02 Maiatza 2015

Bigarren zati ikusgarria medio, jokua goitik behera menperatuz eta atsedenaldiko 13-10 markagailua irauliz, Bera Berak liga irabazteko erronkan beste urrats bat eman du gaur (20-26). Lehenengo zatiak erritmorik gabe jokatu da, uneoro partida gelditu izan da eta akatsak batak bestearen atzetik bi taldeen aldetik. Hortik ez da onik atera Bera Bera, partidari ondo heldu arren Etxeberria, Pinedo eta Núñezen golei esker (1-3). Halere, Guardesek Bera Beraren baloi galduak aprobetxatu ditu aurretik jartzeko. Donostiarrak ez ziren eroso, jokua etengabe gelditu da eta lau aldiz kanporatu dituzte. Pucheren jokalariek ez zuten erritmorik eta Guardesek hutsuneak aurkitu ditu. Elorzaren kanporaketarekin 8-6 aurretik jarri dira galizarrak aurreneko zati erdian. Momentu horretan Matxalen Ziarsolo atera da pistara, bikain aritu da kapitaina, zazpi metroetan, hegalean, pibote posizioan edo kontraerasoan. Bera Berak lehenengo zatiko azken minutuetan sufritu du. Ziarsolok 11-10 jarri du baina gipuzkoarrek partida berdintzeko aukerak galdu dituzte. Etxeberria eta Menéndez ia jarraian kanporatu dituzte eta Guardés atsedenaldira aurretik, 13-10. Bigarren zati hasiera ikusgarria izan da. Pistan lau jokalariekin, Arrojeriak hutsenea aurkitu du, ondoren Ana Martínezek asmatu du eta Tempranoren bi geldiketen bidez Núñezek partida berdindu du eta Etxeberriak, bere taldea aurretik jarri du 33. Minutura iritsi aurretik. Etayok partida gelditu du baina Bera Bera, ez. Gipuzkoarrak, atzean sendo, Temprano bikain, norgehiagokan eroso ziren. Ana Martínez bikain asistentziak banatzen, taldea hobeto ekin dio erasoari eta akatsak desagertu dira. Halere, Guardés gerturatu da baina Ziarsolok ukitzen zuena urrea bihurtzen zuen. Izan ere, Pinedo lehenengo lerroan kokatu du Puchek bigarren zatian. Kapitainak baloia galdu eta kontraerasoan sekulako gola sartu du Guardesen kalterako (48 min. 16-21). Etayok partida gelditu du berriro ere. Erasoan zituen arazo larrienak. Izan ere 18 minutuetan hiru gol bestetik ez zeraman eta Bera Berak lehengo zati osoan baino gehiago. Doirok Tempranorekin egin du topo, Nuñezek aldea handitu du eta Martínezek Pinedoren barneraketa ikusi du baloia jarri dio eta airean arabarrak ez du barkatu (17-23). Partida amaieran golak alde batean eta bestean eta Bera Berarentzat urrezko bi puntu. Lau jardunaldi falta dira eta Rocasak baino bi puntu gehiago dituzte gipuzkoarrek. Telden jokatu aurretik, Bera Berak Clínicas Rincón Málaga hartuko du Bidebietan larunbatean 18etan eta Rocasak Barakaldon jokatuko du 19,30etan. Fitxa: Mecalia Atlético Guardés 20, Bera Bera 26 Mecalia Atlético Guardés 20 (13+7): Maestro, Egozkue (4), Guialo (3), Doiro (4), Liliana (1), Benzal (1) eta Juliana (4) –titular- Ferreira (1), Espiñeira (1), Hernández (1), Cerqueira, Barrios eta Yamiley (o.a.). Bera Bera 26 (10+16): Temprano, Etxeberria (4), Menéndez, Elorza, Núñez (5), Arrojeria (3) eta Pinedo (4, 2p) –titular- Martínez (1), Ziarsolo (9, 7p) eta Zugarrondo (o.a.). Deialdian: Azanza, Arizaga, Ezkurdia y Ederra. Epaileak: Jesús Escudero eta Jorge Escudero (Kantabria) Kanporatuak: Elorza (2), Menéndez (2), Etxeberria eta Puche Bera Beratik eta Benzal, Guialo, Liliana, Ferreira eta Hernández Guardésetik. Partzialak: 1-2, 4-4, 6-5, 8-7, 11-10, 13-10 –atsedenaldia- 13-15, 15-16, 16-18, 16-21, 18-24 eta 20-26

