03 Martxoa 2017

Kopako XXXVIII edizioren fase finala osatzeko O Porriño udaletxean eguardian buruturiko zozketaren arabera Elche Mustang izango da SUPER AMARA Bera Beraren aurkaria final-laurdenetan, apirialen 29tik maiatzaren 1era jokatuko dena. Partida hori gaindituz gero, taulako goiko aldean diren donostiarrak KH7 BM Granollers edo Mecalia Atlético Guardés izango dute aurkari; beheko aldean, aldiz, Rincón Fertilidad Málagak Rocasa izango du aurrean eta bertako Godoy Maceira Porriñok, Helvetia Alcobendas. Honako ordutegiak zehaztu dira baina oraindik partidak finkatu gabe, larunbatean 12,30etan, 16etan, 18,15etan eta 20,30etan; igandeko finalerdiak 16etan eta 18,30etan eta finala astelehena, maiatzak 1, 13etan.

03 Martxoa 2017

Bihar larunbata Loterías Liga itzuliko da Bidebietara (18etan), 17. Jardunaldiari dagokion partidarekin non SUPER AMARA Bera Berak KH7 BM Granollers hartuko duen, egun sailkapenak –hamargarrena hamar puntuekin- adierazten duena baino gehiago den taldea. Hori dela eta gipuzkoarrak ez dira fio modan dagoen aurkari batean aurrean. Vicente Peris (andaluziarra) eta Manuel Mohedano (Gaztela-Mantxa) epaileek zuzenduko dute partida. Montse Puchek Valentziara eraman zuen taldea deituko du. Bere asmoa da sentsazioak berreskuratzea eta Canyamelar Valenciaren aurka bigarren zatian egin zuen defentsa hizpide, orain eraso posizioanal hobetzea da helburu. Aurrean, defentsari garrantzi handia ematen dion KH7 BM Granollers, korrika ere gustoko duena eta lehenengo lerroan bi jokalari garrantzitsuak Laura Steinbach urtarrilean fitxatu dutena eta Judih Vizuete. Hortaz gain, pibote haundiak ditu Hatou Jabby eta Kaba Gassama, azken hau Carlos Viver hautatzailearen selekzioan nobedadea. Talde gaztea izan arren estu hartu zituen Mecalia Atlético Guardés eta Rocasa, azken jardunaldian puntu bat arakatu zion Prosetecnisa Zuazori. Challenge Cupeko kanporaketa dela eta, Mecalia Atlético Guardések SUPER AMARA Bera Berarekin bat egin du asteazkenean Helvetia Alcobendas (24-17) gaindituz.

02 Martxoa 2017

O Porriño udaletxeak hartuko du ostiralean, martxoak 3, 12,30etatik aurrera Kopako XXXVIII. edizioko zozketa, Pontevedrako herri honetan apirilaren 29tik maiatzaren 1era bitartean burutuko dena. Hortaz, O Porriñok bigarren urtean jarraian azken fasea hartuko du eta 2013 urteaz geroztik hirugarren aldiz.
Bi edizio hauetan Bera Bera izan da garaile eta iaz garaikurra jabetzan hartu zuen bosgarren kopa zelarik. Zortziko finala hiru egunetan burutuko da, telebista dela eta final-laurdenak larubatean jokatuko dira, finalerdiak igandean eta finala, maiatzaren 1ean, astelehenean.
Zozketan SUPER AMARA Bera Berak, txapeldun gisa, eta Godoy Maceira BM Porriñok, antolatzaile moduan, balizko finalean baino ez dute elkar ikusiko. Honako taldeek osatuko dute zozketa: Mecalia Atlético Guardés, Rocasa Ace Gran Canaria, Rincón Fertilidad, Helvetia Alcobendas, KH7 BM Granollers –lehenengo aldiz- eta azken fasera bueltan den Elche Mustang.
Aurreneko edizioetan, Bera Berak iaz Helvetia Alcobendas izan zuen final-laurdenetan eta Elche Mustang Castellón eta azkeneko hiru finalerdietan Mecalia Atlético Guardés.

01 Martxoa 2017

Asteburuan hamar partida jokatuko dute Bera Bera Eskubaloiko harrobiko taldeek eta horrez gain Euskal ligan aritzen den senior taldeak Portugaletera egingo du bidaia ostiralean bertan behera gelditu zen partida amaitzera, hau da 18 minutu jokatzera, markagailuan aurretik doala 14-17. Bera Bera senior taldearen hilabetea iritsi da. Izan ere, ostiralean Jarrillerasen aurka partida irabaziz gero sailkapeneko buru jarriko litzateke, Indupime Basaurik baino puntu bat gehiagorekin eta Zarautzekiko bi. Hauek jardundaldia jokatu eta bi puntuak lortu dituzte Jarrillerasen aurka, Portugaleteko taldearen aukerak ihes egingo dute baldin eta Bera Beraren aurka partida iraultzen ez badute. Larunbatean 16etan, Pulpo hartuko dute Loterías Ligako partida aurretik. Ondoren, Bidebietan ere bai Zarautz izango da aurkari martxoaren 11n, Elgoibarren aurkari zaila ostean eta Indupime Basauri Bidebietan martxoaren 25ean. Liga apirilaren 9an amaituko da eta Bera Beraren helburua da lauko finalean egotea, horretarako sailkapeneko aurreneko bi onenen artean egon beharko du. Beste partida erabakiorra Euskal Ligan, Bera Bera Urdina jubenil taldeak jokatuko duena igandean Bidebietan Tecnifuelle Elgoibarren aurka. Ordutegiak Larunbata, martxoak 4 Zarautz (Ant.) 13,00 Infantil mutilak Amenabar vs Bera Bera Urdina Bidebieta 14,00 Kadete neskak Bera Bera Laranja vs Arantzazuko Ama KE Bidebieta 16,00 Senior neskak (Euskal Liga) Bera Bera vs Garaje Axiri Pulpo Legazpi 17,30 Jubenil neskak Untzilla Abokatuak vs Bera Bera Laranja Usurbil 17,30 Kadete neskak Usurbil KE A vs Bera Bera Urdina Igandea, martxoak 5 Bidebieta 09,30 Infantil neskak Bera Bera Urdina vs Orio Ikastola Pasai Donib. 10,00 Infantil neskak Bera Bera Txuria vs Pitch Bidasoa B Bidebieta 11,00 Kadete mutilak Bera Bera Urdina vs Leizaran Imatel Pasai Donib. 11,30 Infantil neskak Bera Bera Laranja vs Modeltek Elgoibar Bidebieta 12,30 Jubenil neskak (Euskal liga) Bera Bera Urdina vs Tecnifuelle Elgoibar Konzentrazioak Bestetik kadete mailako hiru jokalari entrenaldietan parte hartuko dute Gipuzkoako selekzioarekin, Bergaran burutuko dena igande arratsaldean. Evelyn Briones, Malen Morandeira eta Leire Sorondo dira.