02 Azaroa 2015

Ostiralean zeozer nabaritu zuen eta A Sangriñara iritsita ezin izan zuen beroketa saioa osatu. Jokalarien aurpezkenera ez zen irten eta partida eserlekutik ikusi zuen. Maitane Etxeberriaren bajak eragin handia izan zuen Mecalia Atlético Guardés taldearen aurkako norgehiagokan eta gaur arratsaldean belauna miatuko diote. Azken aldi honetan Bera Berak ez du zorterik lesioekin. Maialen Múgicari ziklope delako síndrome dela eta abuztuan berriro ebakuntza egin zioten, hirugarren jardunaldian Alicia Fernándezek bihurritua izan zuen eta hilabetea baino gehiago eman du taldetik kanpo eta Matxalen Ziarsolori meniskotik ebakuntza egingo diote. 14 jokalariez osaturiko plantilla, baja hauek asko nabaritzen dira are gehiago Rocasa eta Mecalia Atlético Guardés bezalako taldeen aurrean.

30 Urria 2015

Asteburu honetan zortzi partida jokatuko ditu harrobiak. Larunbata 9,30etan Irungo Uranzu pilotalekuan Bera Bera Bi infantil neska taldeak Bidasoa A taldea izango du aurrean. Infantil mailako nesketan ere bai, 11etan Usurbilgo Oiardo kiroldegian, Bera Bera Hiru taldeak Usurbil B taldearen aurka jokatuko du.
Ordu berean Etxebarrin hasiko da euskal ligako kadete mailako partida Kukullaga eta Bera Bera taldeen artekoa eta jubenil mailakoa 12,30etan hasiko da.
Arratsaldean, Bidebietan mutilen kadete taldeak Egia hartuko du eta 18,30etan senior taldeak Aloña Mendi.
Infantil neska-mutilen taldeek asteburua itxiko dute Bidebietan. 11etan Bera Bera Bat taldeak Usurbil izango du aurrean eta mutiletan, Bera Bera Bidasoa A hartuko du 12,30etan.
Euskal selekzioa
Euskadiko selekzioak kadete mailan Nerea Álvarez Bera Berako jokalaria deitu du igandean Faduran saio bat burutzeko 17,30etan eta jubenil mailan, Ainhoa Etxeberriak Arrasaten 15,40etan egon behar du.
Juan Antonio Garaikoetxearen argazkian, Ioritz Pozas

30 Urria 2015

Goizeko 8,30etan abiatu da Autocares Davideko autobusarekin Bera Bera Eskubaloiko tropa Bidebietatik A Guardaruntz, non bihar zortzigarren jardunaldiari dagokion partidari helduko dion Mecalia Atlético Guardésen aurka (Jesús Escudero eta Jorge Escudero, kantabriarrak) 19etatik aurrera.
Norgehiagoka Espainiako eskubaloi federazioko orrialdian eta www.marca.com ikusgain izango da streaming bidez. Mecalia Atlético Guardések taldeari laguntzeko eguna ezarri du, hortaz, bazkideek 8 euro ordaindu beharko dute eta bazkide ez dena, 15 €.
Montse Pucheren zerrendan baja dira Maialen Múgica eta Matxalen Ziarsolo, azken honek meniskotik ebakuntza noiz egingo dioten zain. Ondorioz, Bera Berak 12 jokalari izango ditu A Sangriñako pistan, ‘Infernua’ ezizenez ezagutzen dena udan gehien indartu den taldearen aurka jokatzeko, sailkapenean gipuzkoarrengandik puntu bakarra dagoena.
Bera Berak zehatz-mehatz aztertu du lehengon Bidebietan Rocasaren aurkako porrota. Puche entrenatzaileak “badakigu non eragin” adierazi zuen komunikabideen aurrean eta astean zehar lanari ekin diote, batez ere, defentsan egindako akatsak zuzentze aldera eta A Guardako lehia jokatzeko irrikan daude.
Bestetik, Mecalia Atlético Guardés taldeak Rocasaren aurka Telden galdu zuen ligako aurreneko partida eta partida osoa kontrolpean eramanda, Barakaldon berdindu zuen Prosetecnisa Zuazoren aurka. Hortaz, partidarako aurreneko aldiz puntuen beharra somatzen da alde batean eta bestean, Rocasarekiko ez badute gehiegi aldentzerik nahi. Kanariarrek BM Porriño hartuko dute, A Sangriña baino galdu ez duena.
Manu Etayo entrenatzaile nafarraren taldea, Angolako jokalariarik gabe, defentsan oso sendo dabil –Bera Berak baino bost gol gehiago jaso ditu- eta fitxaketa berriak oso emaitza onak eman dizkie Haridian Rodríguez, Estela Carrera edo Anna Manaut. Gainera, Kurchnkovak duen maila berreskuratu du, Inés Hernández eta Barrios jokalariek ardura gehiago dute eta Egozkue eraginkor dago ate aurrean. Hortaz, larunbateako porrota atzean uzteko eta Rocasa líderraren atzetik jarraitzeko aurkari gogorra.

29 Urria 2015

Hogei bat kirolari edo Gipuzkoako klubak hartu dituzte gaur goizean Foru Aldundian Ahaldun nagusi Markel Olanok eta lurraldeko kiroletako ardura duen Denis Itxaso foru diputatuak, horien artean Bera Bera Eskubaloia zegoen Liga eta Superkopa lortzeagatik. Taldeko ordezkari gisa izan dira bertan Tati Garmendia, Montse Puche, Eli Pinedo, Silvia Ederra eta Ana Temprano, Iñaki Lifaterraren litografia jaso dutenak Markel Olano eta Denis Itxaso foru diputatuengandik. Biek azpimarratu eta goraipatu dute “emakumeen kirolaren presentzia”. “Beti egiten duzuena baina gehiago demostratu behar duzue, arro gaude zuekin, babes osoa duzue eta Gipuzkoarentzat balioak zarete” adierazi du Kultura, Gazteria, Turismo eta Kiroletako foru diputatu Denis Itxasok. Emakumeen kirolak lorturiko arrakastak azpimarratu aurretik, aipatu du “Gipuzkoa lurralde txikia izan arren, baloretan hadia da eta kirolariek hori islatzen duzue”. “Kirolaren bidez Gipuzkoako gizartea batzen da eta horrek arro sentiarazten gaitu” onartu du. Diputatu nagusi Markel Olanok ere aipatu du bereziki emakumeen kirola. “Argazki honek Gipuzkoako kirolaren errealitatea erakusten digu”. “Gure lurraldeko kirolak goi mailakoa da baina emakumeek duzuen kalitatea eta gaitasuna emaitzean adierazte da”. Bera ustez, “emakumeen indarrak kirolean egoera normalizatuagoa utzi du”. Olanok “aitortu” nahi izan du bertan elkartu diren kirolariei eta “sakrifizioa” goraipatu du.