Bera Bera - Berriak

14 Urria 2016

Akaso azkarregi, Nagore Odriozola baja delako eta senior taldeak bi ordu lehenago Oñatin jokatzen duelako, Montse Puchek Ana Temprano sartuko du biharko deialdian, izan ere, “ondo dago, gelditu behar dugu askotan”. Super Amara Bera Berak bihar larunbata 18etatik aurrera Rincón Fertilidad Málaga hartuko du Bidebietan, “motibazio handiarekin etorriko den taldea” Prosetecnisa Zuazo gaindituta Loterías ligan eta aste honetan Kordoban Andaluziako Kopako garaile. Hortaz, aurreneko aldiz Puchek talde osoa izango du aurten Ligan.
Marta López jokalariarentzar “partida berezia izango da”. Puertosolen hezia, “jubeniletan bi urte igaro nituen orduan Costa del Sol taldean, taldekide ohiak izango ditut aurreran eta ilusioa ematen dit”. Malagako hegaleko jokalariak zilarrezko mailan jokatu zuen, ondoren Alcobendasen egon zen eta Frantziako Fleury taldean zegoela Málagak 2014-15 denboraldian egin zuen debuta ohezko mailan.
Nahiz eta Donostian oraindik bi hilabete ez dituen egin, internazionalak dio “oso gustora nago hemen”. “Astelehenetik ostiralera gogor egiten dugu lan eta larunbatean guztia ondo atera ez bada ere, lan horrek tituluak eta jokuan hobekuntza ekarriko digu” ohartarazi du. “Hona etortzen oso erabaki egokia hartu dut” adierazi du.
Espainiako selekzioan burutu duen azken konzentrazioaz galdeturik, Marta Lópezek esan du “ziklo berri bat da, lan handia egin dugu talde berria osatzeko”, Alemaniaren aurkako partidei gehiegi erreparatu gabe “lana eta pazientzia” eskatu du.
Bestalde, Montse Puchek onartu du “etenaldia ondo etorri zaigu taldea finkatzeko”. “Indar handiko taldea” da Rincón Fertilidad Málaga, “fitxaketa onak egin dituena –Guardesetik Maestro, Benzal, Paula García eta Barrios-, eta egutegiak ez diona mesederik egin baina Zuazoren aurkako garaipenarekin aurrera joko dute”.
Jardunaldia asteazkenean hasi zen, Porriñoren garaipenarekin Helvetia Alcobendasen aurka (25-22), horaz galiziarrak jokaturiko bost partiden jabe egin dira. Guardések Leonen jokatuko du, Rocasak Base Villaverde hartuko du Telden eta Zuazok, Mavi Lasesarren.
Ikus bideoa

13 Urria 2016

Larunbatean, sei eta igandean, bost. Infantil mailako neskek irekiko dute asteburua, Bera Bera Laranjak Ordizia Eskubaloia taldeari egingo dio bisita 10etan Majorin eta Irungo Artalekun, Bera Bera Urdina arituko da Pitch Bidasoa Irun taldearen aurrean 12,45etan. Arratsaldean kadete mutilen txanda izango da. 15etan Egian, Bera Bera Urdinak Leizaran Imatel Telecom. taldea hartuko du eta 15,30etan Bidebietan, Bera Bera Laranjak Ereintza todo terreno izango du aurrean. Bidebietan ere jubenil mailako partida jokatuko da Loterías Ligako partida ostean, hau da, 18etatik aurrera Super Amara Bera Berak eta Málagoko Rincón Fertilidad jokatuko dutena. Hortaz, 20etan, Bera Bera Urdinak Leizaran Lanbroa Taberna taldea hartuko duelarik eta senior mailako taldeak Oñatira egingo du bidaia Iturritxo taberna Aloña Mendi taldearen aurka jokatzeko 16etatik aurrera Zubikoan, iaz pista zitala izan zena donostiarrentzat. Igandean ere, infantil mailako taldeek irekiko dute eguna. Egian, 9,30etan, Bera Bera Urdina mutilen taldeak Ereintza todo terreno taldearen aurka jokatuko du eta 10etan, Bidebietan Bera Bera Txuria nesken taldeak Galdona Pulpo hartuko du. Kadete nesketan, 11,45etan Urnietan jokatuko du Bera Bera Urdina; 12etan Gascan arituko da Bera Bera Laranja Avia Eibar Eskubaloiaren aurrean eta asteburuari amaiera jartzeko, Bera Bera Laranja jubenil mailako nesken taldeak Egia Reformas Vega taldearen aurka jokatuko du 12,15etan Egian bertan.

