28 Iraila 2016

Tolosa, Irun, Legazpi eta Bidebieta izango dira Bera Bera Eskubaloiko kadete eta jubenil mailako taldeen norakoa larunbata, urriaren 1ean.
Kadete mutilen Bera Bera Laranjak lehiaketa irekiko du larunbatean 11etan Tolosa Eskubaloia B taldearen aurka Usabal kiroldegian.
Arratsaldean Irunen, kadete nesken Bera Bera Urdina Uranzu pilotalekuan arituko da 15etan Bidasoa Irun taldearen aurka. Legazpiko Bikuña kiroldegian 16,15etan jubenil nesken Bera Bera urdinak Untzilla Abokatuak izango du zain.
Eta Bidebietan, hiru norgehiagoka. 16etan kadete nesken Bera Bera Laranjak Cometel Elgoibar hartuko du; a 17,45etan, kadete mutilen Bera Bera Urdinak Legazpiko Caribe Berri-Legasaren kontra jokatuko du eta jubenil nesken Bera Bera Laranjak Aiala Zarautz izango du aurrean 19,30etan.

27 Iraila 2016

2012ko urtarriletik 2016ko iraila bitartean hamaika jokalari gipuzkoar egin dute debuta Bera Berako lehen taldearekin partida ofizial batean. Lehengo larunbatean Nagore Odriozola atezaina eta Andrea Zaldua alboko jokalarien kasua izan zen, biak zarauztarra baina Donostiara egin duten bidaia ezberdina izan da. Tempranoren baja dela eta, Odriozolak Zugarrondoren bizkarra zaindu behar du eta entrenaldietan taldeari ekarpena eginez. Aula eta Elche Mustang taldeen aurka emaitzak estuegia ziren eta Canyamelar Valenciaren aurka aurreneko zatian penalti batean agertu zen eta Puchek hamar minutu eskaini zion bigarrenean non besteak beste Bera Berako jokalari ohi Nitsan Dunayri bi geldiketa egin zizkioen, sei metroetan eta penalti batean. Andrea Zalduaren egoera ezberdina da, izan ere, Bera Berak duela bi urte fitxatu zuen alboko jokalaria eta bere taldean utzita jolastu zuen, Aiala Zarautzen bertan. Aurreneko denboraldian astean behin Bidebietan entrenatzen zen eta zaraztuarrek ohorezko mailara igo zirenez urte hori bertan egitea eskatu zuen, urte amaieran lesio larri izan zuen arte. Oraindik ere beste erritmo batean dabil Zalduak Bergaran jokatu zuen lagunartekoa eta Puchek minutu gutxi batzuk eman zizkion non zararauztarrak ausardia erakutsi zuen birritan gola bilatu nahian. Odriozola eta Zalduarekin zortzi gipuzkoar ziren Bidebietan lehengo larunbatean. Alba Menéndez izan ezik horiek guztiak azken urteotan egin dute debuta eta lau dira Valentziaren aurka egin zutenak. Multzo honetan debutatu zuen aurreneko jokalaria Uxue Ezkudria izan zen 2012ko urtarrilean Etxebarrin Kukullagaran aurka; maiatzaren 12an Olatz Ramon –orain bigarren taldean- piboteak egin zuen Ucam Murciaren aurrean; 2012ko urriaren 27an Esther Arrojeria Valenciaren aurka Gascan; 2013ko irailaren 28an Maitane Etxeberria Barakaldon; ondoren María Akuña atezaina Bidebietan –eskubaloia utzi du ikasketak direla eta-, Maialen Múgica Guadalajarako Superkopan 2014ko irailaren 6an; Maialen Husillos (bigarren taldean egun) Canyamelar Valencia taldearen aurka Zarautzen jokatu zen ligako partidan 2015eko martxoaren 28an; Eider Lizarbe, Leonen maiatzaren 30ean eta ligako lauu partidetan deialdietan sartu zen Udane Rodríguez atezainak Euskal Kopan egin zuen debuta 2016ko urtarrilean Zarautzen. Hori guztia kontutan hartuta azken urte hauetan erreferentziazko bost jokalari erretiroa hartu dutela: Eider Rubio, Libe Altuna, Nagore Arizaga eta kirol ibilibideagatik Ziarsolo eta Pinedo gipuzkoarrak. Horregatik, Super Amara Bera Bera etorkizuneko jokalariekin sistema bat eratzen ari da: Ane Encina (Emuan), Estitxu Berasategi (Usurbil) eta harrobiko Errekondo, Vázquez edo Kamio, lehen taldearekin entrenaldiak eta minutuak bakoitzak bere taldearekin.

