08 Urtarrila 2015

Pasa den urtarrilaren 3an Bera Bera Eskubaloiak Gabonetako aurreneko txapelketa antolatu zuen Bidebieta kiroldegian kadete eta jubenil mailetako taldeei zuzenduta. Bera Beraz gain, beste bost talde parte hartu zuten, maila bakoitzean, lau. Kadeteetan, Aloña Mendi, Urnietako eta Pulpo eta jubeniletan, Aloña Mendi, Urola eta Malkaitz.
Larunbata goizetik iluntzera pertsona ugari ibili zen joan etorrian Bidebietako kiroldegian: jokalariak, entrenatzaileak, gurasoak, arduradunak, epaileak, zalegoak, kolaboratzaileak… Txapelketan talde alkarren aurka aritu ziren, hortaz, Bidebietako pistan guztira 30 minutuko 12 partida jokatu ziren.
Txapelketa 10,30etan hasi eta 19,30ak aldera bukatu zen, Bera Berako bi taldeen garaipen orokorrarekin. Halere, hori ez zen garrantzitsuena, baizik eta gazteek oso ondo pasatu zuten eskubaloiarekin, partaidetzarekin eta giro apartarrekin. Esperientzia interesgarria baita ere bildutako epaile gazteentzat.
Horrez gain, antolakuntzak jantoki bihurtu zuen Bidebietako goiko aldea Sillas Iturgaiz izeneko enpresaren ezinbesteko inplikazioa medio eta kafetegiko Arri arduradunaren laguntzarekin. Bertan elkarturiko guraso, arduradun zein jokalariek Gesalagako produktuak frogatu zituzten. Aipatzekoa da gurasoek egindako lana eta harrobiko jokalarien platerak zerbitzeko erakutsi zuten gaitasuna.
Jardunaldia senior mailako Bera Berak eta Urdaibai taldeen arteko lagunartekoak itxi zuen.
Juan Carlos Garaikoetxearen argazkian, Maialen Eguren.

08 Urtarrila 2015

Euskal Ligan kadete eta jubeniletan Espainiako selekzioen arteko txapelketak ligako etenaldia beste aste betez luzatu du. Lerro hauen bitartez zoriondu Euskal selekzioak egindako lana, batez ere jubenil mailako selekzioa brontzezko domina eskuratu baitu Castellonen eta juvenil mutilen urrea. Ondorioz, asteburu honetan ohiko ligako bi partida besterik ez ditugu. Alde batetik, Bidebietan larunbatean 17,45etan lurralde mailako Bera Berako kadete taldeak Urnieta Kamox Precision Machinning hartuko du. Bestetik, igandean 12etan Oñatiko Zubikoa kiroldegian senior taldeak Aloña Mendi izango du aurrean 13. Jardunaldian. Azkenik, Irungo Uranzu pilotalekuan, igandean goizeko 9etatik 13ak arte, infantil mailako mutilak Pitch Brioche Pasquier izeneko txapelketan arituko dira. Juan Antonio Garaikoetxearen argazkian, Oihane Puertas kadete mailako jokalaria.

