Lau hilabeteko Loterías Liga berria

Lehenengo itzulian partida guztiak irabazi ostean, Rocasa Ace Gran Canariak Loterías Ligako aurreneko puntuak utzi zituen Mecalia Atlético Guardésen aurkako partidan, A Guardan 23-20 galdu ostean, Bera Berak urrian etxetik kanpo porrota jaso zuen leku berean.
Emaitza horrekin eta Bera Berak egindako azken ibilibideari esker, sei garaipen erreskadan, gipuzkoarren eta kanariarren arteko tartea bi puntura baino murriztu da, hortaz, Montse Pucheren taldeak bere esku du Ligako txapelketa betiere Rocasa Telden gainditu beharrean izango delarik.
Rocasak Bidebietan (26-27) egin zuena egin beharko du Bera Berak Telden. Izan ere, bi taldeek A Sangriñan galdu dute aurten eta elkarren aurkako partidak finkatu du aldea, hortaz, lau hilabeteko Liga Loterías hasi besterik ez da, batzuk urrian gipuzkoarrak lehiatik kanpo utzi zituztenean.
Rocasak hainbat gauza alde ditu, Bera Bera hartzeaz gain, Telden zazpi partida izango ditu eta, era berean, Mecalia Atlético Guardés hirugarren sailkatuaren aurka jokatu duela. Sailkapenean hirugarren, Telden, Leonen eta Valladoliden jasotako porrotak eta Barakaldoko berdinketarekin, Manu Etayo entrenatzaile nafarraren taldeak Rocasa eta Bera Berak puntuak galtzea espero dute eta donostiarrak Bidebietan gainditu Kopa ostean. Donostia bisitatzeaz gain, Porriñon –larunbatean- eta Alcobendasen jokatu behar du Guardesek.
Rocasak Telden Oviedo, Aiala Zarautz, Elche, Bera Bera, Zuazo, Valencia eta Málaga hartuko ditu eta irlatik at, León, Valladolid, Porriño, Alcobendas eta Granollers.
Bera Berak Bidebietan sei partido jokatuko ditu: Canyamelar Valencia (otsailak 6 -19etan-), KH7 Granollers (otsailak 27), Clínicas Rincón Málaga (apirilak 2), Mecalia Atlético Guardés (apirilak 23 Porriñoko Kopa ostean), Jofemesa Oviedo (maiatzak 7) eta Helvetia Alcobendas (maiatzak 28). Etxetik kanpo Telden (apirilaren 9an) jokatzeaz gain, Valladolid (otsailak 12), Porriño (apirilak 30) eta León (maiatzak 21) Rocasak bezala eta, era berean, Elxen (martxoak 5) eta Barakaldon (maiatzak 14).
Gipuzkoarrek Ligako txapelketa eskuratuko lukete baldin eta iazko denboraldiko emaitzak errepikatuko balira. Hau da, Rocasa Telden gainditu, ahal balitz gutxienez bi goleko abantailarekin, Leonen berdindu eta kanariarrek Alcobendasen galdu.
Halere, Montse Puchek “partidaz partida” leloan sinisten du eta larunbatean, otsailak 6, Bidebietan (19etan) Bera Berak Canyamelar Valencia hartuko du, saio onean dagoen taldea. Larunbatean aise gainditu zuen Helvetia Alcobendas (25-19), Valentzian ere Prosetecnisa Zuazori irabazi zuen, Rocasa estu hartu zuen etxean eta Porriñon puntuak urratzeko zorian egon zen.