2. Nazionalak larunbatak 8 an 18:45 tan Bergaran, zailtasunik gabeko partidua jokatu zuen, hasieratik nagusitasun haundia erakutsiaz, atsedeneko 3-14 emaitzak azaltzen duen bezala. Partidua bideraturik izanda, Bera Berako jokalari guztiak jokatzeko aukera izan zuten, eta jokua lasaitzeko ere lortutako abantailari esker. Azken emaitza 15-28 eta golegilea Eva Sánchez izan zen 6 golekin. Kadete taldeak larunbatak 8 an, 18:30 tan, Bidebietan partidu polit eta bizi bat jokatu zuen oso parekoak diren bi taldeen artean. Atsedenean Zarautz taldeak 8-9 irabazten zuen. Bigarren zatian, aurrekoaren antzekoa izanik, berdinketa ugariekin, donostiakoak aurreratu ziren eta markagailuan 19-18 azken emaitza estuarekin amaitu zuten partidua. Jokalari aipagarriena Nahiara Silva izan zen, 7 golekin.
Bidebietak asteazkenak 12 an, 19:30 tan, Reyes Carrere, Bera Berako entrenatzaile oiaren Alucine Sagunto taldea hartu zuen. Akabak Sagunto taldea itxaron baino errazago gainditu zuen, partiduak izan zuen erritmo biziari hobe moldatea lortu ondoren. Lehen momentutik partidua bideratu zuten ezuztekorik ez izateko eta atsedenera markagailuan 19-12 abantaila argiarekin heldu ziren. Lehen zatiko arazo nabariena erasoan lortutako gol aukera argi ugari huts egitea izan zen. Sagunto taldeak, Alonso erdilariariaren erasoko lanari esker, bizirik iraun zuen . Bigarren zatian etxeko taldeak defentsan estutu eta kontraerasora irtetzeko aukera ugari izan zituen eta Sagunto taldeak ezin izan zuen deus ere egin. Partiduko golegile haundiena berriz ere Nely Carla izan zen, 8 golekin. Hurrengo partidua Dunadivaros´en (Hungaria) izango da, larunbatak 15 ean, 18:00 tan, Dunaferr taldearen aurka. E.H.F. Copako txapelketan. Epaileak Fleish eta Rieber alemaniarrak izango dira.¡¡¡ zorte on !!!
Donostiakoak ostiralean 10,00 etan, Loiu airoporturuntz irtengo dira, Budapest´era joateko, Franfurt barrena. Hungariara 18,10 tan helduko dira. Hemendik autobusean Dunadivaros arte, Dunaferr taldeak jokatzen duen herrira. Larunbatak 15 ean, goizez, entrenamendu saioa izango dute , 18.00 tan jokatu behar duten jolastokian. Donostira itzulia igandeak 16 an izango da, Budapest´etik Franfurt barrena, 10,05 tan irten eta Loiura 16,05 tan helduko direlakoan. Bidaia, 14 jokalari, Jose Luis Villanueva entrenatzailea, Xabier Araiz ofiziala,José Angel Rodríguez lehendakaria, eta Javier Blanco´k egingo dute. Vanesa Albardias bere sorbalda arazoak errekuperatzen, eta Anna Andryushchenko bidaia egiteko agiri faltagatik, ez dute bidaia egingo. Epaileak alemaniako Fleisch eta Rieber, izango dira eta federazioko ordezkaria Zalonis greziarra. ¡¡¡ ZORTE ON !!!
Larunbatak 1 ean, 19:30 tan, Bidebietan, Akaba Bera Bera eta Venta la Nava Iznalloz taldea aurrez aurre jarri ziren. Donostiakoentzat partidua korapilatu egin zen, lortutako aukerak burutzeko arazo asko izan zituzten eta.25 jaurtiketa erratu ziren, batzuetan atezainak, bestetan zutoinak edo zeazgabekeriengandik eta honek etxeko markagailua aurrera ez egitea eragin zuen. Bitartean Iznalloz taldeak donostiako atea erraz eta zuzen gainditzea lortzen zuen eta honek indartu eta haunditu egin zituen partiduko minutu askotan. Akabak partidua hasieratik irabazi nahi zuen, 10.minutuan 6-2 emaitzarekin, baina 15. minuturako lehen berdinketa heldu eta berdinketak etengabe eman ziren atsedenera 11-10 aldeko emaitzarekin iritxi arte. Bigarren zatiaren hasiera lehenengoaren berdina zirudien, eta momentu batean etxekoek aldea lortu arren granadakoek berriz ere goratu eta Akabakoei oztopo asko jarri zizkieten. Tati Garmendia txartel gorriarekin kaleratu zuten 49. minutuan eta Nely Carla Albertok penalti jaurtiketetan erakutsitako eraginkortasunari esker eta defentsa sendotuaz markagailuari buelta ematea lortu zuten. Partiduko golegilea Nely Carla izan zen 9 golekin (7 penaltiz). Hurrengo partidua Las Palmasen izango da, Ro´Casa´ren aurka, larunbatak 8an, 18:00 tan. Epaileak nafarroako Belloso eta Elkano izango dira
Igandeak 2 an, 10:00 etan, Bidebietan, Bera Berak bere ahaleginetarako partidu garrantzitsu bat jokatzen zuen Ereintzaren aurka, baina ezin izan zuten onurik atera. Ereintza borrokalari eta izandako aukera guztiei irtenbide egokia aurkitzen zuen talde bat bezala azaldu zen. Donostiakoek defentsan asmatzen ez zuten bitartean, errenteriakoak lan honetan oso ondo ibili ziren, Bera Berako erasoak eta akatsak kalbario bat bihurtu arte. Atsedenera kanpoko taldearen aldeko 9-10 markagailuarekin heldu ziren baina bigarren zatian aldea haunditzea lortu zuten, 6 golekoa izatea lortu zuten ere, eta nahiz eta Bera Berak presioa gehitu, ezin izan zioten egoerari bira eman. Azkenean 20-23 ko emaitza. Taldeko golegilea Ainara Perez izan zen, 6 golekin. Hurrengo partidua Bergaran jokatuko dute, larunbatak 8 an, 18:45 tan.
