Euskal ligako bigarren jardunaldian kadete eta jubeniletan, goizean Bera Bera kadete taldeak Zuazo Barakaldo azken jokaldian gainditu zuen Bidebietan 18-17, jubenil taldeak aldiz galdu egin zuen bizkaitarren aurrean 23-26.
Bestetik, senior mailako aurreneko jardunaldian, Bera Berak Ereintzari 26-29 irabazi zion Errenterian.
Bera Berak uztailaren 30ean aurrendenboraldiari hasiera eman zionetik Josean Gaska kiroldegian ia ez da gelditu. Ariketa fisikoak, pistan entrenaldiak, saioa bikoitza askotan, lagunartekoak, Frantzian eginiko egonaldi exijentea –lau partida bost egunetan-, jokalari berriak taldera moldatu izanda, Donostiako Superkopak eragindako tentsioa eta liga hasiera Bera Bera estutu dute lehiaketa hasi denetik, 37 egun hauetan, eta lehenengo egunetik bi hilabete baino gehiago.
Etenaldira etxeko lanak eginda iritsi da Bera Bera, hau da, ligako bost partidak irabazita; Superkopa berriro poltsikoratuz Rocasa talde sendo baten aurrean eta Montse Puchek oso egun gutxi izan zuen talde osoa batera finala prestatzeko eta orokorrean taldeak zabaltzen dituen sentsazio ona, lasaitasuna ematen duena eta etorkizunari heltzeko konfidantza, izan ere, hurrengo bost asteetan marraztuku taldeak denboraldiko ibilbidea.
Urriaren 17an Bera Bera Malagara egingo du bidaia, urriaren 24ean Rocasa hartuko du Bidebietan, 31ean A Sangriñan Mecalia Atlético Guardés izango du zain, Porriñok egingo du visita Donostiara azaroaren 7an eta Europako lehiaketa dela eta ia ziurtzat jo daiteke Oviedoko partida Jofemesaren aurka astegunean izatea, ligako aurreneko zatia itxiz.
EHFko aurkaria urriaren 18an ezaguturko Bera Berak, izan ere Eslovakiako Iuventa eta Luxemburgoko Standard taldeak kanporaketa osoa Michalovce hirian jokatuko dute, eslovakiarrak faborito argiago eginez.
Gipuzkoarren joaneko partida Gipuzkoatik at jokatuko dute azaroaren 14 edo 15ean eta Donostian, itzulera 21 edo 22an.
Pinedo baino ez doa selekzioarekin baina gainontzeko jokalariak entrenatzen jarraituko dute ostegun arte. Ostiraletik astelehen bitartean, jai eman die Puchek. Egun hauek eskertuko dituzte besteak beste Matxalen Ziarsolok –ia ez zuen jokatu larunbatean- eta Tania Yáñez. Alicia Fernández askoz hobeto dago eta Maialen Múgica ere eboluzioan.
Bera Bera eta Rocasa, akatsik gabe
Iaz bezala, Valladolideko Aulak baloia izan zuen berdinketa urratzeko Teldetik baina berriro ere Silvia Navarro atezainarekin topo egin zuen eta bi puntuak bertan gelditu ziren. Rocasa Bera Berarekin bat eginda dago sailkapeneko gorenean. Kanariarrek bi egoera zailei aurre egin die, liga hasieran Mecalia Atlético Guardési irabazi zioten eta lehengo larunbatean Aulari. Etxetik kanpo, igo berri diren Aiala Zarautz eta Jofemesa Oviedo aise gainditu zituzten. Prosetecnisa Zuazo Barakaldok bolada onarekin jarraitzen du Carobels León taldeari irabazita eta gipuzkoar eta kanariarren atzetik dago. Helvetia Alcobendas eta BM Porriño Aiala Zarautz gainditzeko sufritu zuena zortzina puntu dute eta Valentzian irabazi zuen Guardések, zazpi.
Iaz, bosgarren jardunaldian, Rocasak Valentzian puntu bat utzi zuen eta Guardesek bi Valladoliden. Aulak egin zuen Bera Berarekin bat gorenean bost partidak irabazita.
Loterías ligako egutegiak etenaldira eskainiko du datorren astean eta hona iristeko etxeko lanak eginda iritsi da Bera Bera Eskubaloia, hau da, bost garaipen eta berriro ere nagusitasuna erakutsiz asko saiatu den Elche Mustang taldearen aurka (29-19).
