18 Urtarrila 2015

Bera Bera Eskubaloiak liga eskuratu nahi du. Gaur arratsaldean Bidebietan agerian utzi nahi hori, markagailuko partzial guztiak bereganatuz eta Rocasa gainditu du, gaur arte liderra eta hamar jardunaldietan puntu bakarra utzi duena. Partida arreta sortu du, emakumezkoen eskubaloiko ohorezko liga Bidebietara begira zegoen eta zalegoa bikain erantzun du, harmailak betez ia mila pertsona bilduz. Etxaburuk Kordoban hasi zuen zazpikotea jarri du pista: Temprano atepean, Arrojeria zuzentzen, Menéndez eta Martínez alboetan, Núñez pivotean eta Ziarsolo eta Etxeberria hegaletan. Elorzak usurbilgo zentrala ordezkatu du defentsan. Lujanek aurreneko gola sartu arren, Bera Beraren jokua nagusitu da, kontrolpean izan du lehia eta ondorioz, markagailua hasieratik, 4-1 Menéndez (2), Núñez eta Etxeberriaren golei esker. Rocasak berriro ere frogatu du donostiarren defentsa gainditzen lan neketza dela. Eta hori gaur Temprano bestetan eman duen maila ez duela eman. Arrojeriak oso jokaldi onak egin ditu eta Bera Berak, Núñezen gol bati esker tartea ireki du (7-3), Paco Santanaren hutsartea eraginez. Menendezen bigarren kanporatzea Etxabururi arazoak eman dizkio eta Azanza eta Pinedo sartu ditu pistan. Halere, Rocasa gol bakar batera gerturatu da 7-6 Elorzaren kanporaketaz baliatuz. Oinean faszitisa jasan arren Pinedo ez du partidarik galdu nahi izan. Etxaburuk ideiak argitu ditu hutsarte batekin eta bere taldeak 4-0 partziaka lortu du Arrojeria, Ziarsolo eta Pinedoren (2) bidez. Rocasak Lujan eta Almudena Rodríguez izan ditu golegile nagusienak. Etxeberria, Ederra eta Núñezek bost goleko aldea gauzatu dute atsedenaldian (13-8). Bigarren zatian, Bera Berak ondo baino hobeto kudeatzen jakin izan du bere abantaila nahiz eta Rocasa gertu izan. Elorzak bigarren kanporaketa ikusi du eta Almudena Rodríguez 15-12 ezarri du (38. min). Ziarsoloren gol batek eta Arrojeriaren alaitasunak arnasa eman diete taldeari eta Tempranok bere ohiko maila eman du. Martínezen golak, Ziarsoloren lapurketa eta gola eta Pinedoren beste bi garaipenak Bidebietatik ez zuela ihes egingo azpimarratu dute. Partidaren garrantzia handia zen eta azken minutuan agerian gelditu da, bi entrenatzaileek hutsarte bana eskaini dituztelako. Hortaz, Bera Berak kolpea eman du, lidergoa berreskuratu du kanariarrekin berdinduta izan arren eta bost goleko aldea du gol average delakoari begira. Bera Bera 25 (13+12): Temprano, Ziarsolo (4), Menéndez (2), Arrojeria (3), Martínez (2), Núñez (4) eta Etxeberria (3) –titular- Elorza, Azanza (1), Pinedo (5) y Ederra (1). Deialdian: Arizaga, Ezkurdia eta Zugarrondo (o.a.). Rocasa 20 (8+12): Navarro, Melania (3), Rodríguez (6), Luján (6, 5p), Davinia (1), Haridian (1) eta Trojaola (1) –titular- Albaladejo, María González (1) eta Toscano. Epaileak: Ignacio García eta Andreu Marín (Catalunya) Kanporatuak: Menéndez (2), Elorza (2), Arrojeria eta Azanza (2) Bera Beratik eta Davinia López (2) Rocasatik. Partzialak: 3-1, 5-3, 7-4, 7-6, 10-6, 13-8 –atsedenaldia- 14-9, 16-12, 18-14, 19-14, 22-17 eta 25-20 Gertaerak: Elorza, Núñez, Pinedo, Temprano eta Navarro nternazionala omendu ditu Bera Berak partida atarian.

