Asteburuan, harrobiko zortzi partida

Beraun, Pasai Donibane, Bidebieta eta Ermuan, larunbatean eta Bidebietan, igandean. Lau aldiz elkarren aurka arituko dira larunbatean Bera Berak eta Ereintzak. Aurrena, infantil mailako Bera Bera Bat taldeak Ereintza A izango du aurrean Beraungo pilotalekuan 10,15etan. Maila berean, mutilek Pasai Donibanen jokatuko dute 12.15etan Ereintza A taldearen aurka; Bera Bera Bi nesken taldeak Ereintza B Bidebietan 13,15etan hartuko du eta arratsaldeko 5,30etan kadete mailako mutilek Beraungo pilotalekuan Ereintza A taldearen aurka. Ordubete beranduago, 18,30etan alegia, Ermuako Miguel Ángel Blanco kiroldegian euskal ligako Bera Bera jubenil taldeak Errotabarri izango du aurrean. Igandean, goizeko 9etatik ia 14ak arte, Bidebietan eskubaloia. 9etan benjaminen txanda La Sallerekin, 9,45etan alebinena. Horren ostean, 10,50etan infantil nesken Bera Bera Hiru taldeak Orioko Ikastetxea hartuko du eta 12,15etan senior mailak Usurbil izango du aurrean, partida guztiak irabazi dituena.