Bera Bera - Berriak

03 Otsaila 2015

Aurreneko aldia zen Bera Berantza Granollerseko Palau D’esports eta bertako KH7 BM Granollers 21-31 gainditu du.
Ohorezko mailako 14. Jardunaldia aurreratu da Bera Bera igandean Gaskan EHFko final-zortzirenetako joaneko partidari heldu behar diolako Turkiako Muratpasa Belediye taldearen aurrean.
Bera Berari kosta izan zaio Granollersen oreka hartzea. Batez ere lehenengo lerroari baina egin duenean geldiezina izan da. María Núñezek ederki asmatu du partida hasieran eta hiru golekin eta Ezkurdiaren beste batekin markagailuan 4-4 ezarri dute 8 . min. Hortik aurrera Bera Berak erasoan zazpi minutuetan asmatu ez duenez Etxaburuk hutsartea eskatu du. Onena zera zen Granollers 5-4 aurretik zegoela.
Matxalen Ziarsolok boladari amaiera jarri du eta ondoren lehenengo lerroak hartu du ardura, aurrena Martínezezk eta ostean Arrojeriak. María Núñezek asmatzen jarraitu du –lehenengo zatian, bost- eta Bera Bera aurreneko abantaila lortu du 2-6 partzialarekin (21. min, 7-10). Oraingo honetan José Luis Villanuevak partida gelditu du baina alferrik. Ziarsolo, Elorza, Arizaga (2), Arrojeria eta Ederra jokalarien golei esker 1-6 partziala erantzun dio Bera Berak eta atsedenaldian, 8-16.
Bigarren zatian, aurreneko hamar minutuetan golak eman dira ate batean eta bestean, bi taldeen arteko aldea mantenduz (39. min 12-20). Horren ostean, Ziarsolo eta batez ere Ana Martínez elxetarrak ardura hartu dute aldea mantentzeko (54. min, 18-27).
Ondorioz, bi puntu gehiago, etxetik kanpo zazpigarren garaipena –denboraldiko hamargarrena EHFko eta Kopakoak barne- eta bihar atsedena hartu ostean, hiru egun Turkiako txapeldunaren aurkako partida prestatzeko, igandean 12,15etan izango dena.

Argazkia: Xavier Solanas

Fitxa:
KH7 BM Granollers 21 (8+13): De la Torre, Dedieu (2), Pérez (3), González (6), Ausas (1), Vizuete (2), Sevilla, Poo (7), Moreno, Dopico, Jabby, Capdevilla, Tomas eta Ascaso (o.a.).
Bera Bera 31 (16+15): Temprano, Ziarsolo (5), Menéndez (2), Elorza (1), Núñez (7), Martínez (6) eta Ezkurdia (2) –titular- Arrojeria (3), Arizaga (3), Ederra (2) eta Zugarrondo (o.a.). Deialdian, Azanza.
Epaileak: Enric Escoda eta Roland Sánchez (Catalunya)
Kanporatuak: Pérez eta Villanueva (entrenatzailea) Granollersetik eta Martínez, Núñez, Ezkurdia eta Elorza (2) Bera Beratik.
Partzialak: 2-3, 5-4, 5-4, 7-8, 8-12, 8-16 –atsedenaldia- 10-18, 12-21, 13-25, 16-26, 18-27 eta 21-31

02 Otsaila 2015

Bilboko San Adrian auzoan asteburu honetan ospaturiko promozio fasean, Bera Bera jubenil taldeak jokaturiko hiru norgehiagokak irabazi ditu eta ondorioz Euskadiko txapelketan arituko da, gaur arratsaldean zozketa egingo delarik. Verónica Valverde entrenatzailearen jokalariek 29-19 gainditu zuten Eibar Eskubaloia ostiralean; larunbatean, 14-31 bertako San Adrian taldea eta igandean 23-25 Legazpiren aurka. Senior Bestetik, senior taldeak 31-18 irabazi zion Leizaran Eskubaloiari Bidebietan, lehengo larunbatean, jokaturiko partidan. Fasea amaitzeko hiru partida gelditzen direnean, Maria Graciaren taldeak hurrengo faserako txartela lortuta du.

