Azkeneko bost denboraldietan Championsen debuta egin dutenen taldeen ibilbideari erreparatu ostean, Bera Bera ondo moldatu da. Taldearen sensatzioa da guztia eman duela, batez ere defentsako zereginetan bikain aritu dela, izan ere, fase honetako talde erdiak –zortzi- Bera Berak baino gol gehiago jaso dituzte. Eta atzoko Podravkaren aurkako partidak zapore ona utzi du lehiaketa hau uzterakoan.
Mazedoniako Vardar, Errumaiako Baia Mare, Poloniako MKS Selgros Lublin eta Bera Bera izan dira aurten debuta egin duten taldeak. Vardar indartsu zela frogatu zuen Donostian, multzoko liderra, partidarik galdu ez duena eta azken jardunaldian Larvik gainditu duena Norvegian. Azkeneko bost denboraldietan debuta egin dutenen artean Main Round delakora pasa den taldea bakarra da Mazedoniakoa.
Gainontzeko taldeak Europatik at gelditu dira. Baia Marek gertu ibili arren. Bi garaipen lortu ditu Hypo eta Thüringerren aurrean, gol bakar batez, eta austriarrak eta alemaniarrekin batera launa puntu eskuratu arren laugarren gelditu dira errumaniarrak. Poloniarrak, aldiz, ez dute punturik urratu eta donostiarrei hiru gol falta izan zaie.
Izan ere, debuta egiten duten taldeentzako ez da batera erraza punturik lortzea. 2012-13 denboraldian, Errumaniako Universidad Jolidon Cluj taldeak ez zuen punturik eskuratu, ezta Buxtehuder alemaniarrak 11-12 denboraldian, non Thüringerrek –bihar Main Round zozketan- berdinketa bakarra lortu zuen Championseko multzoen fase honetan.
Frantziako Toulon Saint Cyr Var Handball taldea da azkeneko bost denboraldietan, Vardarrekin batera, Europan jarraitzea lortu zuen bakarra, Cup Winners Cup delakoan, hirugarrena gelditu baitzen. Denboraldi berean hungariako Debrecen hiriko DUSC Korvex taldeak Hypo baino ez zuen gainditu.
Eta Itxakok multzoen fasean egin zuen debutean, 09-10 denboraldian, hiru puntu eskuratu arren, Europatik kanpo gelditu zen.
Ondorioz, atzoko garaipena ondo baino hobeto baloratu behar da eta orokorrean gipuzkoarrek Championsen egindako ibilbidea.
36 golekin, izarrek baino ez dute Ziarsolo gainditu, hauen artean, Alexandra Do Nacimiento (50 gol, Hypo), Tomori (38, FTC), Bulatovic eta Görbicz (37, Györi) eta berdindu du Thüringerreko Frey –iaz Bera Berak sufritu zuena- eta Suediako Savehöf taldeko Olden jokalariekin. Maila handiko Nora Mörk, Barbosa, Petrovic edo Lekic jokalarien aurretik dago kapitainak. Championseko golegileak
Atzoko partidan Ziarsolok bederatzi gol egin zituen eta penaltiz jaurtitutako zazpiak, Milenkovic eta Kapitanovic Podravkako atezainen etsipenerako. Hortaz gain, esker hegalekoak bi aldiz zazpi gol sartu zizkion Vardarri, beste bost Podravkari Koprivnican eta Larviki bost Donostian eta hiru Norvegian.
Pinedo da Bera Berako bigarren golegile nagusiena (22), partida handiak egin dituen Elorzak 19 lortu dituz eta Alba Menéndezek, 16.
Aipatzekoa defentsan egindako lana, Elorza, Núñez, Menéndez eta Pinedo osaturiko ardatz nagusi bezala, Ederra eta Arizagaren laguntzaz eta Ziarsolo, Martínez –lesioa izan zuen arte-, Castro eta Etxeberria alboetan. Eta Ana Temprano atepean ahaztu gabe. Behin bakarrik aurkariak 30 goleara iritsi dira eta Mazedonian izan zen, batez beste 26 gol jaso ditu Bera Berak Europako goreneko txapelketan.
Argazkia: Juan Antonio Garaikoetxea
Imanol Álvarezek azpimarratzen du helburua “irabaztea dela, ez da gutxi eta ez da erraza izango 11 golez galdu baitgenuen aurkari horren aurrean eta Larvikek gutxigatik gainditu zuen”. Izan ere gol kopuru hori gainditu beharko du Bera Berak kasu honetan, Cup Winners’ Cup lehiaketara pasatu ahal izateko.
Ermuko entrenatzaileak dio “irabaztea komeni zaigu, Champions Leaguen parte hartzeaz gain, partida bat irabaztea Curriculumerako oso positiboa izango litzateke”. Europan jarraitzeko egin behar den balentriaz “ez dugu baztertuko, ez dakit komeni zaigun baina 12 golez irabazteko aukera baldin badugu ez dugu baloia kanpora botako”.
Hala eta guztiz ere, “aurkaria zaila izan arren” Imanol Álvarezek uste du “Larvik edo Vardarren aurka jokatzea baino aukera gehiago ditugu Prodavka gainditzeko eta hori izan behar da gure helburua”.
Jokalarien egoeraz galdeturik, “Championseko azken partida dela, Munduko txapelketa gorenean izan garela eta garaipen batekin utzi nahi dugula da egun pentsatzen duguna”. Partidaren inguruan aipatzen du “defentsa” gako gisa “orain arte egin duguna kanpoko jaurtiketa zainduz –Zivkovicek bederatzi gol egin zituen Koprivnican- baina Milanovic pibotea zainduz”. “Eta erasoan –jarraitzen du- Kroaziarren kontaktuak saihestu, jokuari jarraipena emanez”. Bere ustez “ondo defendatzen badugu, korrika egiteko aukera izango dugu eta mina emango diegu”.
Imanol Álvarezek “oso positibotzat” jotzen du “irabaztea, gol bakar batez bada ere” eta Championsetik “aho zapore on batekin ateratzeko non taldeak ondo erantzun duen” eta horregatik “animatu du Gascara etortzen eskubaloia gustoko duena eta orokorrean kirolzalea”.
