22 Iraila 2015

Lehenengo zatiko erdialdean lorturiko abantaila ederki jakin izan du kudeatzen Bera Bera Eskubaloiak (32-26), Valladolideko Aula Cultural gainditzeko Bidebieta, ligako hirugarren jardunaldiak eta, ondorioz, golean aldea lagun sailkapeneko buruan jarraitu. Eta abantaila hori defentsa bikain bati esker lortu du, kontraerasoak erraztu dituena eta batez ere erasoan alboko jokalarien lan ederra medio, Aularen defentsan hutsuneak aurkitu dituztelako eta Lulu Guerra atezainaren aurrean asmatu dutelako, batez ere Ana Martínez eta Alicia Fernández jokalariek. Bien artean bost gol, Arrojeriaren beste bi 11-3 ihes egin du Bera Berak 16. minutuan. Judith Sans eta Ana Martínez erdian, defentsa ona egin dio Aulari Bera Berak. Etxeberria eta Arrojeria ondoan, Alicia Fernández eta Ziarsolo hegaletan. Valladolideko lehenengo lerroak, nahiz eta saiatu Teresa Álvarez eta Silvia Arderiusekin hasieran eta ondoren Celia López eta Cecilia Cossío ezin zuten gustoko duten jokua burutu. Bera Berak, gainera, korrika egiteko aukera izan du Maitane Etxeberriarekin, partidako golegile nagusiena sei golekin. Lehenengo zati amaieran tarteari eutsi diote gipuzkoarrek 17-10. Bigarrenean, defentsa lana ez da hain sutsua izan eta partida amaieran Aula Cultural sei goletara hurbildu da (32-26). Fitxa: Bera Bera 32, Aula Cultural Valladolid 26 Bera Bera 32 (17+15): Temprano, Etxeberria (6), Fernández (5), Arrojeria (3), Ederra (2), Martínez (4) eta Ziarsolo (2p) –hasierako zazpikoa- Sans (3), Pinedo (4), Menéndez (3), Yáñez, Ezkurdia y Zugarrondo (o.a.). Deialdian: Lizarbe eta Husillos. Aula Cultural Valladolid 26 (10+16): Guerra, González de Garibay (6), Fernández, Arderius (4), Álvarez (3), Macías eta Cifuentes (2) –hasierako zazpikoa- Calderón (2), Casquero, López, Prieto (4), Cossío, Vergara (3), Viloria (2) eta Muñiz (o.a.) Epaileak: Jesús Escudero eta Jorge Escudero (Kantabria) Kanporatuak: Martínez, Sans, Fernández eta Menéndez Bera Beratik eta González de Garibay Valladolideko Aula Culturaletik. Partzialak: 3-2, 6-3, 10-3, 12-5, 14-7, 17-10 –atsedenaldia- 18-11, 21-15, 22-17, 27-19, 30-21 eta 32-26

18 Iraila 2015

Larunbateko norgehiagoka ezberdina izango da galiziarrarentzat. Iazko denboraldia Valladoliden igaro ostean “partida berezia izango da, oso urte ona pasa nuelako, taldekideekin oso harreman ona izan zuen, beraiek ikusteko gogokin nago… baina gero pistan irabazi behar dugu”.
Aula Culturalen igarotako uneak gogoko ditu Alicia Fernándezek. “Lesionaturik iritsi nintzen eta apustua izan zen, konfidantza eman zidaten eta pixkanaka pixkanaka belaunean sentsazioak onak hartu nituen eta urtea oso ondo amaitu nuen”.
Donostian ia bi hilabete egin ostean, galizarrak dio “taldekideekin lanean eta duten kalitateaz oso gustora nago eta geroz eta hobeto nago”. Alicia Fernándezek badaki taldean berria dela eta denbora behar duela. “Taldearen jokora moldatu behar dut eta taldekideek ere jakin behar dute nik nola jokatzen dudan. Prozesua da pixkanaka doana baina denbora pasa ahala hobeto ulertzen gara”.
Nahiz eta erasorako ezaugarriak izan, Alicia Fernándezek jakin badaki Bera Berak “filosofía berarekin jarraitu behar du, hau da, defentsa sutsua eta korrika egin”. Bere ustez erasoan “indargunea da ekarpena jokalari guztiena dela eta hori partidetan nabaritzen da”.
Larunbateko partidaz, bere talde ohi gainditzea zaila izango dela dio Alicia Fernándezek. “Korrika asko egingo dute beraiek, nire ustez, erasoan pazientzia izan behar dugu, hutsuneak aurkitu eta erasoak jaurtiketekin amaitu. Horrekin bere indargunea ahulago izango da.
Lulu Guerra atezainari gola sartzeko zer egin behar den galdetuta, Alicia Fernándezek onartu du “oso atezain ona da, iazko denboraldian ondo aritu zen” halere bere ustez “ezin dugu pentsatu nora bota, momento horretan, bera begiratu eta zuk uste duzun lekura jaurti behar da baloia”.