01 Otsaila 2015

Bera Berak Bidebietan aurreneko itzuliari amaiera jarri dio garaipen berri batekin, oraingo honetan Carobels Cleba León taldearen aurrean (28-21), Rocasarekin batera lidergoan uzten duena eta ondorioz, bi talde hauek Kopako zozketan zerrenda buru izango dira. Bera Bera eguraldia bezala aritu da gaur, une askotan aurkaria ezerezean utziz, atera jaurtitzen ere uzten ez ziona, kontraerasora abiadura handiz irten da golak gauzatzen eta Ana Tempranok oso ondo itxi du bere atea. Halere beste unetan baloiak erraz galdu ditu, bere jokua alde batera utziz eta Carobels Cleba León taldeari erraztasunak eman dizkio. Partida hasieran ikusita, itxuraz Bera Berak beroketa saioa ondo burutu du, Leonek, aldiz, ez. Javi Callejo entrenatzaileak partida gelditu du bi minutu t’erdira, bere taldeak atera jaurti ez zuelako eta Bera Berak hiru gol sartu dizkiolako, Martínezek eta Ziarsolo eta Menéndez, kontraerasora. Leongo jokalariek erantzun dute eta 4-3 gerturatu dire Raquel Cañoren gol batekin. Horren ostean, donostiarrek 4-0 partziala sartu diote tartea berriro irekiz. Etxaburuk 6-0 defentsaren aldeko apustua berretsi du Elorza eta Núñez erdian, Menéndez eta Martínez ondoan eta Ziarsolo eta Ezkurdia hegaletan. Pinedo, Etxeberria eta Múgica baja ziren eta Azanza eserlekuan zen baina arriskatu gabe, hortaz, entrenatzaileak baliabide urriak zituen. Arrojeriak Elorza ordezkatu du erasoan. Hasiera eraginkorra ostean, Bera Berak baloiak galdu ditu eta Carobels Cleba León berriro gerturatu da 10-7. Taldeari arnasa emateko erasoan lehenengo lerro osoa eta Ziarsolo kendu ditu Etxaburuk baina hutsarte batean gauzak konpodu ziren eta lehenengo zatia 4-1 partzialarekin amaitu da, hortaz, 14-8. Tempranok ere lan bikaina egin du 19 geldiketekin. Bigarrenean, Zugarrondo atepean, Bera Berak mailari eutsi dio eta une batzuetan ondo jokatu du, Martínez eta Ezkurdiaren golei esker bikoiztu du Leon (41. min 20-10). Horrez ostean Raquel Cañok bere taldeko ardura hartu du eta zazpi gol lortu ditu, tartea murriztuz (28-21). Silvia Ederra pibote nafarraren gol batekin (23-14) ligan Bera Beraren 16.000 gola jarri du. Lehenengo itzulia amaiturik, Bera Berak segituan emango dio hasiera bigarrenari, izan ere, datorren asteartean Granollersen (20,30etan) arituko da KH7 Fraikin taldearen aurka, otsailaren 8an, igandean, Gaskan (12,15etan) EHFko final-zortzirenetako joanekoan Muratpasa Belediye turkiarra hartuko baitu. Fitxa: Bera Bera 28, Carobels Cleba León 21 Bera Bera 28 (14+14): Temprano, Ziarsolo (7, 2p), Menéndez (3), Arrojeria (2), Núñez (4), Martínez (3) eta Ezkurdia (4) –titular- Elorza (2), Ederra (3), Arizaga eta Zugarrondo (o.a.) Carobels Cleba León 21 (8+13): Cristina González, Marina González (1), Calvo (1), Ubillos (1), Viñuela, Roldán eta Caño (11, 1p) –titular- Méndez (3), Ellina, Karina Hippert (1), Ángel (2), Blanco (1), Lozano eta Palomino (o.a.). Epaileak: Sergio Elordui –euskalduna- eta Javier Gutiérrez –kantabriarra- Kanporakuak: Elorza Bera Beratik eta Calvo, Ángel (2) eta Viñuela Carobels Cleba Leonetik. Partzialak: 4-1, 5-3, 9-4, 10-7, 13-7, 14-8 –atsedenaldia- 17-9, 19-10, 21-14, 24-17, 26-19 eta 28-21

30 Urtarrila 2015

Gaur arratsaldean hasiko da Bilbon, Errekalde kiroldegian hasiko da asteburua. Bera Bera jubenil taldeak, Legazpi, San Adrian eta Eibar Eskubaloia promozio faseari ekingo diote euskal ligan jarraitzeko. Horrela, gaur Eibar Eskubaloia izango du aurrean 20,30etan, larunbatean 16,30etan San Adrian eta igandean amaiatuko du promozioa Legazpiren aurrean 10,.30etan.

Bestetik, senior taldeak ohorezko mailako Bera Bera vs Carobles Cleba León partida aurretik jokatuko du. 16etan izango da Leizaran Eskubaloiaren aurka.

Eta Gipuzkoako foru aldundiak agintuta alebin nahiz infantil mailako partidak bertan behera gelditu dira.

30 Urtarrila 2015

Bidebietan jarriko dio bihar amaiera Bera Berak aurreneko itzuliari, Carobels Cleba León taldea hartuz 19etan Sergio Elordui –euskalduna- eta Javier Gutiérrez –kantabriarra-), aurretik 16etan, senior taldea arituko Leizaran Eskubaloia taldearen aurrean.
Bera Berak datozen bi asteetan bost partida izango ditu aurrez aurre, EHFko kanporaketari heldu behar dio eta. Biharko partidaz gain, asteartean Granollersen arituko da (20,30etan), igandean 12,15etan Turkiako Muratpasa Belediye EHFko joanekoan, otsailaren 11n Bidebietan Adesal Córdoba hartuko du (20etan) eta Antalyara egingo du bidaia non otsailaren 14ean itzulera jokatuko du.
Carobels Cleba León taldeak azkeneko bi partidak berdindu ditu, 33-33 Zuazo Barakaldorekin eta 24-24 Canyamelar Valenciarekin, ondorioz, bi puntuko tartea ditu Adesal Córdobarekin eta hirukoa Castelldefelsekin, egung jaitsiera postuetan direnak. Clínicas Rincón Málaga eta KH7 Granollers taldeekin batera, Carobels Cleba Leonek sailkapenean sei puntu ditu.
Bestetik, Bera Bera bolada onari jarraipena eman nahi dio hiru baja izan arren: Eli Pinedo –oinean faszitis delakoarekin-, Maitane Etxeberria –aduktorean zuntz haustura- eta Maialen Múgica –belaunean bihurritua- eta Amaia Azanzaren Akilesen tendoian arazoak dituela. Horrela, Aitor Etxaburu ia hegaleko jokalaririk gabe gelditzen da.