19 Martxoa 2016

Bera Bera Eskubaloiak Logroño Sporting La Rioja taldea gainditu du (21-14) gaur arratsaldean Lizarrako Lizarreria kiroldegian burututako lagunartekoan, Lizarreria klubaren babesa lortze aldera. Defentsan nagusi izan diren partidan, 11-8 atsedenaldian, erasoan gehien asmatu dutenak Ana Martínez eta Alicia Fernández izan dira, zazpi eta sei golekin. Lesioak direla edo Espainiako selekzioekin konzentraturik –Pinedo eta Bea Fernández- eta Etxeberria junior mailako selekzioarekin, Bera Bera pistako bederatzi jokalariekin aritu da, izan ere, bigarren taldeak ere gaur arratsaldean partida baitzuen. Fitxa: Bera Bera 21 (11+10): Zugarrondo, Alicia Fernández (6), Menéndez (1), Arrojeria (1), Ederra (2), Martínez (7), Ezkurdia (2), Sans, Yáñez (1), Lizarbe (1) eta Temprano (o.a.).

18 Martxoa 2016

Balonmano Lizarreriak egindako deiari erantzun diote Bera Bera Eskubaloia eta Logroño Sporting La Rioja taldeek eta Lizarrako pista historikoan goi mailako eskubaloia itzuliko da, 16etatik aurrera, sarrera dohainik delarik.
Bera Berak aurrean Zilarrezko mailako B multzoko liderra izango du, historia egin duen taldea, izan ere, Kopako fase finala jokatzen bere mailako aurrenea izango da, apirilaren 15etik 17ra bitartean O Porriñon burutuko dena. Gipuzkoarrak eta errioxarrak taula berean daude baina final-laurdenetan aurkari zaila izango dute aurrean, Mecalia Atlético Guardés alegia.
Kopako fase finalean egon arren, Logroño Sporting La Rioja taldearen helburu nagusia Loterías Ligara igotzea da.
Eli Pinedo, Bea Fernández eta Maitane Etxeberria internazionalak selekzioekin daudenez, Montse Puchek lehenengo plantillako prest dituen jokalariak eramango ditu eta Eider Lizarbe.

17 Martxoa 2016

Aste Santuaren atarian, lau partida jokatuko dira larunbatean Bidebietan. Larunbatean Bidebietan, 10,30etan, Hernani hartuko du mutilen infantil taldeak. Ondoren infantil mailako Bera Bera Hiruk Urola Eskubaloia izango du aurrean 11,40ean eta goiza amaitzeko, Bera Bera Bat taldeak Aloña Mendi hartuko du 13,15etan. Arratsaldean, senior mailako taldeak Ereintza izango du aurkari Bidebietan 18etan. Garaipena beharrezkoa du taldeak multzoko bigarren postua lortzeko borrokan. Hurrengo asteartean Andoainen elkarren aurka arituko dira Leizaran Eskubaloiak eta Bera Bera Bi infantil mailako neska taldea. Argazkian: Infantil mailako Natalia Almeida (JA Garaikoetxea)

15 Martxoa 2016

Bera Berako hegaleko jokalari Maitane Etxeberria Sagrario Santana junior mailako hautatzailearen azken zerrendan da, hortaz, Mundialean izateko martxoaren 18tik 20ra bitartean Poloniako Pock hirian burutuko de lauko finalean izango da. Tenerifen igaro ostean, non jokaturiko hiru norgehigokak galdu dituen, hurrengo erronka da uztailaren 3ik 15era bitartean Errusian ospatuko den junior mailako Mundiala da eta horretarako leku bakarra dago.
Espainiako hautatzaileak zerrenda definitiboa eman du gaur eta 16 jokalarien artean da Maitane Etxeberria.
Espainiak multzoko aurreneko selekzioa izan beharko du eta horretarako Polonia (larunbata, 18etan), Eslovakia (ostirala, 16 etan) eta Turkia (igandea, 12etan) gainditu beharko ditu.
Ikus zerrenda osoa
Eli Pinedo eta Bea Fernández
Bizpahiri egun atseden hartu ostean, gaur Madrilen elkartu dira berriro. Espainiako selekzioak Norvegiara egingo du bidaia egungo Munduko txapelduna ez ezik, Brasil eta Alemania ere izango ditu aurrean asteburuan.