01 Maiatza 2015

Lehiaketak zortzi hilabete bete duenean, maiatzean sartu gara, hilabeterik erabakiena. Egutegiak bidai zailenak amaierarako utzi dizkio Bera Berari eta, hortaz, Bidebietatik at ondo erantzun beharko du liga hirugarren aldiz jarraian irabazi ahal izateko.
Halere, baikorrak izateko argudioak daude. Alde batetik, gipuzkoarrak ligan etxetik kanpo sendo dabiltza aurtengo denboraldian. Hau da, 15 garaipen beste horrenbesteko partidetan. Eta gainera, maiatzan sartu da, lidergoan, Rocasarekiko bi puntuko aldearekin eta bost Mecalia Atlético Guardésekiko, oraindik bisitatu behar dituen aurkariak. Azken hauei bihar labunbata A Sangriñan (19etan, (Jesús Escudero eta Jorge Escudero, Kantabria).
Ondorioz, maiatzean jokatuko diren bost partidak puntuekin loratzen baditu Bera Berak, esaerak esan bezala, urrea baino hobea izango da.
Sailkapenean duen aldea izan arren, egutegiaren zama du Bera Berak. Azken bi hilabeteetan bostgarren –Helvetia Alcobendas- eta laugarren –Elche Mustang- sailkatuen pistan aritu da eta seigarren sailkatua –Valladolideko Aula Cultural- hartu du Bidebietan; jardunaldiak joan ahala taldeak geroz eta hobeto jokatu duelarik.
Guardések nahiz Rocasak, Bera Beraren aurkako partidaz gain, teorian egutegi errazagoak dituzte. Galizarrek 23. jardunaldian Granollersera egingo dute bidaia; Adesal Córdoba hartuko du ohorezko mailan jarraitzeko aukera gutxi dituenak; Porriñon derbiari ekingo dio eta liga A Guardan itxiko du Castelldefelsen aurrean. Rocasak, aldiz, Carobels León hartuko du bihar, Barakaldora egingo du bidaia, Bera Bera izango du Telden, Granollersen jokatuko du eta liga etxean amaituko du Adesal Córdobaren aurka.
Gipuzkoarrek A Guardako partida ostean, Bidebietan maiatzaren 9an (18etan) Clínicas Rincón Málaga Costa del Sol taldea hartuko dute, Teldera egingo dute bidaia maiatzaren 15ean ligako partidarik erabakiorrena jokatzeko, Prosetecnisa Zuazo izango dute Bidebietan azken aurreko jardunaldian eta iaz bezala Leonen jarriko diote amaiera ikasturte honi.
Autocares Davidekin gaur goizean atera da taldea A Guardara bidean, Montse Puchek jokalari guztiak ditu prest Múgica izan ezik, hau da, Aula Culturalen aurka aritu zirenak. 19,30ak aldera entrenatuko dira A Guardan eta bertan Maitane Etxeberriak bat egingo du taldearekin, junior mailako selekzioarekin –Mecaliako Espiñeira bezala- aste osoa egon ostean. Partida Eskubaloi federazioko orrialdean ikus daiteke streaming bidez.

30 Apirila 2015

Asteburu honetan lehiaketa ofizialeko partida bakarra dago harrobiko taldeentzat. Igandean izango da Zumaian, 12,30etan, infantil neska taldeak Pulpori aurre egingo baitio. Selekzioetako deialdiak Bestetik, Bizkaiko Eskubaloi federazioak antolaturik Ermuko Miguel Ángel Blanco kiroldegian Selekzioteko txapelketa burutuko da, non Ainhoa Etxeberria Ugartemendia jubenil mailako jokalaria deitu duten. Eta igandean Bidebietan, 9,15etatik 11etara, infantil nesken Gipuzkoako selekzioa entrenatuko da eta bertan izango dira Leire Sorondo eta Evelyn Briones.

29 Apirila 2015

Asteburu honetan emakumeen eskubaloi ligako hilabeterik erabakienetan sartuko da Bera Bera, A Sangriña bisitatuz, Mecalia Atlético Guardés hirugarren sailkatuaren pista, alegia. Galizarrak bost puntura daude, liga irabazteko aukera urriak dituelarik batez ere etxean, apirilaren 11n, Rocasaren aurka galdu ostean. Komunikabideen aurrean, Montse Puchek onartu du “taldea ondo ikusten dut, gogokin eta hori ezinbesteakoa da niretzako, guztia emateko prest daudela nabaritzea”. “Jokalariek argi dute partida hau oso garrantzitsua dela eta lagungarria izan daitekeela falta zaigunari ekiteko” gaineratu du. Bera Berako entrenatzaileak uste du larunbatean “liga irabazteko aukera handiak jarriko ditugu jokoan”, halere, ñabardura batekin “ez da hil ala bizikoa”. Bere ustez, “garaipenak hurrengo partidei heltzeko indar handia emango liguke baina galduz gero ligak gure esku egoten jarraitzen du”. Puchek azpimarratu du “pizgarri bat izango litzateke lanean jarraitzeko eta Rocasaren aurkako partida erabakiorra prestatzeko”. Halere, onartu du “gure esku egotea lasaitasuna ematen du, era berean, ardura da baina gure atzetik joatea okerrago da”. Mecalia Atlético Guardés taldeari buruz galdeturik, Montse Puchek uste du “Rocasaren aurka galdu izanak, bost puntura egoteak, aldatu duela egoera. Hiru puntura egon balitz beste Guardes ikusiko genukeela uste dut”, halere bere esanetan “alde onak eta txarrak ditu egoera horrek”. “Bera Beraren aurka jokatzen dute talde guztiek motibazio handia dute, ardura gutxiago eta, horregatik, oso partida zaila izango da, giro aparta bezain beroa egongo da pistan eta guk ezin dugu jokatu markagailuari begira” ohartarazi du.