27 Iraila 2016

Aktak jaso ez bezala, lehengo larunbatean Esther Arrojeriak Bera Berarekin gol kopururik onena berdindu zuen. Zazpi gol egin zituen –ofizialki sei-, Bidebietan bere markarik onena bost golekoa zen aurtengo apirilaren 24ean Mecalia Atlético Guardési egin zizkionak O Porriñoko Kopa ostean. Eta zazpi goleko marka berdindu zuen Elxen lortu zuena martxoan (otsailean Valladolinden sei egin zituen aktan bost ageri arren). Canyamelar Valenciaren aurrean, Montse Puche entrenatzailearen itsasargia izan zen Arrojeria. Partidari taldekideak bezala heldu zion, bi baloi galdu zituen, beste batean urratsak adierazi zizkioten baina barneraketa batean gola sartu zuen, bi baloi berreskuratu zituen eta asistentzia bat eman zuen 17. minutuan partida 4-2 gelditu zen arte. Hortik aurreran, Arrojeriak Martinezen lekukoa hartu zuen erasoan eta bi barneraketa eta kanpoko jaurtiketa baten bidez hiru gol arraskadan sartu zituen bi minutuetan. 4-3 tik 7-4 ra pasatu zen markagailua. Laugarrenean Marín atezainak igarri egin zion jaurtiketa. Handik gutxira kanporatua izan zen eta bigarren zati hasieran Super Amara Bera Bera bultzatzen jarraitzen zuen Arrojeriak: bi barneraketa, Etxeberriari emandako asistentzia, Fernandezek sartutako penaltia adierazi zioten eta kontraerasoa gauzatuz. 43 minutuan: 20-13. Puchek eseri zuen handik bost minutura. 15 golekin, Esther Arrojeria da taldeko golegile nagusia da Loterías Ligan, Martínez (13), Fernández (11) eta Marta López (10) gertu dituelarik. Ligako golegile nagusien taulari erreparatuz, Super Amara Bera Bera gol gehien sartzen duen taldea izanik, Arrojeriak 15 onenen artean izango litzateke (akta zuzenduz gero). Super Amara Bera Berak jokaturiko sei partida ofizialak kontutan izanik Martínez izango litzateke golegile nagusiena (27) eta ondoren Arrojeria (22), Fernández (21), López (20), Etxeberria (14), Sans (12), Ezkurdia eta Aramendia (10), Ederra (8), Elorza eta Menéndez (7) eta Múgica (6). Hau da, azkeneko urtetan bezala gola egiteko ardura banaturik dago oso sei partidetan 27 gol bainon gehiago sartu dituen taldean. Aitzitik, 22,5 baino gutxiago jaso ditu.

24 Iraila 2016

Aurreneko 15 minutuetan Loterías Ligan jokaturiko bi partidetan egindako akatsak itzuli diren arren, non erasoan ez zegoen erritmorik eta baloia kostata mugitzen zuten, hurrengo 45 minutuetan Super Amara Bera Bera hobera joan da Canyamelar aise gainditzeko (28-18).
Baina kosta zaio taldeari jokua aurkitzen, hasieran Martínezek asmatu du, defentsan elxetarra eta Sans erdian kokatu dira, Fernández eta Arrojeria ondoan eta hegaletan López eta Aramendia. Atepean geldiketa onak egin dituen Zugarrondo.
Bi taldeen hasiera traketsa dela eta, Vicent Noguések gelditu du partida 17. minutuan (4-2) markagailuan. Canyamelar gol batera jarri da baina horren ostean etenaldiak etxeko taldeari hobeto etorri zaio. Puchek Elorza sartu du defentsa hobetuz eta erasoan Arrojeriak aurkitu ditu hutsuneak valentziarren defentsan. Usurbilgo zentrala kanporatu ostean Elorzak gola sartzeaz gain birritan aurkitu du Sans pibotean. Atsedenaldian, 12-7 eta Puchek sartu ditu Etxeberria, Ezkurdia eta Ederra.
Bigarrenean, Canyamelar gertutatu da baina Super Amara Bera Berak menperatu du partida. Menéndezek atsedena eman dio Martínezi eta Arrojeria jaun eta jabe erasoan, zazpi gol sartuta. Ostean Ezkurdia eta Etxeberriak asmatu dute aldea zabalduz (23-14).
Valentziako taldean nabarmendu dira Asencioren jokaldi batek, Dunayren saiakerak eta Morais hegaletan. Herreros pibotearekin jokatzen saiatu dira baina Super Amara Bera Berak ez die utzi.
Hamar minutu falta zirela, Montse Puchek Zugarrondo kendu du eta Odriozola sartu –Temprano harmailan zegoen- eta zarauztarrak Dunayri bi baloi atera dizkio, bata penaltiz. Minutu gutxi falta zirela Andrea Zalduak ere debuta egin du Bera Berarekin, birritan saiatu da baina zorterik ez du izan zarauztarrak. Hortaz, konfidantzarako garaipena Loterías Ligako fase honi begira, Granollersen izango duena hurrengo hitzordua (larunbatean 17etan) lehenengo etenaldia aurretik.
Fitxa: Super Amara Bera Bera 28, Canyamelar Valencia 18
Super Amara Bera Bera 28 (12+16): Zugarrondo, López (1), Fernández (2, 1p), Arrojeria (7), Sans (3), Martínez (2) eta Aramendia (1) –titular- Elorza (1), Ederra (2), Etxeberria (3), Ezkurdia (3), Menéndez (2), Múgica (1), Zaldua, Lizarbe eta Odriozola (o.a.)
Canyamelar Valencia 18 (7+11): Marín, Bejarano, Alonso (5, 4p), Dunay (4), Herreros (1), Esterri (1) eta Morais (3) -titular- Stroe, Pérez (2), Prosper, Bravo, Asencio (1), Magraner, Saenz (1) eta Aguas (o.a.)
Epaileak: Eric García eta José María Roy (Nafarroa)
Kanporatuak: Martínez, Arrojeria, Ezkurdia, Elorza eta Sans Super Amaratik eta Alonso, Saenz eta Pérez Canyamelarretik.
Partzialak: 2-1, 3-2, 4-2, 7-4, 9-5, 12-7 –atsedenaldia- 13-10, 17-11, 20-13, 24-15, 25-16 eta 28-18