Silvia Arderíus jokalariaren nobedadearekin, SUPER AMARA Bera Berak Ibizako ANTS:BFTI Muchoticket Santa Eulària hartuko du Bidebietan 18etan, Guerreras Iberdrola Ligaren 18. Jardunaldian, Bernardino Fernández eta Raúl Rodríguez madrildarrek zuzenduko dutena.
Gipuzkoarren eta Ibizako taldeen arteko hirugarren norgehiagoka hilabete batean izango da, Kopako kanporaketa ostean. Azken emaitza argia bazen ere, Pucheren jokalariek ez dira Santa Eulàriarekin gio, oraindik gogoan dutelako Rincón Fertilidad taldearen aurkako porrota. Gainera, etxetik kanpo jokatu zuten azken partida irabazi zuten, Xixonen han zuzen ere, baina BM Castellón taldeak Canyamelar Valencia gainditu zuenez jaitsiera postua estutu da.
SUPER AMARA Bera Berak, bestalde, A Sangriñan garaipen harrigarria lortu zuen Liga eskuratzeko aukerekin uzten dutena, Rocasarekiko bi puntura. Kanariarrek Europako kanporaketarik ekingo diote asteburuan eta asteazkenean izango dute hitzordua Valentzian.
Atzo eta gaurko entrenaldietan frogak egin ostean, Silvia Arderíusek minutuak izango ditu biharko partidan, orkatilean Telden izan zuen bihurritua behin gaindituta.
