SUPER AMARA Bera Berako zentrala Silvia Arderíus 19. Jardunaldiko ‘Guerrera Iberdrola’ jokalaria izendatu dute Espainiako Eskubaloi Federazioko web orrialdean botu gehiago jaso duelako.
Arderíusen ekarpena erabakiorra izan zen SUPER AMARA Bera Beraren garaipen estuan Mavi Nuevas Tecnologías taldearen aurkako nogehiagokan, ostiralean Xixongo La Arenan jokatu zena. Zazpi gol sartuta taldeak partida irauli egin zuen. Halere, sufritu zuen madrildarrak Telden bihurritu zuen orkatila berriro ere mina hartu zuelako baina jokatzen jarraitu zuen asistentziak eta golak sartzen. Partida 22-23 amaitu zen Adriana Cardosok hamar segundu falta zirela penaltia gauzatu zuelako.
Igandean, Paun lagunartekoa Frantziako junior mailako selekzioaren aurka
Montse Puchek astearterarte jai eman dio plantillari. Ligak etenaldia izan arren, SUPER AMARA Bera Berak prestakuntzarekin jarraitu nahi du falta diren bi hilabete erabakiorrei ondo helteko, ligako zazpi partida eta Málagako fase finala apirilaren 20tik 22ra.
Horrela, asteartetik ostiral bitartean entrenaldi saioak burutuko dituzte eta igandean Paun Frantziako junior mailako selekzioaren aurka jokatuko du lagunartekoa 13,30etan. Ostean. 16etan Frantzia Munduko txapeldunak Brasil hartuko du leku berean. Aurretik, hilaren 22an Baionan ikusgai izango da partida bera. Puchek internazionalak izango ditu baja: Etxeberria, Arrojeria, Aramendia y Berasategi.
