14 Azaroa 2013

Bera Berak Poloniako Vistal Laczpol Gdynia taldearen aurkako iraulketa historikoa lortu baino ordu batzuk lehenago, Cup Winners’ Cup lehiaketa berean, 2013ko otsailaren 9an, larunbatean, Koprivnican Prodavka Vegetak Vaci taldearen aurrean lorturiko zortzi goleko aldea (23-15) xahutu zuen Hungarian final-zortzirenetatik kanporatua izanda (29-19). Halere, Bera Bera gutxienez 11 goleko abantaila lortu behar du igandean multzoko hirugarren gelditzeko eta ondorioz 2014ko otsailean Cup Winners’ Cupean aritzeko. Kroaziarrek 18 gol baino gehiago sartuz gero, orduan 12 goleko aldea beharko lukete gipuzkoarrek. 2013an Prodavka Vegetan etxetik kanpo aise galdu ditu Europan jokaturiko partidak. Hungariako Vacik hamar goleko aldeaz gain, aurtengo Champions Leagueko multzoan kroaziarrek Larviken aurrean 34-18 galdu zuten eta Skopjen Vardarrekin 39-26. Koprivnican gipuzkoarren 29-18 galdu zutenez arestian agertzen diren bi emaitzak baliagarriak izango lirateke Europan jarraitzeko. Erronka ez da batere erraza, baikor izateko moduan dago Championsen gol gehien jasotzen duen bigarren taldea dela Prodavka, bataz beste partidako 30, baina zuhurtziaz jokatuz gero, onartu behar da Bera Bera irailatik hona lau partidetan baino ez da zenbaki horietara iritsi. Hiru aldiz laugarren eta behin hirugarren 1996an txapeldun, Prodavka Vegeta taldeak eskarmentua handia du Champions Leaguen, izan ere, multzoen fasean 2005-06 denboralditik darama jarraian, azkeneko lau urtetan Main Round delako fasera edo hirugarren gelditzeko lehian aritu delarik. Iaz, hiru partida irabazi arren, Prodavka hirugarren sailkatu zen hiru gol falta izan ziolako Krim Main Roundetik kanpo uzteko. Eslovenian 28-22 galdu zuen azken jardunaldian Kroazian 25-22 irabazi zuenean. Horregatik otsailean Cup Winners’ Cupera pasatu zen. Championsen egindako azken hiru denboraldiko ibilbideari erreparatuz gero, kroaziarren posizioa laugarren izan da. 2009-10 denboraldian lau puntu eskuratu zuen, etxetik kanpo partida guztiak galdu zituen hiru, hamaika eta hamar goleko aldearekin. 10-11 denboraldian, bi puntu urratu arren, oso maila ona eman zuen etxetik kanpo Györi (27-25), Zvezda (29-26) eta Krimen aurka (26-22), eta 11-12 denboraldian partida bat irabazi zuen eta bi berdindu, Danimarkan eta Eslovenian, Viborg eta berriro ere Krimen aurka. Larvik eta Vardar multzo berean, Prodavka Vegeta Koprivnican Bera Beraren aurkako partidaren garrantziaz ohartu zen, izan ere, abantaila oparoa izan arren, Maitane Etxeberriak azken segunduan lorturiko gola asko protestatu zuten Ukraniako epaileen hasierako erabakia atzera botaraziz. Donostian, bi porrot Kroaziarrek Donostiara egindako bi bisitaldietan, EHFn biak, porrotak jasan dituzte. 2003-04 denboraldian, Bera Berak joanekoan 34-27 galdu zuen Kroazian eta gol bakar batez irabazi zion Donostian (32-31) eta 05-06 denboraldian donostiarrak hiru goleko abantailarekin agertu ziren Koprivnican baina ez zen nahikoa izan (35-26). Atzoko garaipena ostean, Bera Berako plantillak atsedena du gaur, bihar eta etzi entrenatuko da Champions Leagueko azken partida prestatze aldera, paper duina egin ostean gutxienez garaipen batekik amaitu nahi du Europako goreneko txapelketan izandako aurreneko partaidetza.

