Bera Bera - Berriak

27 Iraila 2015

Bera Bera Eskubaloiak ez zuen zalantzarik utzi nahi Granollerserko Can Bassa pista eta hasieratik, Maitane Etxeberriak sartutako golarekin aurkariari partidan zegoela adierazi dio. Mireia Torras jokalariak berdintzea lortu du baina lehengo astean antzera Bera Berak 0-7 partziala bereganatu du, defentsari eta Tempranoren geldiketei esker, José Luis Villanuevak eskaturiko hutsartea gelditzerik ezin izan duena. Izan ere, minutuak pasatu ahala Bera Beraren nagusitasuna gauzatu da eta partida aise eramandu du (20-36). Gipuzkoarren uholdea handia zen hasieratik, Judith Sans izan ezik, 9 minuturako gainontzeko jokalariek gola egin dute, batez ere eraginkor egin da Matxalen Ziarsolo, lau golekin 15 minutuetan. Kataluniarren aldetik, Jabby pibotea, Miriam González eta ostean Clara Poo jokalariek Tempranoren aurrean asmatu dute. Puchek eserlekua mugitu du arnasa hartzeko. Pinedo, Yáñez eta Ezkurdia sartu dira. Bera Berak tarteari eutsi dio eta atsedenaldian 9-17 eroso iritsi da, albisterik onena izan da lesionaturik dauden Alicia Fernández eta Maialen Múgicarekin ez direla gogoratu. Bigarren zati hasieran golak alde batean eta bestean eman dira, KH7 BM Granollers taldearen mesederako. 3-0 partzialari gerturatu da Ana Martínezen kanporaketa bat zela eta 15-21 gerturatuz (min 38) Uxue Ezkurdiaren golak apurtu duena. Ostean Vizuete kanporatu dute eta Martínez, Yáñez eta Pinedori esker (16-25, min 43) gipuzkoarren berreskuratu dute aldea. Bizkaitarrak ondoren handitu duena (16-27). Eta Tania Yáñezekin batera Ana Martínez, bien artean bigarren zatian, hamar gol. Bera Beraren abantaila handituz joan da (19-31, min 52). Defentsak estutu du Granollers eta partida hasieran bezala kostata egiten zuten gola etxekoek. Judith Sansek partidaren amaieran sarturiko bi golei pistako jokalari guztiek gola egin dute. Sailkapeneko gorenean jarraitzeko garaipena. Lehenengo etenaldira iritsi aurretik, Bera Berak larunbatean (19etan) Elche Mustang hartuko du, Bidebietan irabazi duen azken taldea. Ficha: KH7 BM Granollers – Bera Bera KH7 BM Granollers 20 (9+11): De la Torre, González (2), Fernández, Vizuete (2), Torras (2), Jabby (4), Poo (4), Bonilla (1), Pérez (2), Anna Pi, Rubio, Sevilla (1), Rojas (2) eta Ramírez (o.s.) Bera Bera 36 (17+19): Temprano, Etxeberria (2), Menéndez (3), Arrojeria (2), Ederra (2), Martínez (5) eta Ziarsolo (5) –titular- Sans (2), Pinedo (5), Yáñez (8), Ezkurdia (2) eta Zugarrondo (o.a.) Epaileak: Carlos Luque eta Ignacio Pascual (Catalunya) Kanporatuak: Vizuete KH7 BM Granollersetik eta Sans, Martínez, Ziarsolo eta Arrojeria Bera Beratik Partzialak: 1-4, 1-8, 2-9, 4-12, 6-14, 9-17 –atsedenaldian- 12-20, 15-21, 16-27, 19-29, 19-32 eta 20-36 Argazkia: Toni Torrillas

25 Iraila 2015

Bilboko Errekalde auzoko El Fango kiroldegiak hartuko ditu igande goizean kadete eta jubenil mailako euskal ligako aurreneko jardunaldia.
Hortaz, Bera Berako kadete taldeak San Adrian izango du aurrean 10,45etan eta jubenilek, ondoren, 12,30etan.
Lagunartekoak
Larunbatean, Bera Bera senior taldeak Zarautzen jokatuko du 12etan eta bestetik, infantil mailako taldeek Urnietan izango dute hitzordua, 11etan eta 12etan.
Igandean, Bidebietan, infantil mailako beste taldea eta mutilen taldeak Eibar izango dute aurrean 10etan eta 11etan.

