17 Abendua 2015

Harrobiko taldeek zortzi partida jokatuko dituzte asteburu honetan. Mutilen kadete taldea garaiz esnatuko da Legazkipo Bikuña kiroldegian 9,45etan egon ahal izateko La Salle lidergoaren aurka jokatzeko. Mutiletan baina infantil mailan, Bera Berak Egian jokatuko du Egia 1 aurrean izango delarik 12,15etan. Bestalde, infantil mailako nesketan, larunbatean Bera Bera Bi taldeak Bidebietan hartuko du Usurbil A 12,30etan. Igandean, Bera Bera Hiru taldearen txanda izango da Bidebietan Egia 1 taldearen aurka eta Bera Bera Bat taldeak Lasartera egingo du bidaia Usurbil B taldearen aurka jokatzeko 10etatik aurrera. Azkenik, Euskal ligan, kadete eta jubenil mailako taldeak Ermuara abiatuko dira larubatean Errotabarriren aurka aritzeko, aurrenekoak 16,45etan eta jubenil mailakoak 18,30etan. Gertu, Eibarren jokatuko du senior taldeak Avia Eibar Eskubaloia taldearen aurka 19etatik aurrera.

16 Abendua 2015

Bera Bera Eskubaloiak eta beste 33 kirolari edo klubak gaur arratsaldean Donostiako Udaletxean Urrezko Kirol Txartela jaso dute. Eneko Goia alkateak kirolari donostiarren aitortza egin nahi izan du eta aurreneko aldiz ematen den garaikurra, Urrezko Kirol Txartela, hortaz, 2016. Urtean dohainik erabiliko dituzte kirol instalazioak. Donostia Kirolak eta Donostiako udalak antolaturiko ekitaldiak 28 kirolari eta sei talde elkartu ditu, 2015 urtean arrakastak lortu dituztenak bai Espainiako txapelketetan, liga ezberdinetan zein Europa edo Mundu mailako txapelketetan. Emakumezko 16, gizonezko 12 eta taldeei dagokionez bina emakumeena, gizonezkoena eta mixtoa. Bere agerraldian Eneko Goiak goraipatu du “oso harro gaude ikusteaz Donostian hainbat kirolari – banakako zein talde – lehiatzen ari direla euren taldeak eta hiria ordezkatuz eta, gainera, emaitza handiak lortuz". "Kirolari guztiak zarete hiriko enbaxadoreak eta, beraz, Udalak lagunduko eta animatuko zaituzte lehiaketak dituzuen toki guztietan" adierazi du eta azkenik esan du “kirolari horien guztien adibidea jarraitzeko, izan ere, horiek dira Udalak sustatu nahi duen Donostia gogotsu eta biziaren isla”. Lekunberrin lagunartekoa izanik, Bera Beratik izan dira Udalean Fernando Diez Mintegi klubeko presidentea; eskubaloi arloko arduradun Tati Garmendia; Igor Etxeberria gerentea eta Maitane Etxeberria jokalaria, Urrezko Kirol Txartela jaso duena.

16 Abendua 2015

Abenduko aurreneko lagunartekoan, Bera Berak Aiala Zarautz gainditu du (36-14) Lekunberrin ospaturiko partidan. Taldean lau baja izan arren: Múgica, Ziarsolo, Etxeberria eta Pinedo eta Bea Fernándezen zain, Montse Puche eta Eider Rubiok Nafarrora hamar jokalari eraman dituzte eta taldea moldatu behar izan du hegaleko jokalari bakarra izanda. Atsedenaldian 22-11 nagusi ziren donostiarrak. Hurrengo lagunartekoa, larunbatean (19etan) Zallan, Iñaki Bringas omenez Prosetecnisa Zuazo Barakaldo taldearen aurka. Bera Bera: Temprano eta Zugarrondo, Ezkurdia (6), Menéndez (5), Arrojeria (5), Martínez (6), Fernández (6), Sans (3), Ederra (4) eta Yáñez (1). Argazkia: Juan Antonio Garaikoetxea

15 Abendua 2015

Egun batzu atseden hartu eta gero, Bera Bera Eskubaloia lehengo astean entrenaldietara itzuli zen eta bi lagunarteko izango ditu egun hauetan. Bihar asteazkena (20etan) Lekunberrin Aiala Zarautz izango du aurrean. Lagunartekoan ez da Bea Fernández izango, oraindik ez duelako bat egin taldearekin ezta ere Maialen Múgica eta Matxalen Ziarsolo lesionatuta direnak. Zoritxarrez Mundialetik at gelditu den Eli Pinedok atsedena hartuko du, atzo final-zortzirenetan Frantziak 21-22 irabazi baitzion Espainiari penaltiz eta denbora amaituta.
Aitor Bringasen aldeko jardunaldia
Bestetik, larunbata abenduak 19, Bera Bera Eskubaloiak Aitor Bringasen omenezko ekitaldian parte hartuko du. 19etatik aurrera Zallako kiroldegian Prosetecnisa Zuazo Barakaldo izango du aurrean. Kadaguako klubeko lagunek antolatu dute jaialdia, 17etan mutilen arteko partida Kadagua eta Lasalle taldeen artean, horren ostean Aitor Bringas omenezko ekitaldia burutuko da eta 19etan donostiarrak eta barakaldarrak aurrez aurre.

Euskadiko kopa
Gaur arratsaldean, Euskal federazioko egoitzean 19etan 2016ko urtarrilaren 2 eta 3an burutuko den Euskal Kopako finalerdiak ezagutaraziko dira.