi autobusez, Bera Bera 19,30etan iritsi da bertara eta afaldu aurretik hotelaren inguruan bueltatxo bat egin du taldeak eta aktibazio ariketak. Imanol Álvarezek bihar goizean hitzaldia emango du eta eguardian entrenatuko dira Arena Larviken Europako azpitxapeldunaren aurkako partida prestatze aldera, 19,30etan (Bojan Lah eta David Sok, Eslovenia) hasiko dena eta EHF TVren bitartez ikusterik izango dena.
Castelldefelsen landu zuen garaipena ostean iritsi da Bera Bera eta lehiaketa hau eta bereziki partida hau ikasgai bezala hartzeko asmoarekin.
