01 Azaroa 2016

Basauriko Indupime taldearekin batera dago euskal ligako senior mailan Bera Bera lidergoan, larunbatean Leioan irabazita. Egoera berean dago Bera Bera Laranja infantil nesketan eta jubeniletan lau partida irabaztea lortu duen taldea bakarra da Bera Bera Urdina. Emaitzak: Infantil neskak BERA BERA URDINA 15-18 LEIZARAN ESKUBALOIA A URNIETA KAMOX 6-27 BERA BERA TXURIA EREINTZA AGUAPLAST 17-24 BERA BERA LARANJA Infantil mutilak BERA BERA URDINA 15-23 TOLOSA C.F. ESKUBALOIA A Kadete neskak DARIO BUS ELGOIBAR 19-21 BERA BERA URDINA BERA BERA LARANJA 16-13 ARANTZAZUKO AMA K.E. Kadete mutilak BERA BERA URDINA 19-41 TOLOSA C.F. ESKUBALOIA A Jubenil neskak BERA BERA LARANJA 12-35 TTAKUN TABERNA PULPO KE CONSULTING ALAVÉS 13-26 BERA BERA URDINA Senior Euskal Liga QUIRON ASKARTZA 17-29 BERA BERA

01 Azaroa 2016

Super Amara Bera Bera sailkapeneko buru da bi puntuko aldea lau taldeekiko: Rocasa, Mecalia Atlético Guardés, Prosetecnisa Zuazo Barakaldo eta Godoy Maceira Porriño. Galizarrak eta kanariarrak talde hauen arteko lehiak ireki dituzte, orain arte bertakoek irabazitako partidak. Lau jardunaldi jarraian dira eta orain euskal taldeen txanda izango da, izan ere, Rocasak eta Zuazok 10. Jardunaldia aurreratuko dute gaurko. Gipuzkoarrek Alcobendasera egingo dute bidaia larunbatean, guardés hartuko dute azaroaren 9an, (asteazkena, 19etan) eta Europako kanporaketa tartean –Gascan, 12an (19etan) eta Brest hirian 19an (20,30etan)- O Porriñon jokatuko dute. Super Amara Bera Berak 2017ko urtarrilean izango ditu aurrean Rocasa eta Zuazo. Bestetik, Mecalia Atlético Guardések Porriño gainditu zuen A Guardan, Telden galdu zuen ostiralean, larunbatean Prosetecnisa Zuazo hartuko du eta asteazkena, hilak 9 Bidebietan izango da. Rocasak Guardés gainditu zuen eta asteartean Prosetecnisa Zuazo Barakaldo hartuko du nahiz eta 10. Jardunaldiko partida izan, Challenge Cupeko norgehiagokak prestatze aldeara. Gijónen galduta atzeratuta diren kanariarrak O Porriño arituko dira larunbatean eta Super Amara Bera Berako aurreneko aurkaria izango da 2017an. Prosetecnisa Zuazok ligaxkari helduko dio aste honetan oso partida zailekin: asteartean Telden eta larunbatean A Guardan, asteazkenean Godoy Maceira Porriño hartzeko Lasesarren. Super Amara Bera Berak urtarrilean jokatuko du Barakaldon. Bizkaitarrek hemendik aurrera pista zaila Málagan baino ez dute galdu. Godoy Maceira Porriñok, bestalde, Leónen irabazi zuen, Rocasa hartuko du larunbatean eta astean zehar Barakaldon arituko da eta etxean Super Amara Bera Beraren aurka. Lehia hauen arteko emaitzek talde bakoitzaren aukerak aztertuko ditu aurtengo Loterías Ligan, apirilean eta maiatzean une erabakiorra iritsiko da.

30 Urria 2016

Super Amara Bera Bera aise gainditun du BM Base Villaverde Bidebietan jokaturiko Loterías Ligako 7. Jardunaldian (48-13), Mecalia Atlético Guardések Telden galdu zuenez gipuzkoarrak dira zazpi partidak bereganatu dituzten bakarrak, hortaz, sailkapenean lider kokatu dira.
Partidak irakurketa bakarra izan du. Intentsitate handiko defentsa, goi mailara igo berri den madrilgo taldearen baloiak galtzen zituen bakoitzean kontraeraso zitalak atera ditu etengabe.
Fitxa: Super Amara Bera Bera 48, BM Base Villaverde 13
Super Amara Bera Bera 48 (25+23): Temprano, Etxeberria (2), Fernández (7), Arrojeria (4), Sans (4), Menéndez (5, 1p) eta Aramendia (6) –titular- Ederra (2), Múgica, Ezkurdia (4), López (9, 2p), Zaldua (5), Lizarbe eta Zugarrondo (o.a.)
BM Base Villaverde 13 (6+7): Montero, Fernández, Nieto (4), Campos (1), A. González (2), Belda (1) eta Cardador –titular- Muñoz (3), L. Montilla, Horcajada (1), N. Montilla (1), M. González, Iglesias, Bouyfounassen eta Encinas (o.a.).
Epaileak: Eric García eta José María Roy (nafarrak)
Kanporatuak: Menéndez eta Múgica Super Amara Bera Beratik eta Belda eta Natalia Montilla BM Base Villaverdetik
Partzialak: 2-2, 7-2, 12-2, 16-3, 19-5, 25-6 –atsedenaldia- 29-8, 35-10, 37-12, 38-13, 42-13 eta 48-13

