Prest eta motibaturik. Bera Berak eta Rocasa hitzordua dute Telden, Antonio Moreno kiroldegian (19,30etan Euskadin) ligako 24. partidan eta donostiarrak garaile irtenez gero emakumeen eskubaloiko hirugarren ligaran jabe egingo lirateke matematikoki.
Egun ligako klasikoa da Bera Bera vs Rocasa partida. Aurten biek ireki zuten denboraldia Guadalajaran gipuzkoarren lortutako Superkoparekin (23-20). Bidebietan Bera Berak 25-20 irabazi zuen eta Castellon aldiz Kopa eskuratu zuen Rocasak 19-20 luzapenean irabazita
Partidari begira (Álvarez –bizkaitarra- eta Bustamante –nafarra-) donostiarrek bi puntuko aldea dute Rocasarekiko. Montse Puchek plantilla osoa ekarri du Teldera, Maialen Múgica barne oraindik otsailean egin zioten ebakuntzatik sendatzen ari dena baina partida zuzenean bizi nahi zuena.
Hortaz, Bera Berako entrenatzaileak 14 jokalari prest ditu, Temprano eta Elorza barne. Bidaia ostean Bera Berak Las Palmaseko Félix Santana pistan entrenatu zen ordubetez.
Norgehiagoka streaming bidez ikus ahal izango da Espainiako Federazioko web orrialdean.
Ligako hirugarren titulua jarraian eskuratu du Bera Berak gaur Telden Rocasa gaindituta 21-24. Donostiarrak matematikoki txapeldun dira bi jardundaldien faltan kanariarrak baino lau puntu gehiago izanda eta gol average delakoa alde. Zorionak!!!
Bera Bera Eskubaloiak gaur matematikoki ligako txapelkdeta eskuratu du, hirugarren aldiz jarraian, Rocasa Telden gainditu ostean (21-24)
Bera Bera sendo hasi zen. Aurreneko baloia huts egin arren, 0-4 partziala bereganatu zuen aurreneko bost minutuetan. Rocasak ez zuen hutsuneak aurkitzen donostiarren defentsan Elorza eta Núñez erdian, Pinedo eta Menéndez ondoan, Etxeberria eta Arrojeria hegaletan eta Temprano atepean.
Elorzak, Menéndezek erasoan, Pinedok eta Arrojeriak lortu zituzten golak eta Santanak partida gelditu zuen. Rocasak berdindu zuen Davinia López eta Almudena Rodríguezi esker. Eta horrez gain María González (6-5) aurretik jarri du taldea. Elorzak berdindu zuen eta Silvia Navarro partidan sartu du 9-7, Rocasa aurretik jarri delarik.
Baina Bera Berak partidari heldu dio. Martínez eta Maitane Etxeberriaren bi golak eta Tempranoren geldiketak Bera Berari abantaila eman diote (9-11) eta atsedenaldian 10-11.
Bigarren zati hasieran egon da gakoa. Bera Berak defentsari intentsitate gehiago eman dio, Tempranok baloiak gelditu ditu eta Ana Martínez eta Arrojeriak hutsuneak ikusi dituzte Rocasaren defentsan. Bera Bera markagailuan aldea hartu du eta ondo kudeatu du abantaila.
Fitxa: Rocasa 21, Bera Bera 24
Rocasa 21 (10+11): Navarro, Melania (1), Rodríguez (8), Albaladejo (2), Davinia (4 y Trojaola –titular-Haridian (1), María González (2) Toscano (3), Luján, Adriana González (o.a.).
Bera Bera 24 (11+13): Temprano, Etxeberria (2), Menéndez (3), Elorza (2), Núñez (1), Arrojeria (3) eta Pinedo (3) –Martínez (4), Ziarsolo (4), Ederra, Azanza, Arizaga, Ezkurdia y Zugarrondo (o.a.)
Epaileak: Javier Álvarez –bizkaitarra- eta Ion Bustamante –nafarra-
Kanporaketak: Albaladejo eta Trojaola Rocasatik eta Pinedo, Núñez (2), Menéndez eta Elorza (2) Bera Beratik
Partzialak: 0-3, 3-4, 5-5, 8-7, 9-11, 10-11 –ats- 11-15, 14-17, 15-20, 17-22, 18-22 eta 21-24
Eli Pinedo, Patri Elorza, Ana Temprano eta María Núñez deitu ditu berriro ere Jorge Dueñas hautatzaileak. Hurrengo erronka Danimarkako Mundialean egotea -2015eko abenduan- eta horretarako Eslovakia gainditu beharko du Espainiak. Joanekoa Kanarietan izango da ekainaren 7an eta itzulera Eslovakiako Sala hirian ekainaren 14ean. Bera Berako jokalari ohi Darly Zoqbi atezaina sartu da aurreneko aldiz deialdian.
Gipuzkoako selekzioak
Elene Vázquez, Elene Sanz, Ainhoa Etxeberria Ugartemendia, Maider Amilibia eta Uxue Larzabal deitu ditu jubenil mailako Gipuzkoako selekzioak Usurbilgo Oiardo kiroldegian entrenaldia burutzeko datorren igandean, goizeko 9,15etatik 11ak bitatean.
Eta infantil mailako selekzioarekin osatuko du entrenaldia Orioko kiroldegian, Leire Sorondo.
Asteburu honetan harrobiko taldeek bost partida jokatuko dituzte. Mutilen infantil taldeak irekiko du larunbata, Foru Aldundia txapelketan Zarauzko Amenabar C taldea Gaskan 11etan harturik.
Elgoibarko Olaizaga kiroldegian ospatuko da Gipuzkoako Kopako finaleko joaneko norgehiagoka jubenil mailan, aurrez aurre Astigarraga Gys Sport Elgoibar eta Bera Bera.
Arratsaldean, Foru Aldundia txapelketan kadete mailan Bera Berak Urnieta hartuko du Bidebietan 16etan. Eta handik gutxira, leku berean 18etan, senior mailako taldeak Egia izango du aurrean Gipuzkoako kopan.
Iganderako, nesken infantil taldearen txanda Oñatiko Zubikoa kiroldegian. Foru Aldundia txapelketaren baitan, Aloña Mendiren aurka arituko da 12etan.