13 Azaroa 2013

Valladolideko Aula Cultural Viveros Herol taldea hartuko du Bera Berak gaur arratsaldean (19,30etan) Bidebietan, ondorioz, 2013ko azken partida etxean Ligan eta urte honetako partida guztiak irabazteko aukera. Izan ere, aurten Ligako denboraldian zortzi partida irabazi zituen eta irailetik hona, beste lau, zenbaki joku bati helduz, 2013an Bera Berak jokaturiko 13 partidaetatik 13 garaipenetara iritsiko da azaroaren 13an. Bera Berak ez du Bidebietan galtzen 2012ko urtarrilaren 31tik, Itxakok 26-27 irabazi zuenean bigarren itzuliko bigarren jardunaldian lidergoa berretsiz. Etxeko talde bezala, donostiarrek azpitxapelduna lortu zuten denboraldian 2012. urtean zortzi partida irabazi zituzten, Itxakori Superkopa irailean, Liga eskuratu zuen 12-13 denboraldiko beste lau –norgehiagoka bat Gaskan jokatu zen- eta Cup Winners’ Cupeko hirugarren txandako itzulerako partida Errumaniako Danubius Galatiren aurka (bezperan Gascan jokatu zen joaneako), hau da, 2012au Bidebietan jokaturik 14 partidetatik, 13 irabazi zituen Bera Berak. Ligako 9. jardunaldia Irailaren 4tik hona Bera Berak 14 partida ofizialak jokatu dituen arren, ez du zalantzaetarako betarik utzi gaur arratsaldean eta partidari zuzen helduko dio Valladolideko igo berri den taldearen aurka. Eskubaloi polita egiten ari den Aula Cultural Viveros Heral taldeak bi partida irabazi ditu (Leonen eta azkena etxean Castelldefelsen aurka), beste bi berdinketa Valladoliden (Canyamelar y Zuazo) eta gol bakar batez Mecalia Guardésen aurka galdu du etxean eta kanpoan Rocasa, Porriño eta Adesal Córdoba taldeen aurrean. Imanol Álvarezek atzo atsedena eman zuen, gaur goizean taldeak ordubeteko saioa egin du eta arratsaldean Adesal, Castelldefels eta Elcheren aurka agertu ziren zalantzak uxatu nahi ditu. Horretarako, prest dira azken deialdiak osatu dituzten jokalariak. Bestetik, selekzioak deituta Aula Culturalean txiletarrak dira baja, Alicia Torres pibotea eta Verónica Torres zentrala. Erreferentzia moduan dira Clebatik datorren Raquel de la Cruz, Amaia González eta Isabel Calderón alboko golegileak eta Ana Vergara pibotea.

12 Azaroa 2013

Bera Berarentzat zortzigarren jardunaldia oparoa izan da. Sailkapenean diren bost talde onenetarikoetatik lauk elkarren aurka jokatzen zuten eta etxekoak nagusi gertatu ziren, asteazkenean Mecalia Atlético Guardesek Rocasa aise mendean hartu zuen (33-23) eta donostiarrek asko sufritu zuten Elche gainditzeko (21-20) ikus partida osoa.
Emaitza hauei esker, galiziarrak bigarren kokatu dira 12 puntuekin –balizko Kopako zozketarako, lehenengo itzuli amaieran osatuko dena, zerrendaburu izango lirateke-. Rocasa hirugarren da puntu berekin eta Elche Mustang bostgarren 10 puntuekin.
Gorenean diren taldeetatik, Helvetia Alcobendas falta da zortzigarren jardunaldia osatzeko, azaroaren 30ean hartuko baitu Canyamelar Valencia taldea Pabellon de los Sueños kiroldegian, ondorioz, irabaziz gero 13 puntuekin bigarrenak jarriko lirateke madrildarrak, asteburuan Suedian EHFtik kanporatuak izan direnak. Bera Bera puntu guztien jabe egin denez, egun bigarren sailkatua lau puntutara du baina birtualki hiru lirateke.

Jardunaldiak Porriñoren porrotak ekarri zuen larunbatean eta, ondorioz, Mar Alicanteren lehen garaipena, galizarrek sailkapenean Elche aurreratzeko aukera galduz. Helvetia Alcobendas eta Canyamelar Valencia partidaren faltan, azkeneko Kopako edizioan aritu ziren taldeak izago lirateke egun ere bai.

Atzo hegazkinetik jaitsi eta bihar 9. jardunaldiko bi partida aurreratuko dira Europako lehiaketak direla eta. Batetik Bidebietan jokatu da Bera Bera eta Valladolideko Aula Cultural Viveros Heral taldeen arteko partida 19,30etan (Álvaro Ruiz eta David Zapico, asturiarrak) eta Elche Mustang taldeak, Rocasa 20,30etan Carrúsean. Bestetik, Zuazok Mecalia Guardés hartuko du azaroaren 20an Lasesarren 20etan.

11 Azaroa 2013

Harrobiko taldeen asteburuko emaitzen aipagarriena Bera Bera senior taldearen garaipena izan da. Bidebietan Errenteriako Ereintza gainditu zuten (25-23) eta Maria Graciaren taldeak lidergoan jarraitzen du Usurbilekin batera. Elgoibarrera egindako bidaietan puntu bat, izan ere, Bera Bera jubenil taldeak berdinketa lortu zuen Astigarraga Gys Sport taldearen aurka, kadetak aldiz, 23-8 galdu zuten Tecnifuelle Elgoibarren aurrean. Lurraldeko kadetean, Bera Berak Urnieta Bosteko Jatetxearen aurka 30-23 galdu zuen. Fitxa Bera Bera Senior: Udane Rodríguez, Zabala, Alonso, González (1), Oiarbide, Valle (7), Mujika (3), Lizarbe (7), Husillos (5), Sarasola, Ramón (2), Arellano y Lasa.