17 Urtarrila 2015

Iritsi da eguna. Eurokopak, Gabonetako oporraldiak eta Kopako kanporaketak eragindako etenaldia pasaturik, emakumezkoen eskubaloi liga egutegian sartu da berriro partidarik ikusgarrienetariko batekin gainera, non liderra bigarren sailkatuaren pista bisitatuko duen, hau da, Rocasa Bidebietan izango da 19etatik aurrera (Ignacio García eta Andreu Marín, Catalunya). Bi puntuen aldeko tartearekin, donostiarren garaipenak lidergoan kokatu lirateke etxekoak, liga gehiago estutu lehenengo itzulia amaitzeko bi jardunaldi falta direnean. Partidarako, Aitor Etxaburuk Maialen Múgicaren baja dauka eta Eli Pinedo partaidetza azken unera arte kolokan egongo da. Zarauztarrak belauna bihurritu zuen eta internazionalak oinean faszitis delakoa jasatzen ari da. Halere partidaren garrantziaz kontutan izan da Pinedok akaso arriskatuko du. Rocasan, berriz, Arabia Peña hegalekoaren baja da azpimarragarriena. Norgehiagokak arreta piztu du, Espainiako Federazioko web orrialdean eskainiko da zuzenean partida eta Eurokopaz geroztik ligan aritzen diren sei jokalarietatik bost elkartuko dira gaur: Bera Berako Eli Pinedo, Patri Elorza, María Núñez eta Ana Temprano eta Rocasako atezain Silvia Navarro.

16 Urtarrila 2015

Ohorezko mailako partida garrantzitsua ezin ezik, non Bera Berak Rocasa liderra Bidebietan hartuko duen bihar larunbata 19etan, harrobiko talde gehienek igandean jokatuko dute, mutilen infantil eta lurraldeko kadete taldeak izan ezik. Mutilek Hondarribiko Hondartza arituko dira Ama Guadalupe taldearen aurka eta kadete taldeak Gasteizera egingo du bidaia non Sansomendi kiroldegian Carpintería Baskongadas taldearen aurka jokatzeko.
Igandean, berriz, sortu berri den alebin taldeak debuta egingo du. Hernanin izango da, 9,30etan Hernani ETren aurka.
Eta euskal ligan, Bidebietan bata bestearen atzetik. Bera Bera kadete taldeak 9,20ean Aiala ZKE hartuko du, jubenilen txanda 11etan izango da klub bereko taldearen aurka eta senior taldeak lidergoa eskura izango du 12,30etan Usurbil gaindituta.

15 Urtarrila 2015

Bera Berako plantilla erdiak indarrak berritu ditu Bidebietan larunbatean (19etan) Rocasa liderraren aurka garrantzi handiko partidari bergira. Kanariarrak bi puntuko aldearekin iritsiko baitira Donostiara. Gesalagan ikusi eta dastaturiko produktuaren kalitatea arabera Bera Berak partida bere esparrra eramango luke baina, eskubaloian beste ezaugarriek kontutan hartu behar dira eta Bidebietan horiei erreparatu behar zaie. Zarauzko Abendaño industrialdean kokaturik, 33 urteko empresa familiarra da Gesalaga, Bera Berako kamisetaran ezker besoan jarri duena bere irudia. Jose Luis Gesalaga gerenteak enpresaren ezaugarri nagusienak azaldu ditu: elikagai artesanalak egiten dituena (kroketak, bakailua pil pil erara) eta txarkuteria eta haragikia egin eta banatzen dituena. Bera Beraren aldetik izan dira, Tati Garmendia eskubaloiko arduraduna, Aitor Etxaburu entrenatzailea eta Matxalen Ziarsolo, Eli Pinedo, Patri Elorza, María Núñez, Silvia Ederra, Ana Temprano eta Maialen Múgica jokalariak. José Luisekin batera, Txuleta Jatetxeko Ander Esarte kolaboratzailea izan da eta dastatzeko produktuak sukaldatu dituena. I+G+b gelan, non enpresan produktu berriak frogatzen dituen merkatuari eskaini aurretik, atarikoa egin ostean, José Luis Gesalagak azaldu ditu prozesu ezberdinak, lehengaien sarrera, bide ezberdinak haragia eta gainontzekoak, eta funtsezko trazabilitatea ziurtatuz produktu bakoitzari jarraipena bermatuz. Irudiarekin bat etorriz, Gesalagak prozesu ezberdinak koloretan identifikatzen ditu: zatiketa, sukaldea, txarkuteria eta etiketatu. Gesalagak harategietan, jatetxeetan eta supermerkatuetan banatzen ditu bere produktuak, batez ere estatu mailan eta gerenteak hainbat aholku eskaini die Bera Berako jokalari zein entrenatzaileari produktuen kalitatea antzemateko. Bisita ostean, I+G+b gelan dastaketa iritsi da: txipiroi eta txuleta kroketak, txistorra eta eguneko platera, idi txuletoiak bisitarien gozamenerako. Ez da hain ohikoa baina idi txuleta Ander Esarteren Txuleta Jatetxeak eskainiko du datorren astean. Eta postrean, bertan nola egiten duten ikusi duten arrozesnea. Bera Berako kapitain Matxalen Ziarsolok José Luis Gesalagari taldeko kamiseta sinatuta oparitu dio, eskertu dio bisita eta larunbatean Rocasi aurre egiteko guztia ematera irtengo direla zin egin dio.