Aste buru honetan 2. Nazional taldeak Bidebietan jokatuko du, igandeak 10, 12:00 tan Bergararen aurka. Partidua interesgarria izango da, bi talde hauek maila honetan aurrez aurre jartzen diren lehen aldia denez. Kadeteak eta jubenilak zarautzera doaz, larunbatak 9 an, 10:30 tan eta 12:00 tan Alaia taldearen aurka jokatzeko. Partidu hauetan norgehiagoka interesgarria izaten da beti.. Etxeko taldean eskubaloia oso finkatua dago betidanik eta probintziako oinarri garrantzitsuenetako bat da.
Donostiakoak nahi baino gehiago sufritu zuten Sabadell´en garaipena lortzeko. Akabak sailkapeneko lehen postuetan jarraitzen du garaipen honen ondoren. Partidua defentsan erabaki zen igo berri den Arrahona talde liskargile baten aurrean eta sekulan ez zuen partidua galduta bezela eman. Donostiarrei leporatzeko akats bakarra erasoko jokaeran izan zen, markagailuan aldea egiteko aukera atezainaren aurrean erratutako baloiekin galdu ondoren. Horrez gain defentsan erakutsitako potentziala bikaina izan zen eta Arrahonak azken 15 minutuetan gol bakar bat sartzea lortu zuen. Atsedenera 12-11 emaitzarekin iritxi ziren eta gol gehien lortu zituzten jokalariak Tati Garmendia eta Eli Pinedo izan ziren, 3 golekin. Ala ere datu bezela bederatzi jokalariek lortu zute golen bat sartzea. Hurrengo partidua asteazkeak 6 an izango da F.C.C.Itxakoren aurka,20:00 tan Bidebietan. Epaileak madrileko Gorion Avila eta Rios Martin izango dira.Hemendik zaleak eta jendea animatzen dugu gure taldea ikustera etortzeko eta denon artean garaipena lortu dezagun. ¡¡¡ANIMO!!!.
Akabak Asteazkenak 6 an azken sailkapeneko aurkari zuzen bat hartzen du. Lizarrako taldea asko indartu da denboraldi honetan beste lehiaketetan sartzeko aukera ematen duten postuengatik borrokatzeko. Bogdanova errusiar atezain internazionala (Ferrobus eta Ositoko jokalari ohia), Voytsetchovka errusiar hegal internazionala (Lleida eta Ositoko jokalari ohia), Veronica Cuadrado( Akabako jokalari ohia) eta Begoña Fernandez(Ositoko jokalari ohia) pibote internazionalak, Berenguer hegala( Vicar Goyako jokalari ohia), Raquel Macias laterala( Ferrobus jokalari ohia), Demoniere frantziarra (Metz´eko jokalari ohia), San Roman laterala( Porriño eta Montcadako jokalari ohia), Yoli Txikote, Andera Barno eta Andrea Takacs hungariarrarekin batera teorian behintzat talde oso indartsua osatzen dute. Akaba partidu honen garrantziaz jakituna da eta Vanesa Albardias hegala berreskuratzeko itxaropentsu dago, naparrei talde osoarekin itxaroteko. Partidua 20:00 tan izango da, sarrera dohainik ,eta elkarteak zaleak eta jendea partidu polit hau ikustera etortzeko deia egin nahi du gure taldea bultza dezan. Partiduko epaileak Gorion eta Rios izango dira. Partidu aurretik Bera Berako jubenilak Anglet O.Handball taldearen aurka jokatuko dute. ¡¡¡ ANIMA ZAITEZ ETA ETORRI!!!
Partidu gogorra eta izugarria donostiarrentzat. Zenbait unetan markagailuan 5 goleko abantaila lortu arren, taldeak asko sufritu behar izan zuen garaipen berri hau lortzeko, markagailua bere alde mantentzeko lan asko eginaz. Susmatzen zen moduan Leganes taldea denerako prest etorri zen eta ahalegin guztiak egin zituen Akabari partidua korapilatzeko. Kontraeraso azkar batekin eta defentsarekin izandako etengabeko borrokarekin, madrildarrak markagailuan gertu mantendu ziren ia denbora guztian. Atsedenera 13-12 ko emaitzarekin iritsiz. Bigarren zatian berriz donostiakoak defentsa zerbait egokitu zuten eta partidua aurrera ateratzeko asko borrokatu zuten. Aipagarriak Cruz Robles atezainaren geldialdiak, markagailuan abantaila mantentzeko aukera emanaz. Gol gehien sartu zituzten jokalariak Tati Garmendia, Nagore Zipitria eta Esme López izan ziren, 5 gol bakoitzak. Hurrengo partidua larunbatak 2, Sabadell´en Arrahota taldearen aurka izango da.
Donostiarren lehen porrota liga honetan. Akaba markagailuan atzetik joan zen ia partidu guztian, azken minutuetan ez ezik bost goleko abantaila gainditzea lortu zuen eta. Teorian partidu eroso batean, “Mar Alicante” taldea sailkapeneko azken postuan zegoen, Akaba taldea Mar Alicante taldeagatik gainditua izan zen, ez bere jokoagatik baizik eta Akabak erasoan izandako etengabeko erruengatik.Akabak, defentsa lanetan oi den bezela gutxi gora behera, markagailua mantendu zuen baina erasoan jaurtiketa gehiegi hutsegin ziren, eta nahiz eta bigarren zatian erritmoa estutu partiduak alde egin zien. Azken minutuak lotsagarriak izan ziren balentziako epaile eta mahaiko epaileen aldetik, partidua amaitutzat eman zuten denbora bukatu baino lehen, Esme Lopez¨ek gola sartzen zuen bitartean. Epaileek partidua ez zela bukatu onartu zuten, gola baliogabetu zuten eta erdiko sakea eta hiru segunduko baloi edukitzea besterik ez zuten eduki. Sinestezina eta sekulakoa. Haserrea eta ezintasuna donostiako taldean. Zartada donostiarrentzat, sailkapeneko goikaldean mantentzeko aukera ezin obea zen eta. Puntu hauek pista zailago batean berreskuratzera behartuak ikusten dira orain. Emaitza honek ez die onura gehigirik ekartzen, azaroan ligako talde indartsuenen aurka jolastu behar dute eta egoera hau gainditzeko gai direla, beste mementuetan erakutsi duten bezala espero dugu. Hemendik taldeari adore ematen diegu eta dakiten bezala borrokatzen jarraitzeko eskatzen diegu. Hurrengo partidua Bidebietan izango da, larunbatak 26, 19:30 tan, Madrileko Leganes´en aurka. Epaileak Leoneko Angulo del Rio eta Merino Mori izango dira.