15 Iraila 2015

Igandean ez da jai eguna izango Ainhoa Etxeberria, Mikel Apaolaza eta Nerea Álvarezentzat, izan ere, Euskadiko selekzio ezberdinen deialdian sartu dira entrenaldiak burutzeko.
Horrela, igande goizean, Mikel Apaolaza 11etan Oñatiko Zubikoa kiroldegian egon beharko du, infantil mailako Miguel Ángel Izquierdo hautatzaileak deituta.
Arratsaldeko, 17,30etarako, Barakaldoko Lasesarre kiroldegian kadete mailako Nerea Álvarez jokalaria deitu du Hugo Sánchez hautatzaileak.
Eta 18,30etan, Ainhoa Etxeberria jubenil mailako jokalariak José Ramón Resa hautatzaileak Getxoko Fadurako instalakuntzetan burutuko duen saioan parte hartuko du.

14 Iraila 2015

Denboraldiko hiru partida ofizial jokatuko ditu Bera Berak eta Superkopan nahiz Ligan ezaugarri bat nagusitu da, izan ere, taldean golaren ardura jokalari guztiarena da. Udan bi fitxaketak bereganatu zuten arreta, Alicia Fernández eta Tania Yáñez golegileena, alegia. Oraindik garaiz da eta dituzten baliabideak taldera egokitu behar dira baina Aiala Zarautz taldearen aurkako partidan esaterako golegile nagusienak izan ziren. Halere, Bera Berak golak egiteko aukera ezberdinak sortzeko aukera ditu: kontraerasoan, bigarren aukeran, transizioan eta joku geldian. Superkopan, markagailu urria izan bazen ere (18-17), pistako jokalari guztiek (11) egin zuten gola Uxue Ezkurdia izan ezik. Finalean Ana Martínez golegile nagusiena izan zen, lau golekin. Aiala Zarautzen aurka Judith Sans izan zen gola sartu en zuen jokalaria eta, aldiz, Valentzian aukera asko izan zituen, kontraerasora gehienak eta golegile nagusiena izan zen zazpi golekin. Kopuru horrekin ligan daude kataluniarraz gain, beste bost jokalari: Esther Arrojeria, Tania Yáñez, Matxalen Ziarsolo, Alicia Fernández eta Silvia Ederra. Ligako golegile nagusiena Eli Pinedo da –zortzi- eta lau golekin daude Ana Martínez, Alba Menéndez eta Uxue Ezkurdia eta hirukin, Maitane Etxeberria. Bera Berak 65 gol sartu ditu ligako bi partidetan eta Superkoparekin batera, 83. Guztira, Eli Pinedok 11 sartu zitu, Ziarsolo eta Alicia Fernándezek, 9; Martínez, Arrojeria, Sans, Yáñez eta Ederrak, 8; Menéndez eta Etxeberriak, 5 eta Ezkurdiak, 4. 16 gol jaso eta 5,5 kanporaketa Hiru partida hauetan Bera Berak defentsan duen gaitasuna frogatu du. Rocasak 17 gol egin zizkion Superkopan, Aiala Zarautzek, 13 eta Canyamelar Valenciak, 18; hau da, partidako 16 gol. Kanporaketen inguruan, Bera Berak 11 aldiz zigortu dute bi partidetan eta bederatzi penalti adierazi dizkiote: Aiala Zarautzen aurka sei, eta Canyamelarren aurrean, hiru; aitzitik, bi bestetik ez alde, Valentzian biak, Pinedok huts egin zuen aurrena eta Ana Martínezek gol bakarra sartu zuen. Bigarren jardunaldia: 5 talde bi garaipenekin Liga ireki zuen jardunaldiak etxeko taldeak nagusi izan baziren ere, larunbatean kanpoen txanda izan zen. Bera Bera, Aula Cultural de Valladolid, Rocasa Ace Gran Canaria, Prosetecnicsa Zuazo eta Helvetia Alcobendas etxetik kanpo irabazi zuten eta sailkapeneko gorenean daude egun. Jardunaldian aipagarriak izan ziren Mecalia Atlético Guardésen garaipena (30-20) BM Porriñoren aurrean eta Carobels Ule Cleba Leónena Elche Mustang (27-22) taldearen aurka. Larunbata 19: Bera Bera vs Aula eta Zuazo vs Guardés Datorren larunbatean sailkapena gehiago argituko da izan ere, egutegiak eta sailkapenak aurreneko bien arteko lehia utzi digu: Bera Bera vs Valladolideko Aula Cultural, Bidebietan 18etan (Jesús Escudero eta Jorge Escudero, Kantabriarrak). Ordubete beranduago Barakaldon arituko dira Prosetecnisa Zuazo eta Mecalia Atlético Guardés, eta Rocasak nahiz Helvetia Alcobendasek Carobels Ule Cleba León eta Clínicas Rincón Málaga hartuko dituzte.