24 Abuztua 2016

Gaur eguardian Donostiako udaletxeak hartu du Egiako XXII. Naziarteko txapelketaren aurkezpena, emakumezkoetan Super Amara Bera Bera, Prosetecnisa Zuazo Barakaldo, Helvetia Alcobendas eta Frantziako Celles sur Belle taldeen partaidetzarekin.
Bidebietan izango dira finalerdiak eta Egiak hartuko digu larunbateko partidak. Madrildarrak eta frantziarrak txapelketa irekiko dute Bidebietan 17etan eta 19etan Super Amara Bera Bera eta Prosetecnisa Zuazo Barakaldon txanda izango da. Irabazleek elkar ikusiko dute larunbatean Egiako kiroldegian 12,30etan. Bi ordu lehenago, 10,30etan leku berean, hirugarren eta laugarren postuak finkatzeko lehia jokatuko da.
Aurkezpenean, txapelketaren antolatzaile Álex Elezgarayk azpimarratu du “lortu dugun maila, urteetan gizonezkoen aurredenboraldiko txapelketarik onena izan da, jarraitzen du izaten eta aurten lortu duguna da emakumezkoena ere estatuko lagunartekorik onena, Bera Beraren inplikazioarekin”. Izan ere “bertan dira Liga eta Kopako txapeldunaz aparte, laugarren sailkatua Helvetia Alcobendas, Kopako finalista Prosetecnisa Zuazo eta goi mailara igo den Frantziako Celles sur Belle taldea”. Elezgarayk ezagutzera eman du osteguneko finalerdietarako salneurriak 5 euroetan daudela eta hamar eurotan larunbatekoak.
Gizonezkoetan azpimarragarria da Asobal ligako Bidasoa, Naturhouse La Rioja eta Helvetia Anaitasunaren eta Frantziako Nantes taldearen partaidetza. Nafarrek eta frantziarren irekiko dute Egian txapelketa ostiralean 18etan eta ondoren -20etan - Bidasoa eta Naturhousen txanda izango da.
Aurkezpenean izan da Super Amara Bera Berako Uxue Ezkurdia. Egiakoa izanik, eskuin hegaleko jokalariak onartu du “bertan jokatzeak niretzako berezia da, nire auzoa delako” eta era berean eskertu du “emakumezkoen txapelketari eman zaion bultzada”.
Bestetik, Donostiako kiroletako zinegotzi Martin Ibabek “arri bitxitzat” jo du txapelketa, zoriondu du antolakuntza “lortutako maila handiagatik” eta azpimarratu du “Bera Beran inplikazioa emakumezkoen txapelketa indartzeko”.

23 Abuztua 2016

Geroz eta gertuago dagoen 2016-17 denboraldiari begira, abonamenduen salneurriak mantetzea erabaki du Super Amara Bera Berak. Hortaz, Loterías Ligako 13 partida ikusteko bazkideek 70 euro ordaindu beharko dituzte, 10-16 urte bitarteko gazteek nahiz jubilatuek, 35. Familia ikuskizuna sustatze aldera, familia bereko bi helduek abonamendua ateraz gero, gazteena edo jubilatuena dohain aterako zaie. Horrez gain, VIP delako abonamendua aterako du Super Amara Bera Berak, 120 euroen truke Bidebietan edo Gascan eserleku finkoa izateko aukera izateaz gain, larunbateetako partida osteko luntxa izango luke eta taldeko argazkia. Sarrerak eta Europa Era berean, sarreren salneurrietan ez dago aldaketarik, izan ere, helduek 8 euro ordainduko dute (4 euro gazteek eta jubilatuek) eta Europako partidetarako 10 euro (gazteek eta jubilatuek, 5 euro). Zentzu honetan, abonatuek Europako partidetarako %50eko beherapena izango dute. Champions Leagueko atarikoaren antolaketa kontutan harturik, aurtengo denboraldian gutxienez Europako hiru partida izango dira Donostian. Interesatuek Bidebietako kiroldegian kokaturik dagoen bulegoetatik pasatzeko aukera du edo datuek Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera bidali.

21 Abuztua 2016

Frantziako Celle sur Belle txapelketa bereganatu du Super Amara Bera Berak bigarren garaipena lortuta, oraingo honetan, Tourseko Chambray taldea gaindituz 29-22. Aurreneko norgehiagokan bezala, intentsitate handiko partida izan da baina Super Amara Bera Beraren abiadura lagun, atsedenaldira iritsi aurretik tartea irekitzeko aukera izan dute donostiarrek (17-12). Bi garaipen lortuta eta minutu ugari pilatuta 12 jokalarien artean, Super Amara Bera Berak prestaketarako zituen helburuak bete ditu. Taldea Donostian da eta datorren astean, ostegunean eta larunbatean Egiako txapelketari ekingo dio.

20 Abuztua 2016

Frantziako Celles sur Belle herriko lagunarteko txapelketa irekitzeaz gain, Super Amara Bera Berak aurredenboraldiko aurreneko partida jokatu du eta Montse Puchek zuzentzen dituen jokalariek bertako taldea gaindutu dute 26-29. Bihar, 19etan, aurkaria Tourseko Chambray izango da, bi talde hauek Frantziako goi mailara igotzea lortu dutenez, norgehiagoka hauek prestaketarako aproposak dira gipuzkoarrentzat.
Super Amara Bera Berak aurrean zuen Celles su Belle taldearen errodaje maila handia zenez, intentsitate handiko partida izan da. Halere, gipuzkoarrek ondo heldu diote lehiari, defentsan sakon handiarekin eta erasoan abiadura erabiliz. Ondorioz, atsedenaldian aurretik ziren donostiarrek (14-16). Puchek 12 jokalari eraman ditu eta egonaldi honetako helburu nagusia minutua pilatzea da.
Bigarren zatian, Super Amara Bera Berak erritmoari eutsi dio eta norgehiagoka irabaztea lortu du.