13 Urria 2016

Loterías Ligako taldeetatik aldaketa nabarmenan jasandako taldea da, izan ere, Bidebietan lehengo apirilean izandako 14 jokalarietatik sei baino ez dira larunbat honetan etorriko. Virgina Fernández atezaina, eskarmentu handiko Méndez eta Moreno eta Jénnifer Gutiérrez, Alba Vera eta Coral Ramos. Rincón Fertilidad Málaga –izena ere aldatu du- egungo Loterías Ligako errbelazio taldea izateko aukera asko ditu. Udan Mecalia Atlético Guardés taldetik maila handiko lau jokalari ekarri ditu: Nuria Benzal, Paula García, Cristina Maestro eta Cristina Barrios. Horrez gain, lehenego lerroan aritzen diren gazte norvegiarra eta errumaniarra fitxatu ditu, Brenoe eta Nicotela eta eskuin hegaleko jokalari Ana González oso maila ona ematen ari da. Eta ezin ditu erabili Torres pibotea, Karsten argentinarra eta atzo ebakuntzari egin zioten Valdivia. Aste honetan Kordoban, Andaluziako koparen jabe egin da finalerdian Vicar Goya eta finalean Adesal gaindituz. Loterías Ligan hasiera zaila izan zuen, A Guardan debutarekin, etxean Porriñorekin ere galdu zuen –galizarrak Alcobendas menperatu zuten asteazkenean- eta Rocasaren aurka Telden. Hortaz, lehenengo garaipena Zuazoren aurka lortu zuten Málagan. Rincón Fertilidad Málaga eskarmentu handiko jokalariak eta gazteak uztartu nahi du. Atea ondo zainduta dauka Fernández eta Maestrorekin, hegaleetatik gola erraza egiten du Gutiérrez eta Gonzálezekin, Bea Puertasek ondo zuzentzen du taldea, Méndez defentsan nahiz erasoa sustsu dabil eta Benzal-García lotura oso arriskutsua da. Hortaz, Super Amara Bera Bera bertsiorik onena eman beharko du larunbatean Bidebieta (18etan).

11 Urria 2016

Hiru eguneko atsedenaldia izan ostean, Super Amara Bera Bera atzo arratsaldean itzuli zen entrenaldietara. Ana Tempranok atepean egin zuen lantxo bat, gaur medikuarengana joango da ebakuntza osteko errebisiora eta pixkanaka pixkanaka taldearekin lanean jardungo da larunbateko deialdirako akaso goizegi den arren. Super Amara Bera Berak Bidebietan hartuko du Málagako Rincón Fertilidad, urriaren 15ean 18etan, (Jesús Escudero eta Jorge Escudero, Kantabria). Orain arte, Loterías Ligan partida bakarra izabazi arren oso talde ona osatu dute andaluziarrek. Gaur arratsadean internazionalak izango dira Bidebietan: Marta López, Ana Martínez, Judith Sans eta Maite Zugarrondo, ostiralean debuta egiteko aurkera izan zuena. Bi lagunarteko jokatu dituzte Alemaniaren aurka, aurrenekoan aise galdu zuten eta igandean mendekua hartu zuen Dueñasen selekzioak. Super Amara Bera Bera osoak oso ondo hartu ditu atseden egun hauek, lehiaketari hasiera gogorra egin diona. Izan ere, bost asteetan zazpi norgehiagoka jokatu ditu Montse Pucheren taldeak: Supercopa, Champions Leagueko sailkatze faseko bi eta Loterías Ligako lau, hortaz, gorputzak eta buruak Bidebietatik aldentzea eskatzen zuten. Hortaz, azaroaren 20ra arte, Super Amara Bera Berak beste bolada bati ekingo dio, Loterías Ligako sei norgehiagoka jokatuko ditu eta EHFko hirugarren txandari dagokion kanporaketa, aurkaria urriaren 25ean ezagutuko duelarik. Rincón Fertilidad Málaga izango da hurrengo aurkaria, ostean Super Amara Bera Berak Gijónera egingo du bidaia (urriaren 22an, larunbata 17,30etan), Bidebietan Base Villaverde hartuko du, Alcobendasera abiatuko da azaroaren 5ean, ziur aski Mecalia Atlético Guardés izango da Donostian azaroaren 9ean, EHFko joanekoari azaroaren 12 edo 13an ekingo dio, O Porriño izango da hurrengo helburua eta Europako kanporaketaren itzulera partidarekin amaituko du.

10 Urria 2016

Asteburuan lau partida jokatu ditu Bera Bera Eskubaloiko harrokiak. Ostiralean senior mailako taldeak Bidebietan Portugaleteko Jarrilleras taldeari 27-18 irabazi zion denboraldia ireki duen norgehiagokan.
Ikus Juan Antonio Garaikoetxearen argazkiak
Ikus laburpena bideoan
Eta kadeteetan, nesketetan, Bera Bera Urdina taldeak 50-2 irabazi zion CB Urola EK taldeari Bidebietan eta Bera Bera Laranjak ordez 41-8 galdu zuen Ereintza Beissier taldearen aurrean. Mutilek, aldiz, Irunen porrota jaso zuen 37-25 Bidasoaren aurka.