Bera Bera - Berriak

22 Maiatza 2014

Donostiako alkate Juan Karlos Izagirre, Kiroletako zinegotzi Josu Ruiz eta Udaleko hainbat zinegotzik lagunduta harrera beroa eskaini zioten Bera Berari bigarren Liga eskuratzeagatik non jokalari guztiei txapela oparitu zieten eta Beñat Gaztelumendiren bi bertso ere bai. Aurkezpenen, Izagirrek azpimarratu zuen nahiz eta azken aldi hauetan “hemendik askotan pasatu duzuen oso erraza da zuei esateko gauzak asmatzea eta zoriontzea”. Alkateak plantillak lortutakoa goraipatu zuen hori egin ezean “akatsa izango delako”. Gorenara “iristea zaila bada ere hor mantentzea are gehiago” adierazi zuen. Bera Bera “eredugarria da” Izagirreren ustez, “lantaldean egindako lanagatik, ilusioa, kemena, giro ona eta esfortzuak fruituak ematen dituela frogatzen duzuelako”. “Eskertzen dizuegu Donostiaren izena daramazuelako nonnahi” azpimarratu zuen. Horregatik, txapelak jokalari bakoitzaren zeraman eta ‘Donostiak esker onez’ inskripzioa. Horren ostean hausnarketarako beta hartu zuen “gizonezkoen kirola eta emakumeena ez delako berdin baloratzen. Zuek bezalako talde batek Europan aritzea buruko mina sortzen du eta kirolari batentzako frustazio sortzen du”. Izagirrek Udalaren “konpromisoa” berretsi zuen. “Hor egon gara eta hor egongo gara eta lan egingo dugu merezitako jaso dezazuen”. Zentzu honetan publiko-pribatuaren konplizatea aipatu zuen Europako partaidetza lortze aldera. Zalegoari “bikaina” eman ostean, Beñat Gaztelumendi bertsolariari hitza eman zion. Bi bertsotan, Bera Beraren lorpenak “balio bikoitza” duela aipatu zuen eta ametsak “Donostian eta Europan” betetzea aldarrikatu zuen. Udalak taldean datorren urtean egongo ez diren Imanol Álvarez entrenatzaile, Verónica Cuña, Yamiley Rodríguez eta Nitsan Dunay jokalariekin oroigarri bat izan zuen. Bestetik, Matxalen Ziarsolo kapitainak Bidebietako ospakizuna gogoratzeko argazki bat oparitu zion alkateari eta adierazi zuen “bigarren liga eskuratzea ametsa da, are gehiago etxean izan denean”. Kapitainak taldekide batek sare sozial batean aipatu zuena gogora ekarri zuen, hau da, “guk gure Liga irabazi dugu eta bestea falta da, babeslea lortzea, alegia”.

21 Maiatza 2014

Gipuzkoako jubenil mailako selekzioak gaur arratsaldeko 7,30etan lagunartekoa jokatuko du Zarauzko Aiala ZKE taldearen aurka Aritzbatalde kiroldegian. Zerrendan dira Bera Berako Maitane Etxeberria eta Ainhoa Etxeberria baina atezainak baino ez du jokatuko. Bestetik, kadete mailako selekzioarekin berriro izango dira Irati Kamio eta Elene Vázquez, datorren igandean Donostiako La Sallen 11etatik 13ak bitartean entrenaldi bat burutzeko.

21 Maiatza 2014

Euskadi, Catalunya, Galiza eta Valentziko selekzioek Lau Nazio izeneko txapelketan parte hartuko dute asteburu honetan Basaurin, Berritxuak Gaixotasun arraroen elkartearen alde egingo den topaketan, hain zuzen.
Euskal eskubaloi federazioak eta Atl. Basauri BM klubak antolaturik, Artunduaga kiroldegiak lau selekzioak hartuko ditu larunbatean eta igandean. Catalunya eta Valentziak lehenengo finalerdia jokatuko dute larunbatean 16,15etan eta, ondoren, 18etan Euskadi eta Galizaren txanda izango da. Galtzaileek igandean, goizeko 10,30etan jokatuko dute eta irabazleek finalean elkar ikusiko dute 12etatik aurrera.
Euskal hautatzaile Imanol Álvarezek 16 jokalari deitu ditu, horien artean Patricia Elorza, Alba Menéndez, Nagore Arizaga, Maitane Etxeberria eta Esther Arrojeria direlarik. Leonen jokatu ostean lehenengo zerrendan zegoen Matxalen Ziarsolok joateari uko egin zion nekea zela eta. Horrez gain, zerrendan dira Kullagako Leire García, Nerea Elizegi eta Jessica Nogales; Zuazo Barakaldoko Tania Yáñez, Yanire Etxabe, Ainhoa Hernández eta Maddi Aalla atezaina; Porriñoko Maialen Mujika, Elche Mustang taldeko Izaskun Mujika, Muskizeko Silvia Rodríguez eta Urdulizeko Andrea Egozkue.