30 Urria 2016

Larunbatean Bidebietan Base Villaverde talde madrildarra gaindituturik, lehiaketako lider bakarra izateaz gain, Bera Berak 26 norgehiagoka jarraian eskuratu ditu Liga Loteríasen, iazko denboraldiko azken 19 partidak irabazi zituelako eta aurtengo aurreneko zazpiak ere bereganatu dituelarik, hortaz, esan daiteke txapelketa oso bat igaro duela bi puntuak lortzen etengabe. Gipuzkoarrek txarra ohi izan den urria gainetik kendu dute. Azken porrota A Guardan izan baitzen urriaren 31an Mecalia Atlético Guardésekin (25-20), Bidebietan Rocasarekin (26-27) galdu eta handik astebeterara. Ondorioz, Pucheren taldeak 19 garaipen erresakadan lortu behar izan zituen laugarren Liga eskuratzeko, Telden maiatzean (18-23) gol average delakoa ere bereganatu zuelako. 26 garaipen hauek klubean errekorra suposatzen dute. Iaz irabazitako 19 partidekin 17 garaipenak gainditu zituen Puchek, Reyes Carrere 12-13 amaieran lorturiko sei norgehiagoka eta Imanol Álvarez, 13-14ean hasierako hamaika partidek osatu zutena. Bi denboraldiko norgehiagokak izanda, egutegiak zeresan handia du. 2015eko azarotik gaur egun arte, donostiarrek behin bakarrik izan dute aurrean Guardés nahiz Rocasa. Super Amara Bera Berak Galizako bi taldeen aurka amaituko du ligako lehen fasea, Bidebietan Guardés hartuko du azaroaren 9an (asteazkena, 19etan) eta O Porriñon, azaroaren 16an jokatuko du, biak aurreratuta Brest Bretagne taldearen aurkako kanporaketa dela eta. Rocasa urtarrilaren hasieran hartuko du Bidebietan. 2016. urtean, porrot bakarra Gainontzeko lehiaketei erreparatuz gero, gipuzkoarren bolada 31 garaipenetara luzatuko litzateke. Ligako partidaz gain, Kopako lau (Zarautzen finalzortzirenak) eta Porriñoko hirurak (Helvetia Alcobendas, Mecalia Atlético Guardés eta Prosetecnisa Zuazo) eta Iruñeako Superkopa bizkaitarren aurka. Hortaz, 2016an jokaturiko 30 partidetatik, guztiak bat ezik irabazi ditu Bera Berak, ligako 23 irabazi ditu, Kopako lau, Superkopa eta Europako bat, Champions Leagueko sailkatze faseko hirugarren izateko lehia Bielorrusiako HC Gomel taldearen aurka. Gascan irailaren 7ko norgehiagoka baino ez dute galdu donostiarrek, Austriako Hypo NÖ taldearen aurka jokatu zuena (25-21). Bi denboraldi hauetan taldean eman diren aldaketak ere kontutan hartu behar dira, izan ere, 15-16 denboraldi hasieran defentsan oreka lortzea kostata izan zen, Núñez eta Elorza galduta, aurten ere Pinedo, Ziarsolo, Fernández eta Yáñez bezalako eskarmentu handiko jokalariak ere ordezkatzen ari da. Lehenengo aldiz 48 gol Bera Berak 46 goleko marka finkatuta zuen, 1994ean Disnorte Bilbao taldeari egin zizkionan –Juan Carlos Elorzaren datua) eta 2013ko apirilean Cleba Leon sartutakoak, hortaz atzoko partidako emaitzak (48-13) langa hori gainditzeaz gain beste bat ere apurtu zuen, bi taldeen arteko golen aldea, orain 35 goletan ezarri duena (lehen Elorzak jasota, 28).