25 Iraila 2015

Emakumeen eskubaloizko Loterias ligako laugarren jardunaldia irekiko duen partida da, lekuz aldatu dutena gainera, Palautik Can Bassa pistara, hain zuzen. Horrela, 17etatik aurrera, bigarren aldiz joango da Bera Bera Granollersera, Ignacio Pascual eta Carlos Luque kataluniarrek zuzenduko duten norgehiagoka jokatzera. Rocasa Ace Gran Canaria eta Helvetia Alcobendas taldeekin batera Bera Bera líder iritsiko da, jokaturiko hiru partidak irabazita: Aiala Zarautz, Canyamelar Valencia eta Valladolideko Aula Cultural. KH7 BM Granollersek, bere aldetik, oso garaipen ona lortu zuen Valentziako El Cabanyalen (24-37), Judith Vizueten lana, 11 golekin, nabarmendu zelarik. Halere, belaunean bihurritu gogorra jasan ostean Alicia Fernández baja da eta, ondorioz, Bera Bera 12 jokalariekin egingo du bidaia bihar Autocares Davidekin. Montse Pucheren jokalariek defentsa eta kontraeraso jokoa indartu nahiko dute Villanuevak zuzentzen duen talde eraberrituari aurre egiteko. Izan ere, Lorena Ramírez atezaina, Bonilla albokoa –biak Zuazotik etorrita-, Carlota Rubio eta Anna Pi dira, besteak beste, fitxatu dituen jokalariak. KH7 Granollersek oso itxura ona eman zuen Prosetecnisa Zuazo eta Helvetia Alcobendasen aurka, Canyamelar Valenciaren aurkako partidan frogatu zena.

24 Iraila 2015

Lehengo larunbatean Bidebietan Valladolideko Aula Cultural taldearen aurkako partidan irrist egin ondoren, gaizki erori eta ezker belauna bihurritu ostean egindako frogek distentzioa antzeman zuten, atzo goizean egindako erresonantziak konfirmatu duena.
Barne alboko lotairu hausturaren beldur zen Bera Bera baina bihurritu gogorra du eta hezurrean kolpea, hortaz, galiziarra baja izango da larunbatean Granollersen eta astelehenean bueltako da berriro sendagilearena.

23 Iraila 2015

Bera Bera Eskubaloia 2015-16 denboraldiko harrobiko taldeak osatzen ari da, eskubaloian geroz eta gazte gehiago murgilduz.
Txikienak, benjamin eta alebin mailan, hau da, batetik 8 eta 10 urte bitarteko neska-mutilak eta bestetik, 10 eta 11 urtekoak. Eskolak urriaren 5ean hasiko du aurtengo ibilbideak, 18,30etan izango dena astero ordu betez. Verónica Valverde, María Gracia eta Irati Kamiok hartu dute ardura benjamin eta alebinetan.
Bestetik, Bera Bera Eskubaloiak infantil mailako hiru talde osatu ditu eta beste bat mutiletan. María Gracia, Maialen Eguren, Ane Sarasola eta Verónica Valverde talde hauen entrenatzaile izango dira. Mutilek ere lurralde mailako kadete taldea osatu dute, Montse Puche eta Eider Rubio entrenatzaileak direlarik.
Horrez gain, euskal ligan izango dira kadete eta jubenil taldeak, Verónica Valverde eta Susana Pozasek zuzenduko dute aurrena eta María Gracia eta Amaia Ugartemendia, bestea. Azkenik, Dani Nieto eta Josu Manzanok hartu dute aurten senior taldea.
Gainera, Euskal ligan debuta egingo dute asteburu honetan. Kadete eta jubenil taldeak San Adrian taldearen aurka, Bilboko Rekalde auzoko El Fango kiroldegian, igandean 10,45etan kadete taldeak eta 12,30etan jubenilek.
Gurasoekin bilera
Atzo Kirol Etxean buruturiko bileran, Bera Berako ordezkariek harrobikoen jokalarien gurasoei hainbat informazioa eskainiz gain, proiektua gertuago ezagutzeko aukera izan zuten.
Juan Antonio Garaikoetxearen argazkian, larunbateko lagunartekoetan infantil mailako taldeak