20 Maiatza 2014

“Bera Berako entrenatzaile moduan ez jarraitzea da nire erabakia. Iaz, arrazoi pertsonalak eta lan kontuak zirela eta erabakia hartzea asko kostatu zitzaidan eta orain bolada hori amaiera jarri nahi diot, batez ere, arrazoi pertsonalengatik”. Imanol Álvarezen hitzak dira komunikabideen aurrean egindako agerraldian, Bidebietako aulkia utziko duela adierazterakoan. “Pozik nago kluba honetan egon naizelako, nirekin lan egin dutenek gauzak errazako jarri dizkidate, pena handia hartzen dut, baina onena da” esan du Ermuko entrenatzaileak. “Ez da erabaki erraza izan” onartu du Imanol Álvarezek. Iazko denboraldian hiru tituluak eskuratu eta gero “itxaropena handia zen baina bete dut, oso gustura egon naiz eta laguntza handia izan dut”. Eskubaloiari lotuta jarraituko duen Bizkaitar entrenatzaileak “etxetik gertuago”, egindako lanarekin “gustora” dagoela onartu du. Bestalde, eskubaloi arloko arduradun Tati Garmendiak “izandako inplikazioa eta profesionaltasuna eskertu nahi diot”. “Guretzako eragozpena da, tituluak hor daudelako eta beste persona bat aurkitu behar dugu gertu dagoena, proiektuarekin lotuko dena eta ezagutza dueña, jakina”. Tatik nahiz Imanolek oso positibotzat jo dute egindako denboraldia. “Zoragarria izan da, lau titulu eskuratu ditugu (Superkopa, Euskal Kopa, Erreginaren Kopa eta Liga) eta Champions Leaguen oso paper duina egin dugu” azpimarratu du Bera Bera Eskubaloi taldeko arduradunak. Era berean “zalantzak” onartu ditu, “lesio larriak medio eta Alacanten eta Telden izandako porrotak tartean, baina Kopan kalitatea agerian utzi zuen taldeak, ostean Liga bereganatzeko”. Imanol Álvarezen ustez “ez zen erraza berriro hiru tituluak eskuratzea baina lortu dugu”. Zentzu honetan, azkeneko urtetan Bera Berak egindako lana goraipatu du. “Egoera oparoenetan egindako lanaren fruituak jasotzen ari da, beste batzuk ez bezala, orduan neurtzen jakin ez zutelako”. Bere ustez, “harrobiari lotuta egon behar du Bera Berak, Gipuzkoako eta Euskal eskubaloiari lotuta ere bai”. “Eta horrez gain, hankak lurrean, orain taldea zuzentzen ari direnek gauzak argi dituzte eta horrela jarraituko dutela ziur naiz” amaitu du.

20 Maiatza 2014

Gaur goizean komunikabideen aurrean egindako agerraldian, Bera Bera Eskubaloiko arduradun Tati Garmendiak adierazi du “Verónica Cuña, Yamiley Rodríguez eta Nitsan Dunay jakin badakite datorren denboraldian gurekin ez dutela jarraituko”.
Klubak eskertza adierazi nahi die jokalariek urte hauetan izandako inplikazioa eta era berean etorkizunean zorterik onena opa die.
Tati Garmendiak azaldu du “aurtengo aurrekontuak ere murrizketak izango ditu eta ondorioz erabaki zailak hartu behar ditugu”. “Babesleen beharra dugu, gure balioekin lotura nahi dueña” azpimarratu du.
Garmendiak onartu du “hemen gelditzea nahi dugun jokalariekin hitz egin nahi dugu”. Fitxaketaz galdeturik, “irtengo diren jokalarien arabera izango da baina buruan gertu dagoen jokalari bat dugu”.
Championseko partaidetzaren inguruan, Tati Garmendiak azaldu du “EHFk baldintza guztiak bidaliko dizkigu–iaz sorpresak izan ziren- eta babesle bat premia dugu, azken unerarte saiatuko gara, hau da, ekainaren 11rarte”.