Halere, hasieratik partida ez da arin joan. Bera Berako eraso jokaldiak penaltietan amaitu dira, Ana Martínezek ondo jaurtitutakoak eta bere aldetik Elche Mustang Laura Hernández jokalariari esker partidan mantendu da (12. min. 4-4).
Maite Zugarrondok Ana Temprano ondo ordezkatu du atepean, aitaren heriotza zela eta baja izan baita asturiarra. Lehenengo zati erdialdean, Bera Berak estutu du Elche. Yáñezen bi gol, eta Pinedoren beste bat tartea zabaldu dute (16. min 7-4); halere elxetarrek ondo aurkitu dute Anna Vicente pibotean (9-7).
4-0 partzialarekin, Yáñez, Arrojeria, Martínez eta Sans jokalarien golekin, Bera Berak partida bereganatu du, bi minutuko zigorrak jaso arren eta atsedenaldira 16-9 iritsi da Martínez eta Pinedok gauzatu duten fly batekin.
Bigarren zatian, partida antzera joan da. Defentsan 6-0 erabiliz, Bera Berak Elche estutu du baina ez du abantaila handitu (38. min 20-13). Gainera, elxetarrek zorte txarra izan dute txorkatilean bi bihurrituekin, Vicente eta ondoren Dunay. Azken minutuetan gipuzkoarrek tartea ireki dute (29-19).
Etenaldia ondo etorriko zaio taldeari, jokalariak errekuperatzeko, uztailaz geroztik aurredenboraldi gogorra burutu zutena, Superkopan garaile izan zirenak Rocasaren aurrean abuztuaren 29an eta Loterías ligako bost partida lortu dituztela.
Fitxa: Bera Bera 29, Elche Mustang 19
Bera Bera 29 (16+13): Zugarrondo, Etxeberria (1), Martínez (7, 4p), Arrojeria (2), Ederra (4), Yáñez (5, 1p) eta Pinedo (5) –titular- Sans (4), Menéndez (1), Ziarsolo y Ezkurdia. Deialdian: Udane Rodríguez (o.a.)
Elche Mustang 19 (13+10): Trigueros, Lamoneda (3), Ajado, Dunay (1), Hernández (8), Vicente (5), Zhukov, Flores, Olmos (1), Soto, Martínez (1), Agullo, Olivares, Alonso (o.a.)
Epaileak: Peñaranda eta Yagüe (Aragoi)
Kanporaketak: Menéndez (3, gorria, 57. Min), Martínez (2), Ziarsolo eta Arrojeria Bera Beratik eta Esther Martínez eta Zhukova Elchetik.
Partzialak: 1-2, 3-3, 5-4, 9-7, 13-8, 16-9 –atsedenaldia- 18-12, 20-13, 22-15, 25-18, 29-18 eta 29-19
Gertaerak: Ana Tempranoren aitaren aldeko minutuko isilunea gorde da
Harrobiko lehiaketa Bidebietako kiroldegia itzuliko da bihar. Euskal ligako kadete eta jubenil taldeek aurkari gogorra izango dute, Barakaldoko Zuazo, hain zuzen. Oraindik goizetan jokatzeko aukera dagoenez, gipuzkoarrak eta bizkaitarrak kadete mailan 11,20etan hasiko dira eta 12,50etan, jubenilek. Bestetik, senior mailan euskal ligan ere bai, Bera Berak Errenterian egingo du debuta Ereintza Barymont taldearen aurka udal kiroldegian 17,30etan.
Eta kadete mutiletan, Bera Berak larunbatean jokatuko du Amenabar ZKE taldearen aurka Zarauzko Antoniano kiroldegian.
Juan Antonio Garaikoetxearen argazkian, Amaia Jaka senior mailako taldearekin.
74 urte zituen Jaime Tempranoren heriotza atsekabez hartu du Bera Bera Eskubaloiak, Ana Temprano gure jokalariaren aita baita. Hortaz, Ana berari eta familiari doluminak bidali dizkiogu.
Jaime Temprano Fernándezez aldeko hileta elizkinak Oviedoko Nuestra Señora del Carmen elizan izango dira bihar 17etan.
Era berean, Bera Bera eta Elche Mustang taldeen arteko partida atarian minutuko isilunea gordeko da bihar 19etan Bidebietan.
