Iaz bezala, Bera Berak ligako garaikurra jasoko du gaur Bidebietan, ligako azkenaurreko partidan, lehengo larunbatean Telden Rocasa gainditu ostean liga matematikoki irabazita.
Espainiako eskubaloi federazioko presidente Francisco Blázquez Bidebietan izango da hirugarren aldiz ligako txapelduneko garaikurra emateko.
Partidan ere Bidebietari agur esan diete Nagore Arizaga, erizaintzari helduko diona, Patri Elorza, María Núñez –biak Frantziako Bessançon- eta Amaia Azanzak datorren urtean jarraituko ez duena.
Garaikurra jaso ostean, plantilla eta entrenatzaileak Txuleta jatetxean ospatuko dute hirugarren liga.
Arrazoi ezberdinak medio, María Núñez, Patri Elorza, Nagore Arizaga eta Amaia Azanza ez dira Bera Berako plantillan egongo 2015-16 denboraldian.
Núñez eta Elorza jokalariek Frantziatik iritsitako eskaintzak onartu dituzte, Bidebietan jarraitu beharrean, klubak horrela eskaturik. Lerro hauen bidez, Bera Berak Donostian burutu duten ibilbidea non lana, inplikazioa eta goi mailako kirol arrakastak izan diren hizpide zortzi titulu lorturik: hiru liga, bi kopa eta hiru Superkopa, Champions Leaguen parte hartuta ere eta Espainiako selekzioko deialdian finkoak izan.
26 urterekin, María Núñezek partida guztiak jokatu ditu 2012-23 denboralditik hona. Guztira 107 norgehiagoka, 109 izan daitezke Zuazo eta Leonen aurka jokatuz gero. Ligan, 76; Kopan, 10; Europan, 18 eta Superkopako hiru. Elorzaren ekarpena antzekoa izan da, iaz sudurra apurtu ostean aste batzu jokatu egin gabe egon zelarik eta selekzioko deialdian beti egon da. Biek defentsako bizkar-ezurra osatu dute eta kluba internazionalak ordezkatzeko lanean jarri da.
Bestetik, 23 urterekin, Nagore Arizagak erizaintzari heldu nahi dio, denboraldi hasieran amaitu zituen ikasketak. Andoaingo zentralak ez du jarraipenik izan denboraldian zehar eta betetzen ari zen paperak ez zuen asetzen Nagore. Bost denboraldi bete ditu Bera Beran, non lana eta inplikazioa nagusi izan diren, klubak goraipatzen dituenak.
Bestetik, klubak Amaia Azanzari baja emango ziola adierazi zion hurrengo denboraldiari begira. Lizarrako ezkerrak ez ditu minutuak izan Garmendiak eta Puchek taldea zuzendu zutenetik eta protagonismo handiago izango duen talderen batean nahiago du. Arestian aipatu bezala Bera Berak Azanzari emandako guztia eskertzen dio.
Hurrengo egunetan, Bera Berak kontratuen luzapenen berri emango du eta, gauzatzen direnean, aurpegi berriak, hurrengo denboraldiari begira talde lehiakorra osatu aldera.
Bera Bera Eskubaloiak eta Prosetecnisa Zuazo Barakaldo 25. jardunaldia eta azken aurreko partida ostiralerako aurreratu dute, hortaz, maiatzaren 22an ospatuko da Bidebietan 20etan (Matías Muñiz eta Joseba Jokin Ordoki –nafarrak-).
Hernanin lagunartekoa
Bi eguneko atsedena izan ostean, plantillak entrenaldietara itzuliko da gaur. Bihar osteguna, Bera Bera eta Lauko Elgoibar senior taldeak lagunartekoa burutuko dute Hernaniko kiroldegian 19,30etan.
Kadeteak, Estatuko sektorera
Ostiralean Estatuko kadete mailako Txapelketari ekingo diote Bartzelonako San Vicenç del Horts hirian. Bertan Bera Berak Zaragozako BM Colores, Elxeko Salesianos Pikolinos eta bertako Handball San Vicenç del Horts.
Ostiralean bertan baina Andoainen Gipuzkoako Kopako partida izango du senior taldeak Leizaranen aurka, 20,40etan.
Larunbatean, 1etantan, infantil mutilen taldeak Foru Aldundia txapelketa jokatuko du Zumaian Pulporen aurka eta jubenilek Elgoibarri hiru goleko iraulketa egin behar dio Gipuzkoako kopako finala eskuratzeko. Bidebietan, 16 etan.
Igandean, Bidebietan eskubaloia goitik behera. Errendimenduko alebin taldeak Ereintza hartuko du 9,30etan, nesken infantil taldeak Aloña Mendi B 11 etan eta eskolak Bidasoa 12,30etan.
Atzo Donostiako udalean eta gaur Gipuzkoako foru Aldundiak hartu ditu eguardian Bera Berako jokalariak pasa den larunbatean matematikoki Telden liga lortu eta gero.
Gipuzkoako Ahaldun nagusi, Martin Garitano; Kultura, Gazteria eta Kiroletako foru diputatu Ikerne Badiola eta kiroletako zuzendari Asier Sarriegik egin die harrera Bera Berako jokalariei, hirugarren aldiz jarrain ligaren jabe egin direnak. Badiola diputatuak Gipuzkoako kirolaren goimaila azpimarratu du eta Garitano ahaldun nagusiak “gipuzkoarentzat luxu bat da halako kirolariak izatea” eta era berean adierazi du “hurrengo belaunaldientzako eredu bat zarete”. Bera Berarekin batera Iñigo Peña izan da Foru Aldundian, brontzezko domina eskuratu baitu Europako piragismo txapelketan K4 modalitatean.
Garitanok eta Badiolak margolana oparitu die Bera Berako jokalariei eta Alba Menéndez, Nagore Arizagak eta Fernando Diez Mintegi presidenteak jokalariek sinaturiko kamiseta bat aldundiari.
Larunbatean matematikoki liga eskuratu ostean, gaur Donostiako udalean hartu dituzte Bera Berako jokalariak Juan Karlos Izagirre alkateak eta hainbat zinegotzik.
Alkateak Haizearen Orraziaren marrazki bat oparitu dio taldeari eta Matxalen Ziarsolo kapitainak jokalariak sinaturiko taldeko kamiseta bat. Era berean, Izagirren zoriondu du taldea eta bertso batean animatu du “amesten jarraitzeko, xume xume edozein lekura iritsi daiteke”:
Bertso batekin nator gaur/txapeldun finen ondora/urte osoko ahalegina/zoriondu beharko da/Donostiaren izena/segi zabaltzen kanpora/mundialak zarete eta/zabaldu mundu osora/Bera Bera zorionduz/ekarri nahi dut gogora/kirola izan leikela/bizitzaren metafora/amesten segi nahi degu/begiratu luzarora/iritsi daitezke eta/xume xume edonora
Ziarsolok adierazi du “gogorra izan dela liga amaiera” eta taldeak eskuratu duena goraipatu du “irabaztea ez delako erraza”. Ondoren, hitza betez –azkeneko harreran liga irabazita bertsoa botako zuela- honako abestu dute jokalari nahiz presidenteak:
Hirugarrenez ligan garaile / ez da ez lorpen makala / gure esfortzu etengabeak / luzaro goza gaitzala / marka guztiak hausten jarraitu / orain artean bezala / emakumeen kirola dugu / Donostian mundiala!