04 Urtarrila 2015

Bera Berak Euskal kopako txapeldun irten da gaur eguardian Zarauzko Aritzbatalde kiroledegian, bigarren zati bikaina medio Prosetecnisa Zuazo Barakaldo (43-22) gainditurik. Lehenengo zatian erasoak nagusitu dira alde batean zein bestean. Hasi eta berehala Zuazo banakako defentsarekin irten da baina ez dio etekinirik eman (min 4. 5-2). Halere, bizkaitarrek erasoetan aukerak izan dituzte eta 0-3 partzialarekin, Oihane Gilek berdindu du norgehiagoka. Oraingo honetan, Etxaburuk Elorza eta Núñez jarri ditu defentsa erdian, Martínez eta Múgica lagun eta Azanza eta Ziarsolo hegaletan. Arrojeriak eraso jokoa zuzendu du. Halere, Zuazok Ainhoa Hernández pibotea aurkitu du eta bost penalti lortu ditu gainera, guztiak Tania Yáñezek gola bihurtuz. Erasoan, Bera Berak Arrojeriak baloi onak sartu dizkie Núñez eta Ederra piboteei, Azanza eta Ziarsolo aukera onak ziren hegaletatik eta kontraerasoak Ziarsolok ondo baino hobeto gauzatu ditu. Zuazok korrika egiteari ez dio muzin egin. Izan ere, Oihane Gilen baloi loratu batek eta Ziarsolok efektuz sarturiko golak izan dira politenak. Elorza eta Arrojeriaren barneraketak medio atsedenaldira aurretik iritsi da Bera Bera (18-17) eta bigarren zati hasierak zur eta lur utzi ditu Aritzbatalden bildutako zalegoa. 8-0 partziala jokalari ezberdinen ekarpenarekin: Múgica, Elorza, Martínez, Ziarsolo, Núñez eta Etxeberria. Pistan hasierako taldea, Etxeberria Azanzaren ordez eta Tempranok Zugarrondo ordezkatu du. Zuazo erasoan larri zegoen eta Tempranok kontraeraso deia jo du. Eta Bera Berak beste 8-1eko partziala lortu du Euskal Kopako finala erabakitzeko. Etxeberriak barneraketa itzela jo du bere taldea pistako lau jokalari zituela eta Ezkurdiak sei gol sartu ditu azkeneko ordu laurdenean. Orain atsedena eta asteazkenetik aurrera datorren igandeko partida izango da hizpide. Izan ere, kopako kanporaketari egin beharko dio aurre Bera Berak Kordoban Adesalen aurka otsailean zortziko finalean egon nahi badu. Bera Bera 43 (18+25): Zugarrondo, Azanza (2), Martínez (4), Elorza (4), Núñez (3), Múgica (7) eta Ziarsolo (6) –titular- Arrojeria (2), Ederra (2), Menéndez (3), Arizaga (1), Ezkurdia (6), Etxeberria (3) eta Temprano (o.a.) Zuazo Barakaldo 22 (17+5): Rodrigo, Oihane Gil (3), Elizegi (3), Yañez (8, 5p), Hernández (2), Alexandra Gil (3) eta Azaola (1) –titular- Ahedo (2), Agirregomezkorta, Álvarez, Galarza, Fernández, Osoro, Munduate eta Moratilla (o.a.). Epaileak: Juan José Gude eta Carlos Gude (Euskadi) Kanporaketak: Arrojeria, Ederra, Núñez eta Arizaga Bera Beratik. Partzialak: 5-3, 8-6, 11-10, 13-11, 15-12, 18-17 –atsedenaldia- 23-17, 26-19, 29-20, 34-20, 38-20 eta 43-22

03 Urtarrila 2015

Zarauzko Aritzbatalde kiroldegian asteburu honetan burutuzen ari den Euskal Kopako finalerako txartela eskuratu du Bera Bera Eskubaloiak, aurreneko finalerdian Kukullaga Etxebarri aise gainditu ostean (38-16).
Bizkaitarrek, egun zilarrezko mailan eta azkeneko urteekin konparatuz gero baja askorekin, aurreneko 20 minutuetan eutsi diete markagailuari. Alba Fernández pivotea eta lehenengo lerroko Azkona jokalariak ondo hasi dira, Kukullaga aurretik jarriz.
Donostiarrek defentsan, Múgica eta Ederra erdian kokaturik, estutu dutenean Kukulluga baloiak galtzen hasi da eta birritan 5-1 partzialei esker markagailuan aldea hartu du Bera Berak. Matxalen Ziarsolo kapitainak ederki asmatu du, zati bakoietzean 20 minutu jokatu gabe, 13 gol sartu baititu. Beste jokalari bat ate aurrean ondo ibili dena Amaia Azanza (sei gol) izan da, batez ere eskuin hegaletik.
Aurreneko zati amaieran Bera Berak tartea ireki du, bigarrena monologoa bihurtu delarik (21-5). Pinedoren baja ondo aprobetxatu du Ezkurdian lau golekin. Aitor Etxaburuk 14 jokalariei minutuak eman dizkie horien artean Patri Elorza, Núñez eta Temprano.
Bihar leku berean, 11,30etan Bera Berak finala jokatuko du Prosetecnisa Zuazo Barakaldo taldearen aurka, Aiala Zarautz gainditu duena 28-23 bigarren finalerdian (14-15, atsedenaldian).
Fitxa: Bera Bera 38, Kukullaga Etxebarri 16
Bera Bera 38 (17+21): Zugarrondo, Ziarsolo (13, 3p), Múgica (1), Ederra, Martínez (4), Arrojeria (1) eta Azanza (6) –titular- Elorza (1), Núñez (2), Arizaga (1p), Menéndez (1), Etxeberria (4), Ezkurdia (4) eta Temprano (o.a.).
Kukullaga Etxebarri 16 (11+5): Casado, Del Río, Vázquez (1), Alba Fernández (3), Azkona (7) eta Blanca González (3) –titular- Messari (1), Andrea Fernández (1), Castro, Coello, Deba eta Etxeberria (o.a.)
Epaileak: Markel Garralda eta Mikel Burguera (Gipuzkoa).
Kanporatuak: Menéndez eta Elorza Bera Beratik eta Alba Fernández Kukullagatik.
Partzialak: 2-2, 6-6, 10-7, 12-9, 15-9, 17-11 –atsedenaldian- 22-12, 25-13, 28-14, 32-14 eta 38-16