Ez du partida erraza izan SUPER AMARA Bera Berak Ibizan. Alde batetik Guardesen aurkako partidak oraindik zeresan eman duelako eta hurrengo erronka Turkian duelako asteburuan, Kastamomun jokatuko baita EHFko kanporaketa. Baina bere lana egin du Guerreras Iberdrola Ligako bosgarren jardunaldian (25-30) hegaleko jokalariek hutsuneak aurkitu dituztelako.
Hori baitzen ideia, izan ere, ANTS:BFIT Muchoticket Santa Eularia bertako taldeak pista osoan burutzen du banakako presioa 60 minutuetan. Puchek ohartarazi zuen partida tranpa bat izan zitekeela eta horregatik Etxeberriari alboko lanak eman dizkio hutsuneak aprobetxatze aldera.
Halere, SUPER AMARA Bera Berari kosta egin zaio partidan sartzea, batez ere defentsan, zortzigarren minuturako bi kanporaketa jasan izan ditu baina Ibizako taldea ez da penaltietan fin ibili, lau huts eginez. Ezkurdia, Cardoso –goletile nagusiena- eta Etxeberriak tartea ireki dute, ANTS:BFIT Muchoticket gerturatu da baina atsedenaldian 10-14 aurretik gipuzkoarrak.
Bigarren zatia erritmo handiarekin jokatu da, bi taldeak arnasa hartzeko denborarik gabe. Donostiarrek ondo kudeatu dute tartea, halere, hamar minutu baino gutxiago falta zirela pistako lau jokalariekin gelditu da eta ANTS:BFIT Muchoticket hiru goletara jartzeko aukera izan du, Castellanos atezainak penaltia gelditu izan ez balu. Horren ostean Aramendiak hutsuneak aurkitu ditu, Karsten eta Cardosok bezala, garaipena poltsikoratuz.
Hortaz, hegaleko jokalarien 19 golei esker –nahiz eta Etxeberria gaur albokoa izan- irabazi du SUPER AMARA Bera Berak. Bihar itzulera, taldea Faduran geldituko da entrenatzen eta lotan eta ostiralean Turkiara bidaia.
Ficha: ANTS:BFIT Muchoticket Santa Eularia 25, SUPER AMARA Bera Bera 30
ANTS:BFIT Muchoticket Santa Eularia 25 (10+15): Muños, Dimitrescu (1), Boned (2), Campos (6), Piedade (2), Ferrer (2), García (6), Cañavera, Morell (2), González (3), Rodríguez (1), Fresneda, Macasaet, Muñiz (o.a.) eta Ruiz (o.a.).
SUPER AMARA Bera Bera 30 (14+16): Castellanos, Ezkurdia (3), Karsten (3), Arderíus (2), Menéndez (1), Sans (2), Etxeberria (5) eta Cardoso (7) –titular- Azurmendi, Guarieiro (2), Ederra (1), Aramendia (4), Zaldua, Berasategi, Encina eta Lladró (o.a.).
Epaileak: Mohedano (Gaztela Mantxa) eta Peris (Andaluzia)
Kanporatuak: García (2) ANTS:BFIT Muchoticket Santa Eulariatik eta Azurmendi (2), Menéndez, Karsten eta Lladró SUPER AMARA Bera Beratik
Partzialak: 2-1, 4-4, 5-7, 8-9, 9-12, 10-14 –atsedenaldia- 12-17, 14-19, 17-21, 19-25, 22-27 eta 25-30
