Azteazkenak 16 an Akabak E.H.F. Europako txapelketan aurkari bezela izango duen taldea ezagutuko du. Akaba serie-buru bezala heldu da finaleko hamaseigarrenetara (3 garren erronda) eta txapelketaren maila honetan dagoeneko ez daude talde ahulik. Donostiako taldeak aukeran nahiago du kanporaketa honetan aurkari bezela Europa erdiko edo iparraldeko talde baten aurrean ez jartzea, indartsu eta arriskutsuenak dira eta. Ala ere donostiako taldea sasoi onean dabil eta ilusio haundiz datozen txapelketa guztiak prestatzen ari dira. Aurkariak ezagutu orduko kluba martxan jarriko da bideoak eta aurkako taldea ezagutzeko informazio guztia lortzen kanporaketa hau gainditzeko. Aurkarien artean Las Palmas´eko Ro¨Casa talde espainiarra egon daiteke Kanariasen jokatutako bi partiduetan Minsk taldea gainditu eta kanporatu ondoren.
Donostiako taldeak garaipen garrantzitsu bat lortu zuen Leoneko pistan.Nahiz eta markagailuak, 21-26 Akabaren alde, irabazteko eragozpenik egon ez zirela adierazi, partidua benetan estu eta korapilatsua izan zen. Epaile bikoteak partidu hasieratik eta batez ere bigarren zatian talde donostiarrari partidua korapilatzeko ahalegin guztiak egin zituzten. Akabak hasieratik abantail txiker bat mantendu zuen markagailuan, defentsa lanetan indarrrez Leoneko jokalarien erasoei aurre egiten eta aurpegia ematen eraso eraginkorrekin, atsedenera 8-11 aldeko emaitzarekin iristea lortu zuten. Bigarren zatian
epailen erabakiak ez zioten donostiako taldeari jokatzen utzi, bazterketa ugariekin, 20 minutuetan lau jokalari, behin eta berriz jokalari gutxiagokin jokatzea behartua izan zen eta defentsa lanetan bere ahaleginak bikoiztu behar izan zituen korapilatsu bihurtutako partidua ez galtzeko. Erasoan egindako lana erabakigarria izan zen eta hamar jokalariek lortu zuten gola sartzea. Patrizia Pinedo izan zen goleatzaile haundiena 6 golekin. Hurrengo partidua Bidebietan izango da, urriak 19 an, 19:30 tan, Lanzaroteko “Tahiche”ren aurka. Epaileak berriz Arce Ortega eta Franco Diez, Kantabriakoak, izango dira.
